Mizoram UPC General Secretary Statistic report thar bera tarlan danin Mizoram chhungah members 46,464 awmin, Ramthim field-ah members 3,860 kan nei mek bawk. A report atang hian Mizoram UPC Member zawng zawng chu 50,324 kan nih thu kan tarlang. Report buatsaih hnuah pawh mithar engemaw zat kan neih belh leh tawh avangin dik chiahlo mahse a bawr vel chu ahriat theih a ni.
Lalpa Thlarau awmpuina leh malsawmna kan dawng nasa a, Office, Camping Centre, Bible School leh Hnuchham enkawlna hmun te, Lalpa'n min pek tawh bakah khawpui lian thlenna tur Assembly Centre lei tura kan hotuten hma lakna hrang hrangah Pathian malsawmna kan dawn belh zel a, Kohhran member tinte tawngtaina vanga hetianga malsawmna hi dawng zel kan ni. Assembly Centre tur hi kumin ngeia ram lei thara khawmpui hman kan hotuten tumin chak takin hma an la mek a ni. Tin, hei bakah hian Mizoram Kohhran hrang hrang zingah Delhi a Biak in leh Quarter nei hmasa ber leh nei awmchhun kan han ni te hi ava ropui em. Heng zawng zawngah hian inchhuang tur kan awmlo, member en hian hetiang malsawmna kan dawng hi Lalpa Thlarau awmpuina Kohhranin kan dawn vang liau liau a ni. (from Opa)
If you enjoyed this post and wish to be informed whenever a new post is published, then make sure you subscribe to my regular Email Updates.
Subscribe Now!