Hmangaihna avangin

“Chanchin\ha Luka ziak 7:36-39”

            Kan Bible chang tarlang khi kan chhiar chuan Pharisai Simona’n chaweia, Isua a sawm chungchang kan hmu a, Isua khawvela a len lai khan thilmak tam takte tiin rawngbawlna ropui tak a nei a, chutihlai chuan Pharisai Simona chuan chaweiah a sawm a, chutia Simona ina chaw a kil lai chuan hmeichhe pakhatin Alabasta bawma hriak rimtui man to tak kengin a hnenah a lo kal a, he hmeichhia hi Pathian ngaihsak lo leh hrelo, hmeichhe sual a ni a, nimahsela, a sualnate in hrechhuakin a nun hman \hin danah a beidawng em em a, Pathian hnena tlukluha tlanluh hi a chak em em \hin a ni..

            Chutianga a nun a tuihal em em laichuan, a beisei Isua chu
Simona inah chaw a kil tih a hriat chuan Alabasta bawma hriak rimtui manto tak kengin a kal ta a, Isua bul a va thlen chuan a bulah ngawi rengin a va ding a, mittui far zawih zawihin a awm  a, a rilru tur chu kan hriatpui mai awm e. A mittui chuan Isua ke ah farin chu a far huh chu a samin a hrufai a, a ke te chu a fawp ngawih ngawih a, tichuan a hriak bawm chu chhu kehin Isua luah chuan a hnawih a. chu hriak rimtui chu manto tak, Duli 300 man lai a ni a, chu chu tunlai hlawha chhut chuan `. 1,50,000 (nuai kha leh sing nga) man hu lai a ni a, mi pakhat kum khat hlawh deuhthaw a ni. Chu chu zirtirten an hmuhin an thin a rima, Juda chuan enga tinge Duli 300 a hralhin mi rethei te hnenah an pek zawk loh a ti hial a ni.

        Juda Iskariot-a hi Isua zirtirte zinga mi kha a ni a, mi rethei leh chanhai zawkte a hmangaih hmel hle laiin thinlung lam entu Pathian chuan a hmuhhmaih hauhlo mai a, Juda hi zirtirte leh mi retheite, chanhai zawkte ta tur sum an thawhkhawm tangka ip kawltu a ni a, tangka ip chhunga dah chu a lak \hin vang a ni, ‘Rûkru a ni si a,’ a ti a ni.

         Zirtir Juda rilru pu hi tam tak a awm theih awm e, \hahnemngai awm taka langin uar taka sum leh pai thawhlawm thawh tura inzirtir a, thawh \hahnem lo zawkte fuihin leh sawichhia in mi tam tak fak kan lo hlawh a ni maithei, chumi a nih rual chuan duhsaktu leh fak dertute hriat si lohva tangka ip chhunga tangka la \hin kan nih hian mi \hahnemngaite \hahnemngaihna tam tak kan tihchhiat sak a, Kohhran in

hmasawn aiin hniam lam kan pan leh mai \hin. A rawng kan bawlsak \hin, thinlung lam entu leh hre vektu Pathian chuan rukru a ni si a, a ti. Juda rilru pu hi tam tak a awm theih awm e, mahni \heuh i in enfiah dawh teh ang.

       Awle, chutianga hmeichhe sual sim ina mittui tla zawih zawih chunga Isua ke a fawp ngawih ngawih leh hriak rimtui tak a thih khan Isua chaweia sawmtu Simona khan eng angin nge a ngaih? Hetiang hian a ngaihtuah ta a, Hemi (Isua) hi zawlnei a nih chuan a dektu hmeichhia hi tunge a nih? Mi engang nge a nih a hre reng dawn si a, misual a ni reng si a. Misualte ngai theilo Pathian hian mualpho takin chhuah tirse tih hi Simona rilru a ni tlat mai.

         He Simona rilru pu hi Kohhranho zingah tam tak a awm theih awm e, kan rawngbawltute leh Pastor te duhsak awm taka langin, eitur tui \ha \hate hluia chaweia sawm a, an rilru hneh tum taka lam\anga siam tum hi a awm theih awm e. Chung mite chuan kan rawngbawlpui, kan unaute, kan thlen chin ang thlenga kan aia sang tura kan hmuh tehi kan ngai thei lova, an sualnate an diklohna te kan hmuhsak zut zut a, chu chu chaweia kan sawm, rawngbawltute leh Pastor ten min lo hriatpui se tiin kan unaute fellohna lai kan hrilh zut zut \hin a nih chuan a fello hle ang.

        A chhan ber nia lang chu Pharisai Simona’n Isua a beisei ang khan chaweia kan sawmte chu lam \anga siam a, kan unaute chu i mualpho se, a theih ang chen chenah an rawngbawlnate chu hrek bet se tih hi kan beisei fo \hin niin a lang. Nimahsela, Pastor leh rawngbawla inpe techuan Krista rilru an pu zawk a ni, Chaweia sawmtu Simona chuan hmeichhe sualna te hmuin Isua’n timualpho se tia a duh em em laikhan Isua chuan a sualna zawng zawngte hmuh kanin sima a hnen a lo panna zawk chu a hmuh sak tlat avangin a hmangaihin a khawngaih em em a, ‘i rinna i dampui a ni, i sualte ngaihdam a ni ta, thlamuang takin kal rawh’ a ti ta a ni. Lalpa chu fakin awm rawh se, Amen.

      Ava ropui em! Pathian ram beiseituten Pathian rawng kan bawlna kawngah hian kan unaute, kan rawngbawlpuite, thil lo tihsual tawhna te lo tihdik tawhlohna te hmuhkanin an simna leh Lalpa hnen lam an hawina hi in hriatsak reng zawk \hin ila, chutah chuan Lalpa tihdamna a awm si a, kan sualna zawng zawngte hmangaihna avanga hmuhkan a, sim a, a hnen kan panna min pawmsaktu, a hnen kan thlen theihna tura Thlarauva min baptis tu, kan Lalpa Isua chu fakin awm tawh se, Amen.

by

K.Lalfala

Lunglawn, Lunglei

If you enjoyed this post and wish to be informed whenever a new post is published, then make sure you subscribe to my regular Email Updates. Subscribe Now!

Kindly Bookmark and Share it: