Website thar tlangzarh a ni ta

     Dt.29.8.2012 (Nilaini) zing dar 7:00 khan PYD Lunglei South Bial, Mizoram UPC te chuan Website thar  www.mizorampyd.org released na hun Lunglei South Bial Pastor Quarter-ah an hmang a, he hun hi Bialtu Pastor, Rev. R.Laldawngliana’n kaihruaiin mitin tlawh theih turin a tlangzarh nghal. Website hi Literature Sub Committee PYD Lunglei South Bial, Mizoram UPC in a enkawl dawn a ni. Website siam anih chungchangah Administrator Henry S.Chhuanhmingliana chuan hmalakna tur leh siam a nih chhan tlangpui sawiin, tunlai khawvel changkang leh thiamna mai bakah information changkang zelah hian Mizoram UPC pawhin ke kan pen a ngaihna chen a awm a ti a, khawvel thil taka changkang leh huap zo taka kal tumna lam erawh a ni lo a ti. Mizoram PYD tih a nihna chhan sawifiahin Mizoramah hian UPC pahnih kan awm a, International UPC (UPCI) leh Mizoram UPC te kan awm mek a, International emaw North East India UPC emaw kan nih loh avang leh Mizoram UPC kan nih avangin PYD tepawh PYDI (International) emaw kan nih loh avangin a hmingah pawh Mizoram PYD tih kan hmang a ni a ti. Website ah hian Kohhran chanchin leh hmalakna te a tam thei angber leh a zing thei angber a update tum a ni a, Kohhran hmalakna leh thildangte pawh a tam thei angber regullar taka tarlan thin tum a ni bawk. He hunah hian Bialchhung PYD member an kal tha hle a, Bial hruaitu leh Lunglei Dist. Hruaitu, Revival Speaker David Partlana leh a thiante bakah sawm an nih angin Lunglei chanchibumi tepawh an kal tha hle.
(Lunglei South Bial chhungah hian Kohhran 6 kan ding mek a, Hengah tehian PYD an ding kim vek a ni. Tunah hian Bial PYD member hi 182 vel an awm mek bawk.-Admin)

If you enjoyed this post and wish to be informed whenever a new post is published, then make sure you subscribe to my regular Email Updates. Subscribe Now!

Kindly Bookmark and Share it: