Beiseina

                                                      Hlathlankhawm 3:1-2, Rom 8:24-26, 31

Israel Lal Solomona hi a hunlai chuan Lal ropui tak a ni a, a lalchhung khan Israel fate leh a chhehvel ram zawng zawngte khan thlamuanna ropui tak an neih phah a, chutiang khawpa Lal ropui leh thiltithei chu a ni. Solomona hming  hi Hebrai (Hebrew) atanga lakchhuah niin A hebrai tawng chuan Salomon tih a ni a,, Hebrai thumal Shalom tih atanga lakchhuah a ni. A hlaphuah tehi han chhiar han chhiar chuan Biblea telh chi niawm lo hiala mawi a tak mai, mahse nguntaka zir erawhchuan Krista hnungzuitu te tan chuan zirtur tam tak a awm lawi si a ni.

            Helai chang kan han tarlan pawh khi nula leh tlangval inlemna thu niin mi tam tak chuan Bible-a telh chi nilo ang hiala ngaihdan nei an awm nawk a ni. Lal Solomona hi Lal ropui tak niin nupui 700 leh hmei 300 a nei a, chumai bakah Ro sum leh pai a duh ang ang nei theiin hausakna lamah pawh khawvela hausa ber a ni a, a duh zawng leh it zawng a piang hlah lova nei thei kha a ni. (Thuhirltu 2:10). Khatiang khawpa thil tithei si khan ni hnuaia thil awm tinreng hi engmah lo mai a lo ni ti hialin a tawng chhuak a, engvanga khatianga ti kha nge ni ang I ngaihtuah ve tawh ngai em le ?

            Bible thu kan chhiar chuan Lal Solomona hian hmangaih em em mai pakhat a nei a, chu a hmangaih nula chua  zawng a zawng thin a, zana a mutnaah te a ngaihtuah reng a, kawtthlerah te a zawng a, chu a hmangaih sulam nula tia a zawn reng chuan chutihlai chuan tlangval pakhat hmangaih a lo neiv e reng mai a, chu a hmangaih chu Solomona hi a ni thei mai ang em ? Khatianga lal ropui tak amah hmangaih em em tu kha em ni a lo hmangaih ruk ve em em chu ni ang ?

Thil nithei lehtunlai khawvel kan thlir chuan hausak duhna leh hausak chakna khawvelah kan cheng a, mi rethei hmeltha leh fel, Pathian tihmi aichuan Hausa tak sum leh pai ngah hi kan nula tehian anthlang tawh zawk a,chutiang riru chu a lo pu ve em. Sulam nula chuan a hmangaih tlangval tan chuan a rinawm em em a, a chu a hmangaih chu Solomona a lo ni hauh lo mai a, tlangval a hmangaih em em tan chuan a rinawmin a theihna zawng zawngin a hmangaih a, atan a in pumpek vek a, Lal Solomona chuan chu Sulam nula chu a mah hmangaih ve tura thlemin a thil neih ropui leh sum leh pai a tawngkam thiamna chi tinreng chuan a han thlem thin a, mahse, a hmangaih tlangval tana rinawm Sulam nula chuan chutiang khawvel hausakna leh ropuina avang chuan a hmangaih tlangval chu a kalsan duh chuang lova, a phatsan ve duh chuang lo.

Bible zir mite chuan he Lal Solomona hian kan chenna khawvel mawina, ropuina te,  Rosum itna te a entir a, Sulam Nula hian khawvela cheng mihringte Isua ringtute a entir a, tlangval Sulam Nula in a hmangaih em em Berampu hi Isua entirna a ni tiin an lo sawi thin. Lal ropui Solomona hian Sulam nula hi khawvel ropuina sum leh pai leh tawngkam thiamna chi tinreng nen a thlem ang hian keini Isua Krista ringtute pawh hi sual setana chuan engtiklai mai pawhin kan duhzawng tak leh kan it zawng tak hmangin min thleng reng thin a, khawvel ropuina te, mawina leh hmingthanna hmang tein min thlem thin a, nimahsela, Lal Isua ringtute a thinsen hlua inbualfai tawhte chu he khawvel thil ropuina, sanna leh hmingthanna tehian min thlem thin mahsela, he Sulam nula a hmangaih tlangval (Thlaler Berampu) tana a rinawm em em ang hian keini pawh hmangaih avanga min tlantu kan thih aia thi a, tholeh atan hian kan nun kan hman a atan chauhva kan rinawm ve hi a ngai a ni tih I hre reng ang u.

Miten min sawiselin kan chhiatna lai sawi thin mahsela, kan chhiatna tur zawngin min beiin Lal Isua kan phatsan theihna turin kawng hrang hrangin min bei thin mahsela, vana kan lal lukhum tichhahtu tur a ni tih hre rengin chung thl ropuina te leh sual beihna hrang hrangte chu I in dal tir ve lo ang u. Keini zawng ram tha lehzual chak a zawng tute kan ni a, kan hmaa intlansiakna awmah chuan chhel takin kan kal zel tur a ni dawn lawm ni ? Rom 8:24-28 kan chhiar chuan Beiseina chungchang kan hmu a, mitin hian eng emaw thil beisei kan nei theuhva nula leh tlangvalte chuan nu[ui pasal inneih huna chhungkaw din dan tur te suangtuah leh thlir chungin beiseina sangtak nen hun hlimawm hmachhawn tur nghak leh beisei chungin hun kan hmang thin a, Isua Krista ringtute chuan beiseina sangtak nen Lal Isua lolan hun tur thlirin chatuan ram lungngaih leh tah awm tawhlohna hmun tur thlir chungin chatuan ram beisei chungin khawvel hun leh nite kan chhiar thin a, chutianga Lal Isua lokal hun tur nghaka beiseitu ringtute chungah chuan harsatna hrang hrangte, thlemna hrang hrangte sawichhiatna leh tihduhdahna te a lo thleng thin a, chung hunah chuan amah Lal Isuaa kan innghah a amah kan rin tlat chuan chu beiseina chuan min pui a, Thlarau Thianghli zarah chakna kan lo neih phah leh thin a ni. Amah hmangaiha ama ruat anga a kohate tan chuan kan Lal Isua chuan kan thatna turin kawng engkimah min thawhsak reng thin a, kan sa banah min kaiin ani chuan kan khawlohna leh kan tlinlohna zawng zawngte anga min thungrul mai lovin a hmangaihna leh zahngaihna avangin chatuan nunna kawng min hawnsak mai ni lovin a thu ropui tak leh Thuthlung thianghlim puangchhuak tura min kohva min la thlang duh hi lawm chunga a rawngbawl mai tur kan ni tih hre rengc huin thi hmuh theih te chu beisei lovin kan thih aia thia tholeh atana kan nun kan hman a, hmangaihna thianghlima min hmangaihtu Lal Isua chauh beisei chunga a lo kal leh hma loh zawng rinawm taka kan awm hian nunna lallukhumkan changv e thei dawn a ni tih hre reng chungin beiseina nung min siamsaktu kan Lal Isua avanga khawvel thil ropuina leh mawina e, sanna leh hmingthanna zawng zawngte kalsanin Lal Isua tan chauh i rinawm reng ang u

Henry S.Chhuanhmingliana

9862311550

If you enjoyed this post and wish to be informed whenever a new post is published, then make sure you subscribe to my regular Email Updates. Subscribe Now!

Kindly Bookmark and Share it: