Hmangaihna Nunzia

( I Korinth 13:4-7)

            Amah Pathian tirhkoh ropui Paula meuhin Hmangaihna thu a uarin ‘Engtikah mah a reh lovang’ (I Kor 13:8), a tih ang leh Rinna, beiseina aipawh a ropui zawka a sawi hial (I bid 13:13) hmangaihna hi khawvel \awngkam awm tawh zawng zawng zinga ropui ber leh mawi ber a ni hial awm e. Hmangaihna uar leh phuar tlat Kohhrante hian tun hma UPC (NEI) ah khan Hmangaihna a daizo tawh tiin, hmangaihna vawng nung zel turin kan in la hrang chu anih hi, kan inlak hran chhan hi a ropui teh ania kan hrechiang lo palh ange, hei chauh lo pawh kan inlak hran chhan tam tak a awm a, mahse kan sawi vek seng rih lo a ni.

Hmangaihna vawng nung zel Kohhrante hian tun thleng pawha kan mamawh chu inhmangaih tawnna hi a ni. Kan in hmangaih tawnna tak hi miten kan zinga tel an chakna leh min awh em emna chu a ni, chutiang anih rual erawh chuan miten min hmuh ang ngawt leh thûk hian kan in hmangaih zotawh lovin alanga, chuvangin hmangaihna nunzia ril tak mai then khatPaula sawi atang hizir ho atan kan thlang a ni.

(1) A dawhthei: Ringtute hian dawhtheihna hi kan nei tur a ni phawt mai a, dawhtheih chen tur leh dawhtheih loh chen tur pawh a awmin alang hran lo, Hmangaihna nunzia lairil tak a ni, kan chunga thil tisual an awmte hian awtin kan beilet vak \hin nge? Phuba lak mai kan ching \hin. Hmangaihna nun neitu chuan Phuba lak a ching ngai lova, Krista chuan Phuba reng reng la suh u, a tih hi an vawng reng \hin. Engkimah dawhtheihna nun hi i nei thar ang u.

(2) Ngei a nei: Kristian ramah hian he nunzia ropui tak hi kan up hlum tih theih a ni a, eng Kohhran te mah hian kan nunpui em em in alang lo, chuvang chuan keini Thlarau Kohhrante hian he Hmangaihna parmawi tak hi chhawm nungin ti nung thar leh turin \an kan lak ava \ul em.

(3) A itsik lo: Hei hi kan mamawh mang e, Pastor leh Pastor Upa leh Upa te inkarah pawh itsikna hian hmun a luah ve theiin hmun a chang ve fo kan ti lo thei lo ang, itsik lo ni lo hian thikna hian kan khat nita bein alang fo, tunlaiah chuan kan rawngbawlpui ngei kei aia Lalpa’n a hman zawk chuan a chhiatna turin dawt pawhin kan bei ngam ta niin alang, he nun tenawm tak itsikna nun hian min luh chilh ve hmaa kan tihhlum thuai theih nan \awng\aina nen i inveng ang u.

(4) A infak lo a, a uang lo: Keini chuan kan thawhlawm thawh tamte, kan hnatlan tam te etc. midangte phûtletna leh insitna ngei turin kan puangin kan infak chiam chiam \hin, Krista zawng hmangaihna hlawm anih avangin kan Thih aia a thih pawhin ka thihsak ti lovin, ‘Ka pa an ni hi ngaidam rawh an thil tihsual hi an hre lo a ni’ a ti zawk a ni, entawn atan ava \ha em!

He kan piangpui kan ral hmang mei hi a uang \hin a, a in faka mahni lam \angte ni awma a hriat chu fakin midang sawisel in a uang \hin, mahni thiltih hre viau tehi mahni infak \hin nun a ni, kan lei uang \hin hi Thlarau Thianghlim hmanga kan thunun a va \ul em.

(5) A che mawi lo lo: Uire, rukru leh tualthat \hin chauh hi che mawi lo an ni lo, heng hi chu khawvel nun dan a ni zawk, Pathian Kohhran hmangaihna nunzia nei ah chuan kan thiltih apiangah mi thiltih apiang dik lo a hriatsak tlatna te, an rawngbawlna zel tur dal ruk tlatna te hi chetmawi lohna a ni, ringtute hian kan \awngkam hman kan fimkhur loh avang hian kan chemawi lo fo \hin a ni, chuvangin kan nun eng pawh Kohhran nun anih avangin fimkhur taka kan hman a \ul a ni.

(6) Mahni hma a sial lo : Hmangaihna nunzia Rah duhawm tak a ni a, hmangaihna kan tih fo lai hian ringtute hian mahni hma kan sial dante hi en ila, mi kuta sahrang hmuh len hi a awl teh a nia, Kohhrah ah pawh hian mahni tih tur awmchin hriat chian hi a pawimawh khawp mai. Hruaitu kan ni emaw member kan ni emaw, kan nihna in a keltel avanga tih tur chin hi a awm hrang diat diat a, heng hre reng chunga mahni huang lo kan nawr fo \hin hi mahni hmasial nun a ni, famkim lo mihringte hian thil kan tisual pheng phung zel chu a nih hi chuvangin in siam \ha zel ang u.

(7) A thinûr duh lo: A thinûr thei lo tih a ni lo, Krista kha thinur thei mihring ang a ni ve asin, mahse a thinûr duh (a hmangaihna) avang chuan keini hian nun kan nei chauh a lo ni. Rome sipai leh ami Juda-ten an tihdanah te khan thinûr duh se thinûr thei a ni asin, mahse thinûr duh lo Krista hmangaihna chuan a tuar hram hram a, a tuar chhuak ta anih kha, Krista nunzia hi kan entawn mai ni lo kan hman ava \ul ta em.

(8) Fel lohnaah a lawm lo: In hmangaih ang u, hmangaihna hi a pawimawh tia sawi \hin ten tlakchham kan neih chu Hmangaihna nun chu fel lohnaah a lawm lo tih hi a ni, hmangaihna sawi fo in, a hlutzia te, a \ulzia te, sawi \hin mah ila, fel lohna a lawm tlat \hin kan nih chuan hmangaihna nunzia neilo tho kan lo ni reng tihna a ni ang Mihringte hi chuan kan \hian \ha te, kan chhungkhat hnaite kan sangawi zawnpuite chu thil tisuala che fel lo pawh nise., thup hram emaw a theih chhung chu zep emaw kan tum \hin, hetiang intih bingna hi Kohhranah a luh hlauh chuan Kohhran chuan chhiatna lam a pan mai \hin. Chuvangin he hmangaihna nunze mawi tak hi Ringtute hian hre ringawt lova kan hman ava \ul em.

by

Tk. Vanlalchhuana Hrahsel

Lunglawn, Lunglei (2013)

If you enjoyed this post and wish to be informed whenever a new post is published, then make sure you subscribe to my regular Email Updates. Subscribe Now!

Kindly Bookmark and Share it: