Inralrinna

           Mizoram UPC Gen PYD chuan kum 2013 kumpuan thupu atan ‘Ínralrinna’ tih a thlang a, he thupui hmang hian kan Bial PYD Literature Sub Committe chuan Article inziahsiak a buatsaih mek a, kumpuan thupui tihhlawh tlin anih theihna tur atan leh Article ziaktute tan kawngsialna hmanrua a nih theih beiseiin a tlangpui deuh chauh in thai dawh teh ang.

        Thupuia kan luh hmain PYD te hian kumpuan thupui kan neihna hi a rei viau tawh a, thupui mawi leh \ha tak tak kan nei \hin a, thupuia kan neih chhan ang taka tihhhlawhtlin leh tihhlawhtlin lem lohte pawh kan nei nual tawh awm e. . Kan thupui neihte hi a sawi leh ziah maia tawk lova, mimaltin ten a taka, kan nunpui hi a hlawhtlinna tur a nih tih hrereng chunga kan bawhzui fo hi a \ulin a pawimawh hle a ni.

A \obul : ‘Inralrinna’ tih hi zawlnei te zing ami Joela sawi a ni a. Lalpa ni lo thleng tur atana in ralring tura Israel mite (Judai ram) hnena a hriattirna a ni. Zion-ah chuan tawtawrawt ham a, inralrinna thu puang turin a ti a ni. a hming awmzia hi ‘Jehova chu Pathian a ni’ tihna a ni

Inralrin awmzia : Inralrinna tih chu hmalam huna chhiatna, manganna lo thleng tur, eg.Cyclone, Tsunami, Indona lirnghing te laka himna tura lo inven lawkna, chhiatna lo thleng turte pumpelh thei tura lo inbuatsaihna a ni. Kan thupuiin a tum tak chu tihduhdahna leh tawrhna rapthlak tak lo thlen hmain Lalpa’n a mithianghlimte a lawr dawn a, chumi huna telve ngei tura lo inralrinna a ni. Tin, mi thianghlimlawr thleng hman lote tan pawha eng lai pawh a Lalpa tawk tura inralrinna inbuatsaihna hi a ni. Kan inralrinna chu Lalpa thutak leh Thlarau Thianghlim hruai anga rinawm taka kan awmna hi a ni tih kan hriatreng a \ul.

Kan inralrina tur : Tumah in kan nunna a tawp hun tur leh Lalpa’n a mithianghim a lawr hun tur kan hre lova, Lalpa chuan a thuthlunga rinawm taka dingte chauh a chhandamin a lawr dawn a, chu chu kan chan ngei theih nana thu tak leh Thlarau thianghlima inthuamin kan inralring reng tur a ni. Nikhat chauh emaw, kar khat chauh, thlakhat chauh, kum khat chauh emaw kan peih chhung chauh emaw a inralring tur kan ni lova, englai pawhin kan thihni thlenga Lalpa chhandamna chang ngei turin kan in ralring reng tur a ni.

Inralrin a ngaihchhan : Tisa thiltihah pawh kan hmalam hunah chhiatna emaw, \hatna lam thil hmachhawn dawn chuan kan inralring \hin a, Lalpa ringlotute chuan chatuana hremna an chang dawn a, chuta ka tel lohna tur chuan Lalpa chhandamna chang ngei tura englaipawiha kan inralrin a ngai a ni, Lalpa lo kal ni tur tuma’n an hre lo. (Mt 24:36,42) Lal Isua chuan a lo kal hun tur kan hriatloh avangin englaipawha inring reng turin min ti a ni (Mk 13:35, Jk 4:14).

Inralrin dan tur : Chhiatna lo thleng turte hriat lawk a nih chuan inralrinna thu puan a ni \hin. Tin, a \ha lam inkhawmpui, inneihna, ram hruaitute lo kal turah chuan kan inring lawk a, theihtawpin kan inbuatsaih lawk \hin. Kan inralrin dan tur chu Lalpa thuthlungah rinawm takin kan awm tur a ni, A thuthlunga awm reng lote chu Lalpa’n a chhandam dawn si lova, a thuthlung kan zawm tawh hnuah pawh a duh danin kan nung reng tur a ni. Kan duh chin leh peih chin chauhah kan inralring mai tur a ni lo, a tawp thlengin kan rinawm tur a ni. Mt.24:13 Thup 2:10. khawvel ropuina leh nawmna duh vangin nupui pasal vangin thuthung kan phatsan tur a ni lova, Pathian duh loh zawngin kan awm tur a ni hek lo Midang inralrinna kan chhawr thei dawn lova, mahni ngei kan inralrin a ngai a ni. Nula thianghlim 10-zinga â 5 te pawh khan an \hiante inralrinna kha an \awm theih hauh lo a nih kha.

Inralring thei reng tura pawimawh : Sipai duty post-a duty chuan a ralthuam a inbel/ken reng a ngai a, keini pawh Eph 6:14-18 thu angin Pathian thu tak chanchin\ha (Eph. 1:13) chu kawnghrena hrengin felna awmphaw-Baptisma (3:15) changin Thlarau ngunhnam inbela kan awm reng a ngai a ni. Tupawh inringa puan veng reng lo nun chu an mualpho dawn a ni. Inring renga awm tur chuan thuawih a ngai a, chhandamna chang tur chuan chhandamtu Lal Isua thu awih a ngai \hin. Nova te, Lota te nunah chiang takin kan hmu a ni.

Inralring lova awm a pawi : Inralring renga kan awm loh chuan kan thih hnuah emaw mithianghlim lawr hunah chhandamna kan chang lo ang a, Pathian hremna rapthlak tak kan tuar dawn a ni. Nakinah a ni lova, nakumah emaw, nupui pasal neih hunah a ni lova, tun a\anga inralringa kan awm reng a ngai a ni.

I Pathian tawk turin inpeih rawh : Amosa 4:12 thua ‘Aw, Israel, i Pathian tawk turin inpeih rawh’ tih ang hian chhandamna chang ngei tura Pathian tawk tura kan inpeih a, kan inralrin a ngai takzet ta a ni.

Tunah khan engvanga lo inpeihlo leh inralring lo nge i nih? Tunge dal che, Setana a nih kha, hmanraw chi hrang hrang hmangin inralring thei lovin a siam che tih hriain Lalpa tawk turin inbuatsaih sauh sauh rawh le. Nite a \hat loh avangin inralring thei turin i hun neihte khan remchanna lei zel rawh le, tun hun hi inralrinna hun, Lalpa tawk tura inpeih hun chu a ni e.

by

Rev. R.Laldawngliana

Bialtu, Lunglei South Bial (2013)

If you enjoyed this post and wish to be informed whenever a new post is published, then make sure you subscribe to my regular Email Updates. Subscribe Now!

Kindly Bookmark and Share it: