Hmasawnna

         Chhiartu zawng zawngte Kumthar chibai vek ule... Pathian khawngaihna ropui tak avangin Kumthar 2013 kan lo chuangkai ta reng mai. Min hruai thlengtu Pathian chu fakin awm mawlh rawh se.... He Kumthar hian kan nunah \heuh hlimna leh lawmna min thlen \heuh se a van duhawm em... Kumhlui lamte thlir kir ila, kan phuloh malsawmna Kohhran chhungkaw tinte leh Kohhran ngei pawhin kan va dawng nasa tehlul em.. Kan fel vang, kan \hat vang a ni silo, kan Hruaitute inpek vang ti ila, kan inpekna a pan bawk si... Engvangnge ni ta ang le?? Lalpa’n a Thuthlung Fate hi min kalsan lova, malsawmna tam takin min vur tih a van chiang tehlul em....

Kumthar kan chuangkai a, kumhlui lama PYD te’n a Kumpuan thupui atana kan neih ‘Hmasawnna’ chu kumthar tawhah pawh thailan a \ul leh tlat si, a pawimawh a ni ang e. Ringtu nun piah lamah kan Tisa eizawnna kawng leh Chhungkaw inrelbawlna kawngah pawh
‘Hmasawnna’ hi a pawimawh miau si a. ‘Hmasawnna’ chu Rinna chu thiltih tello chuan thi ani tih angin hmasawn tur chuan thiltih a tel a ngai a ni. Mahni awmhmun atang hian hmasawn ka duh tiin iak iak mah ila, kan awmhmun ngaia kan awm reng chhung hian hma kan sawn hauh lovang le.. ‘Hmasawnna’ chu puitlin lam pan emaw thiltha ti tura hmalam pan tihna a ni. ‘Hmasawn’ turin inbuatsaih ila, a hnuaia kan tarlan atang hian inbihin inenfiah theuh ang u.. A ziaktu hi ka \ha e, ka fel e ka tihna a nilo, kei a ziaktu tan ngei pawh hian a pawimawh takzet a ni.

1) Nihna (Chanvo) inhlanchhawn kawngah : Keini Kohhran hi Kum 2 dana hruaitu inthlak \hin kan ni a, hruaitu nilai leh hruaitu ni reng \hin kha hruaitu anih loh chang te, hruaitu ni ngailo Hruaitu a nih tum te pawh a awm \hin a ni.Chutiang angah chuan hruaitu ni reng \hin hruaitu anih laia \hahnemngai em em \hin hruaitu anih tak loh avanga Kohhran hote zinga an hmel hmuh tur awm ta reng reng lo leh inkuangkuah a indahawl ta tlat an awm \hin. Hei hi a pawi ngawt mai. Mizoram UPC te kan harh a hun ta. Hruaitu ka ni tawh hleinem ti ngawt lova, hruaitu kan lo ni ta lo anih pawn hruaitu kan nih laia \hahnem kan ngaih \hin anga Lalpa Kohhran tana \hahnemngai taka kan thawh zel a van pawimawh em...  |hahnem ngaihna chang ka hriatin ka tan malsawmna’ tih a nih kha...

2) Insawisel : Pawl hmalakna engthil pawh sawisel chi hrim hrim hi an awm tlat hi a buaithlak lai chu an ni.... Heng ho hi pawl hmalakna kawng hrang hrang ti\huanawptu leh tichak lotu an ni tlat zel hi a pawizual lai chu a ni... |awngkam thiam takin memberte an thlem a, member an tau a, pawl hmalakna ah an tel peih lova, pawlin a chakloh phah a pawlin a tuar \hin a ni. Kohhranah hian engang pawn tau

ila, Lalpa’n mi a ngah lutuk, a kal dawn tho tho, amaherawhchu a kalsiam tichak tur leh siamtha tur erawh chuan nang leh kei hi Lalpa’n (Kohhran kaltlangin) min mamawh a ni tih hi i hrethar leh \heuh ang u..

3)Thuziak kawngah : Kan ram (Mizoram) mai ni lovin Khawvel hi Thuziak hmanga Indona (Literature War) a ni ta. Pentecost Kohhran hote i harh thar ang u khai... Kan Mithiam (Lehkhathiam) rualte han chhuak ula, thuziak hmangin Lalpa thuthlung ropui tak hi i han puangchhuak mawlh mawlh mai teh ang u khai... Kan \an a ngai ta e...

4) Activities ah : Tualchhung a\anga Bial Activities ngai pawimawh hi kan bial ah hian 20 % vel kan ni ang ti ila kan sawisual tampui hauh lovang le... hawh u, i harhthar ang u khai... i tellohin tunge tel chuang ang le....!

Tin, Bial leh Tualchhung Department hrang hrang Activities ah Upa leh Rawngbawltute hmel hmuh tur a vang, Upa leh Rawngbawltute’n \an i han la thar leh teh ang u.. In Tu, in Fate \awiawm kha i tihmakmawh a ni ve tlat.. 5)Rorelna ah : Rorelna hi rorel memberte hian kan ngai pawimawh lo tlangpui hi harh a hun ta khawp mai... In rel ang ang ka pawm e tia kan kalloh ngawt hian rah \ha a chhuah lemlo. Committee member atana ruat ten Rorel i ngai pawimawh thar leh ang u. Awle, kan sawi tak point hrang 5 a\ang khian i han enfiah thar teh ang u khai..

         He Thuziak chhirtute’n hlawkna pakhat tal kan neih ngei theihnan Lalpa’n malsawm mawlh rawh se...

by

T.Upa LH.Lalhmingmuana

Secretary

PYD Lunglei South Bial (2013-2014) 

If you enjoyed this post and wish to be informed whenever a new post is published, then make sure you subscribe to my regular Email Updates. Subscribe Now!

Kindly Bookmark and Share it: