PYD General Conference vawi 18na zirtawp zan atanga GSA Playground Mamit ah tan chu nimin Pathianni khan a tiak ta, He inkhawmpuia thusawitute chu Pastor Lalhmunngheta, Upa K.Zoramthanga, Rev. H.Vanlaltlana, Rev Vanlalsipaia leh Upa C.Lalpianthanga te an ni a. Myanmar leh Bangladesh bakah India ram chhung Mission Field hrang hranga ring tharte leh ALJC, USA atangtein khawmpui-ah hian palai engemawzat an kal a ni. Inrinni khan chhim Veng YMA hall ah Confernce Rorelna neih a ni a, rorel palai 385 te chuan Kum 2013 General Conference neihna turin Bilkhawthlir an ruat a, kum 2014 rorel thleng turin Kolasib bial ruatfel a ni bawk. Kumin atangin inkhawmpui bikah thupui neih tawh loh nise, tih leh Thlengtu tanpuina Rs 100000(nuai khat) atangin Rs 120000 ah tihsan nise an ti a. 2013 kumpuan atan Inralrinna (joela 2:1) thlan a ni a. Kum 2013 ah PYD Day pualin rampumah Blood Donation neih nise an ti a, Lehkha tara innei kan tam zawk theih nan General PYD in hmala rawh se, tih Lunglei 'S' Bial Agenda chu a tlang bawk. Kum 2013 budget ah Rs. 10,35,000 pawm a ni. Inchhiarna-a a landanin, PYD hian bial 66 ah PYD dinna kohhran 238 a nei a, member 8136 awmin member zingah zuk leh hmuama fihlim 1185 an awma a, ruihhlo ngai 309 awmin, drugs ti thin 19 leh zu in 244 an awm mek a ni. Nizan a tiak zanah Pandal a inkhawm programme pangai chu dar 11 leh tlemah an bang a, thusawitu pawh zan dar 9:40 velah thu a sawi thei chauh a, Inkhawm pangai dar 11 hnu deuha an tin hnu hian Pandal ah tho Pathian faka lengkhawmin a zui nghal a, an zai tui hle a, Pathian thlarauin hna a thawk nasa hle nia nhriat a ni a, tawnghriatloh nen an zai tlaivar thak a, tukkin zing dar 5:30 khan a tiak ta.
If you enjoyed this post and wish to be informed whenever a new post is published, then make sure you subscribe to my regular Email Updates.
Subscribe Now!