Baptisma Pawimawhna

           A hmasa bera kan sawi duh chu, kan ram zîmte Mizoramah pawh hian kohhran     tam tak kan awm a,kan Sakhuana kalpui dan leh kan rin dante, chhandam nih kan tum dante a inang lo hlawm hle. Mahse, Kohhran tam tak zingah hian Kohhran pakhat chauh hi Lal Isua nupui tur chu a ni dawn si a, a tam zawk hi chuan kan \helh dawn niin alang tlat.

            Kan thupui hi insawi \an dawn teh ang. Marka 16:15-16 thuah chuan “A ringa Baptisma chang chu chhandamin an awm ang a, a ring lo erawh chu thiam loh changin an awm ang” tiin Lal Isuan a zirtirte hnenah Vana alawn dawnah thu a chah a ni. Chhandam nih kan duh chuan Baptisma kan chan ngei angai tihna a nih chu. Kan ram kohhran inti te zingah Baptisma pawh chang ngai lo leh Baptisma pawh nei lo hrim hrimte an awm a, chhandam an ni ang em aw? Lal Isua zirtirnaah chuan chhandam ni tur chuan Baptisma kan chan ngei ngei a ngai tlat si. Baptisma hi ringtute chhandamna kal kawngah hian paih a, hnawl chi (abolish) chi a ni hauh lovang le (Thupuan 22:18-19 chhiar la). Pathian thu hi kan belhin, kan paih theih a ni lo.

            Sawi zel ang.... Petera chuan Baptisma channa hming tur chu Lal Isua hming ngei a ni tiin min hrilh a, amah ngei pawhin Isua Krista hmingin Baptisma a chantir anih kha. Tirhkohte Thiltih-a kan hmuh Kohhran lo ding kha chuan sual ngaihdam nan Isua Krista hmingin Baptisma an chang a ni. Tin, Lal Isua zirtirte rawngbawlna a\anga piangthar te pawhin Lal Isua hming ngeiin Baptisma an lo chang \hin a ni. Lalpa chu fakin awm rawh se. Kohhran hmasate’n min hnutchhiah chu Lal Isua hming Baptisma hi a ni.

            Thuthlungthara Kohhran alo din a, piangtharten Isua hming ngeia Baptisma an chan zia i lo tar lang teh ang.

1. Jerusalema mipui kalkhawmten Lalpa Isua hmingin Petera kutah Baptisma an chang. (Tirhkohte 2:38 )

2. Petera thu hrilh avangin Samari miten Pathian thu an awih a, Lalpa Isua hmingin Baptisma an chang. (Tirhkohte 8:16)

3. Korneliate chhungkua leh a Ina chengten Isua hmingin Baptisma an chang. (Tirhkohte 10:4 )

4. Ephesi khuaa Paula rawngbawlna a\angin Patling 12 ten Isua hmingin Baptisma an chang. (Tirhkohte 19:5)

            A chunga kan tarlan takte khi Bible-a awm ngei a ni a, dâwt kan ti thei lovang. Kan sawi leh duh chu, keini UPC te hi chuan chhandam nan tak tak Lal Isua hmingin Baptisma hi kan chang \hin a, Kohhran \henkhatte chuan Baptisma nei ve/chang ve tho mahse chhandam nan tak tak an chang pawhin a lang lo. Dan anga chang ve mai mai niin an lang. Isua hming lamin Baptisma hi an chang lo bawk. Tu hmingin nge Baptisma an chan \hin? Pa leh Fapa leh Thlarau Thianghlim chhamin an Baptis \hin a ni.

            Mathaia 28:19 thu hi an \an chhan deuh niin alang a, chutichuan, kal ula hnamtina mite zirtirah siam ula, Pa leh Fapa leh Thlarau Thianghlim hmingah chuan Baptis ula” tih hi, ka sawi duh chu helai thu hi Bible lehlin tharah phei chuan Pa leh Fapa leh Thlarau thianghlim hmingin Baptis ula tiin an letling thar a ni. An tum ber chu Isua hming Baptisma hi nuaibo, tihreh a ni. A va rapthlak em! Pathian thu hi an belhin an tidanglam ngam tlat ! (Thupuan 22:18-19 chhiar leh rawh) an chan tur a rapthlak khawp ang. Hebrai \awnga Mathaia ziak hmuh chhuah tharah chuan Pa leh Fapa leh Thlarau Thianghlim tih hi a awm lova, ziaktu pakhat Eusabiusa chuan a tirah Bible-ah a awm loh thu vawi tam tak asawi a ni. Bible-a thun belh chawp a ni tih finfiah tawh a ni, Amen. Chuvang chuan Baptisma channa hming a Lalpa Isua hming UPC ten kan hmang hi kan tidik a, kan tisual hauh lo. “Tupawh Lalpa hming lam apiang chu chhandamin an awm ang.” (Rom 10:13) Baptisma i chang tawh em? Tu hmingin nge i chan? Baptisma hi chhandamna a ni a, i la chang lo anih chuan chang vat ang che. Isua hming lama i chang lo anih chuan chang \ha leh ang che. Lalpa’n malsawm rawh se.


25 MARCH 2012                                                                                                           T.Upa J.Rinnaliana.

If you enjoyed this post and wish to be informed whenever a new post is published, then make sure you subscribe to my regular Email Updates. Subscribe Now!

Kindly Bookmark and Share it: