Pathian chu Pakhat chauh em ni ? Release a ni ta

Dt.9th June, 2015 (Thawhleh) zan khan Vanlalchhuana Hrahsel lehkhabu ziak, Pathian chu pakhat chauh em ni ? tih Mizoram UPC Lunglawn PYD te buatsaih chu Release-na hun hman a ni a, he hunah hian sawmbik te kalkhawmin Rev. Gospel Thanga Bialtu Pastor in tlangzarhna a nei a, thusawiin Rev. Gospel Thanga chuan lehkhabu ziak hi mi nazawng tih chi a ni lova, mi taima leh a timi tak tan lo chuan ziah mai mai theih a nilo a ti. Hetianga lehkhabu tha tak mai Lunglawn PYD ten an buatsaih thei chu lawmawm a ti a, a bik takin a ziaktu Vanlalchhuana Hrahsel pawh fakawm a tih thu leh a inpekna ropui a tih chu a sawi a sawi a, miin lehkhabu tha tak ziak mahse, chhiartu an awm loh chuan hlutna engmah a neilo a ni tih sawiin, lei leh chhiar kawngah thahnemngai thar leh turin kalkhawmte a fuih. Thusawitu dang Rev. P.Lalrinawma, Area Secretary
Southern zone pawhin lehkhabu hlutna hriaa chhiartam hian hmasawnna tam tak min thlen a, mi ropui leh thil tithei nia kan hriatte reng reng hi lehkhabu chhiar peihlo tumah an awm ngai lova, lehkhabu chhiar peih tak tak an nih hlawm thu a sawi a, lehkhabu tha chu nunkawng dik min kawhhmuhtu leh hmsawnna min siamsaktu anih laiin lehkhabu thalo chuan kawng diklo min zawhtir thin a, ziak leh chhiar kawngah pawh kan fimkhur a, hetianga lehkhabu tha tak mai Lunglawn PYD ten an chhuah thei chu lawmawh a tih thua sawi bawk. Lunglawn Kohhran Chairman Upa K.Lalfala pawhin Lunglei Dist. hian hmasawnna tur tam tak kan nei a, hetiang lamhawia ke kan pen zel theihnan tan ila thar sauh sauh ang u tiin kalkhawmte a fuih bawk. Hemi zan hian lehkhabu hi eng emaw zat hralhchhuah niin bu 1 hi Rs.80 zela hralh chhuah a ni. He lehkhabu hi phek 78 a chhah niin leiduh kan awm chuan a hnuaia Phone number tarlan ah hian lei theih a ni dawn a, amaherawhchu a copy siam tam a nihloh avangin chanloh palh erawh a hlauhawm hle thung ang. He lehkhabu hi Lunglawn PYD te chuan 7th July, 2015 a an kum 15 tlin an lawmna tur pual leh rawngbawlna tur atana an buatsaih a ni. Ph.9862311550 ah zawhchian theih a ni ang.

If you enjoyed this post and wish to be informed whenever a new post is published, then make sure you subscribe to my regular Email Updates. Subscribe Now!

Kindly Bookmark and Share it: