Eng nge Piantharna dik chu ?

            Kan ramah hian Camping hi Kohhran tinte hian kan uar khawp mai a, a \ha e, piangthar pawh kan tam hle \hin mai a, Mahse, thilsual kan tih a bang chuang lo, engnge a chhan ni ta ang le ? A chhan lianber chu piantharna dika kan pianthar \hin loh vang hi a ni. Hman deuh khan Bethel Camping tih vel kha kan uar viau mai a, chutah chuan mi hausa pakhat lo in hmuchhuak thar ve in a \ulve hle mai a, in a a han hawn chuan ama in ngeiah khan a lut ngam ta tlat lo mai, a khur chiam mai a ni, chu chuan ngaihtuahna a ti thui khawp mai.

          Tualchhung kohhran pakhatah pawh Upa pakhatin rawng a bawlnaah corruption chung chang a sawi vak mai a, a thusawi ngaithlatute chuan a thusawi chu an lo ei vak lo mai a, a chhan chu hepa hi corruption chungchang sawi tur chuan a lo tling bik chiah lo a
ni ngei ang, kan nihna avanga mite hnuaichhiah mai leh mahni tih theih leh mahni nunin a zirloh thu kan sawi vak vak \hinte hian midangte tan ninawm mai a tling \hin a ni. Hetiang ang rawngbawltu hi kan ramah hian an tam mai a, Kristianna leh piantharna kawra hmang a, rawngbawltu nihna duh vang leh mipuite hlauh vang maia piangthar anga lang kan ramah hian an tam ta, heng zawng zawng lo awm theihna chhan lianber chu piantharna dika an pianthar loh vang a ni bawk. Bible kan en chuan Zakaia chanchin kan hria ang a, Isua nena an lo intawn chiah khan Zakaia chu amahah harhtharna a thleng mai ni lovin khawtlang damna leh mite fakhlawhna leh chawimawina a thlen a nih kha, chu chuan chhungkaw ngelnghet a thlen \hin a ni. Chutianga kan ram in mahni \heuh in enfiah chung leh kan piantharna hi a dik ngei em tih nguntaka ngaihtuah chunga Pathian hnena kan inhlan thar \heuh chuan kan ram, kan chhungkua, Kohhranah damna leh lawmna, hlimna a lo thleng mai dawn zawk a lo ni. II Korinth 13 thu kan en chuan Rinna ah chuan kan awm leh awm loh mahni ngei infiah turin min lo ti reng a, kan rinna dik leh dikloh te leh Pathian rinna tak tak neitu kan nih leh nih lohte mahni ngei kan infiah fo hi a \ul hle a ni.

          Kan Lal Isua hi a hming maia lo chawimawi a, lo \an \hintute nge kan nih a, mite fakhlawh leh nihna duh vang maia rawngbawltu tih inngaihtuah thar leh ila, Lal Isua kawra hmanga a hming maia lamtu kan nih chuan rorelna niah chuan kan chungthu ngaihtuah a la ni ngei dawn a ni. Khawngaihna ni a liam hma ngei hian kan innghahna hi enchiang \heuh ila, Isua thawmah khan Zakaia pawh a lo harh chhuak nawlh mai a ni tih kha i hre reng ang u. Jeriko khua Isua’n a chhunpelh dawn khan mi tam takin an zui a, an thawm pawh a ring hle ang, a chhan chu Nazareth Isua kha a kal tlat a lawm, kan ramah hian Isua zuitu in ti tam tak kan awm a, kan thawm hi engang chiahin nge a lo rik ve le, Isua zuitute thawm aimahin kan ramah chuan corruption leh ngawlvei thawm tehi a ring zawk ang tih ava hlauhawm tehlul em!

          Isua chuan amah hmangaihtute chu mi hausa leh rethei a tliar lo ang hian keini Pentecost mite pawh hian he hun hnuhnungah hian Isua policy hre rengin piantharna dik hrelote leh chhamdamna famkim la changlo te hnena chanchin\ha hrilh hi kan tihtur kan bat a ni a, Lal Isua chu boralte zawnga chhamdam turin a lo kal a, keini pawh hian Lal Isua hnungzuitu leh a rawngbawltu kan nih ang takin ama thu ngaiin boralturte piantharna dik la changlote leh hre lote hrilhhriat hi kan bat tlat a ni. ‘Mi tupawh tuiah leh Thlarauvah an pian loh chuan Pathian ramah an lut thei lovang’a tih ang hian kan piantharna tur atan hian kawng dang reng reng a awm lo a ni tih hre reng ila, Pathian rama chan kan neihve theihna turin Piantharna dika piangthar kan nih \heuh theih nan Lalpa’n a thu malsawm rawh se.

by

Tk. T.Lawmsanga

Treasurer

Lunglei South Bial (2013-2014)

If you enjoyed this post and wish to be informed whenever a new post is published, then make sure you subscribe to my regular Email Updates. Subscribe Now!

Kindly Bookmark and Share it: