Mizorama UPC lo pianchhuah dan

MIZORAMA UPC DINTU

REV. ZAKAMLOVA CHANCHIN

            Lalmichhinga Khiangte chuan Hmingthangvunga Khiangte a hring a, Hmingthangvunga Khiangte chuan Hrangchhawna a hring a, Hrangchhawna chuan kum 1900 November thla khan Lalzika khua Khawkawiah a fate, mipa pathum leh hmeichhe pathum zinga upa ber ni turinZakamlova hi a hring a. Zakamlova hian kum 1913-ah Pastor Hauchhunga kutah tuithlawr baptisma changin Kristianah a inpe a. Kum 1915-ah Hrangchina Sikul, Buhbanah Lower Primary a zir zo va. Kum 1919-ah Middle a zir zo leh a; kum 1922-ah Dibrugarh-ah Compounder hna a zir zo leh a; kum 1928-ah Pu Mena hnuaiah Assembly Preacher Course a zir zo leh a  ni.

            Zakamlova chu kum 1916-ah Aizawlah Tirhkoh Liangkhaia belin a chhuk a. Kum 1925-July ni 10-ah Pu Dosatthanga fanu Nl. Vanbawihi nen Pu Saphluia kutah an innei a. Kum 1930-ah Thlarau baptisma changin Zoram thlarau fa, tawnghriatloh hmangtu mihlimte chhan turin, mite hmuhsit leh endawng em em \hinte zingah a pen lut ve ta a. Kum 1934-ah Mission Veng Kohhran a\angin Kohhran Upa atan thlan tlin a ni a. 1935 Sialsuk Presbytery-ah Upa atan nemngheh a ni.

            Kum 1937 Durtlang Assembly (Synod) khawmpuinaah a kal a, kohhran a hlimna thleng chu Sap missionary ten an pawm loh avangin mihlim lam nen an intibuai ta a. Zakamlova chu hlimna duhtu pawl lamah \angin, Zorama thlarau fate chhantu huaisen tak a ni. Kum 1942-ah indopui 2-na ah sipai a \ang a, Warrant Officer IMD a ni. 1945-ah Sipai a bansan a. 1946-ah  Lushai Trading Company-ah Manager hna kum khat a thawk.

            Kum 1947-ah A.G Pastor-ah ` 60/- hlawh tura lak a ni a; rei a thawh hmain a bang leh ta a. Kum 1948-ah Mihlim Kohhran a din a. 1949 January ni 26 zing dar 6 ah  Aizawl Varak dilah Apostolic Church Missionary, Roxie A.R.Telie Dover-i kutah Isua hmingin tuia hnimphum baptisma a chang a. 1950-ah a kaihhruaite nen UPC (United Pentecostal Church) an zawm a, District Pastor hna a thawk nghal a.  Zakamlova hi Mizorama Isua hminga tuia hnim phum baptisma chang hmasa ber a ni a, UPC Pastor ordained hmasak ber a niin, UPC Pastor zinga Isua hminga hnim phum baptisma chantirtu hmasa ber a ni a, UPC District Pastor hmasa ber a ni bawk. Kum 1982-ah a rawngbawl kum 50-na Golden Jubilee a lawm a. Kum 1985 June ni 15-ah a thawhrimnate chawlsanin, a rawnga bawl \hin Pathian hnenah chawl turin khawvel a lo chhuahsan ta a ni.1   Rev. Zakamlova thawhrimna hi \hangtharten kan theihnghilh ngai lo vang.       

MIZORAMA UPC A LO PIAN DAN

Thlarau Thianghlim hnathawh a thleng

            A.D 30 vela Pentecost ni a Lal Isua zirtirte chunga Thlarau Thianghlim, \awnghriatlohte nena nasa taka a lo thleng ang mai khan, kum 1930 vela Mizorama Thlarau Thianghlim hnathawh lo thleng changtute chuan, taksa chetna, khurh hlawk hlawkna te leh \awnghriatlohva \awngna te an dawng ta zel a. Chu harhna hnathawh lo thleng chu Mizoram a kohhran hmasa, hmar lam kohhranPresbyterian Church leh chhim lam kohhran Baptist Church te chuan Thlarau Thianghlim hnathawhah an pawm tel thei lo va, Aizawl Bawrhsap hovin tihrem an tum ta a. R.K.Vanrambeiseia, kum 92, Kawnpui khua chuan ti hian a sawi, “Kum 1935-ah khan Kawnpui khaw hlui Presbyterian Church biak ina ka lam lai chu Upa Malsawma’n min pawt chhuak a, Bawrhsap thupek angin Salam ` 5/- min chawitir a. Tin,  Kawnpui khuaah Tlangau chu hetiang hian tlang an autir a - ‘Lal Mangkhaia khua Vandawt (tuna Khamrang khua ni ta hi) a thlarau lam pur chaw a kal chu Salam ` 5/- chawitir an ni ang,”  tiin2 . Heng lai hian ` 5/- in vawkpui a lei theih thu a sawi bawk. Hetih hun lai hian Mizoram hmun hrang hrangah Thlarau Thianghlim changtuten harsatna chi hrang hrang an tawk nasa hle.

Thlarau Thianghlim chungchanga inhnialna

Kum 1935-ah Presbyterian Church Standing Committee chuan Mizorama Thlarau Thianghlim hnathawh chi hrang hrang - taksa chetna te, vanzai (\awnghriatloh) te, hlimna rawngkai chi reng reng tihrem tumna thuchhuah a siam a. Kum 1937 a Presbyterian Church Assembly, Durtlanga an neih \umin Standing Committee thuchhuah hi an chai nawn leh a. He mi \um hian 1935 a Sialsuk Presbyterian khawmpui a Upa atana an nemngheh Upa Zakamlova chuan, hlimna changtute thlavang nasa taka a hauh tak avangin hlimna duhtute leh kohhran hruaitute inkarah inhnialna nasa tak a chhuak a. Heta \ang hian Upa Zakamlova thinlungah hian Mihlim Pawl din duhna a lo awm ta niin a lang.

Mihlimho an lengkhawm

            Kum 1937 September ni 24 zanah chuan Upa Zakamlova hovin ama in Aijal (Aizawl) ah mihlimho chu an lengkhawm ta a. Dipdaltu awm lo va anmahni chauhva an han lengkhawm chu nuam an tiin, an thawmte pawh a nasa hle ni tur a ni, Welsh Presbyterian Missionary-te chuan Aijal Bawrhsap A.G.Mc Call (Pawnpuite sap) hnenah Upa Zakamlova hova lengkhawmho chu titawp turin an thlen a. Aijal Bawrhsap chuan Upa Zakamlova chu kovin, an lenkhawm zui zel chuan a in chu \hiahsak a nih tur thu leh, amah pawh Aijal a\anga mel 50 a hla a hnawhchhuah hial turin a vau ta  a. Mihlimho chu an lengkhawm zui ngam ta lo a ni. Rev.E.L.Scisma‘n, a lehkhabu ziah ‘India’s Calling,’ P.86-a a tarlan dan chuan, Aijal Bawrhsap hian Upa Zakamlova in hi a \hiahsak ta lo va, `. 100/- chawi tur a tih a ni a. Hei pawh hi Upa Zakamlovan Aijal Bawrhsap hnenah, mihlim an nih avanga ` 100/- an chawina Receipt fel tak pe tura a ngen ve tlat avangin, Rs 100/- pawh hi a chawi leh lo a ni. Upa Zakamlova hi kum 1937-1938-ah hian Thlarau Thianghlim hnathawh avangin Aijal Bawrhsap hmaa ding turin vawi sawm lai koh a ni3 .   

Mihlim chhantu tur Missionary zawn thu

            Kum 1937 September thla tir lamah chuan, Upa Zakamlova leh Pu Vanchhunga leh Pu Siamliana te chu Bihar State-ah hlimna pawmtu missionary zawng turin an kal a. Hmuh an zuk tum tak Missionary chu chawlh lain an ram lamah a hawn lai a lo ni si a, an tum angin an hlawhtling ta lo. Calcutta-ah Assemblies of God Kohhran hruaitu Rev J.H.Boyce-a hmu turin an kal leh a, remchang takin an zu hmu thei ta hlauh mai a. Assemblies of God (A.G) leh Mizoram a mihlimhote chu thawkho turin an inbe thlu thei ta a. Aijal-ah an lo hawng a, chanchinbuah heti hian an chhuah ta a, “Ni 7 Sept. 1937 ah America kohhran Assemblies of God leh Mizoram Mihlim Pawl te chu thawkho turin an inbe tlu ta e,” tiin. Chanchinbua an thuchhuah hi Aijal Bawrhsap A.G.Mc Call (Pawnpuite Sap) chuan a lo hriat veleh, 1937 October thlaah Lushai Hills (Mizoram) ah missionary dang lo luh phal lohna dan a tichhuak leh ta a. Upa Zakamlova leh a \hianten missionary an zawnna chu a kawng a lo tawp  ta a.4

Upa Zakamlova Sipai-ah a \ang

            Welsh missionary leh Bawrhsap \angrualin Mihlim Kohhran din an phal tak tlat si lo vah chuan, Upa Zakamlova pawh chu 1942-ah Indopui 2-naah sipaia \ang turin a kal ve ta a. Sipaia a kal dawn hian hetiang hian a \awng\ai a - “Lalpa, indonaah hian hnehna changa Mizoram min hruai thlen leh chuan, van indona ka bei leh ang,” tiin. Sipaiah hian Warrant Officer, IMD hna a chelh a ni. Upa Zakamlova hian sipaia a \an lai pawh hian Mihlim Pawl din hi a thinlungah a thi thei tak tak lo va. sipaia a \an lai hian Calcutta-ah Assemblies of God Field Superintendent Rev M.L.Ketchem-a a hmu fuh hlauh mai a. Ani nen hian indo zawh hunah Mizorama kohhran din turin an inbe thlu leh ta a. 1945-ah Indopui a lo tawp a, dam takin a lo hawng leh ta a, Mizoramah van indona chu a \an \ha leh ta a ni.

Upa Zakamlova Pastor-ah a \ang

            Kum 1947-ah chuan Assemblies of God Kohhran chuan Upa Zakamlova chu Pastor-ah  thla khat a Rs.60/- hlawh turin an la ta a. Assemblies of God hruaitute - Rev M.L.Ketchem, Rev. Cumming leh Rev. Shoemaker-a te chu Aijalah an lo chhuak a. Assemblies of God Kohhran hi National Christian Council of  India-ah an lo tel bawk si nen, Welsh missionary te chuan, “Lushai hills (Mizoram) chu kan  field a ni a, chuvangin kohhran dinin Mizoramah rawng in bawl thei lo vang,” an lo ti a. Assemblies of God Kohhran pawh chuan Pastor Zakamlova an rawihna chu titawpin an hawnsan leh ta a. A.G Kohhranah hian Pu Zakamlova hian Pastor hna hi a thawk rei  ta lo  a ni.5

Mizoramah hlimna pawm kohhran a ding ta

            Welsh missionary ten Western culture mila kohhran an din huang chhungah chuan Thlarau Thianghlim hnathawh, Mizo culture mila khuang nena zaia lamna leh, \awnghriatlohva \awngnate chuan hmun a chan ve phak loh avang chuan, Zoram hmun hrang hrangah missionary te kohhran dina leng lo nia inhria, lengkhawm pawl an awm hrang ta thluah mai a. Hetih hun lai hian Chhura Chengkek lawh tum an sawi ang maiin, Sap missionary tel lo va kohhran hi din theih loh tura ngaih tlatna a awm bawk si nen, Pu Zakamlova te lah chuan Sap missionary zawm tur mumal tak an hmu thei si lo nen, a buaithlak hle ni tur a ni. Mahse Lalpa hian Mizoramah hian a Thlarau Thianghlim chauh hmachhuantu hlimna pawm kohhran hi din a lo tum a ni ang e, ti te pawhin a ngaihtuah theih a ni.

            Kum 1948 August ni 11-ah Aizawl Dawrpui M.E.School-ah Pu Zakamlova -Aizawl, Pu Lalhema- Aizawl, Upa Thanglula -Dawrpui, Upa Zakaithanga -Aiduzawl, Pu Thanthuama -Khuangthing, Pu Thinlaihnema -Hualtu khua, Pu Lianpuichhinga -Khawrihnim khua te kalkhawm chuan Pathian Thlarau Thianghlim thiltihtheihna chauh hmachhuanin, ‘Hlimna pawm kohhran’ hi an din ta a ni. Pu Zakamlova chu Chairman (hotupa ber) ah an hmang a, ‘Sap missionary, sum leh paia  \anpui theitu tur lo zawng se,’ an ti bawk a. Mizoram a Mihlim Pawl, ina lo inkhawm hrang, hmun hrang hranga mite chu zawng chhuakin an inzawm khawm zel a. Hei hi missionary te din ni lo, kohhran pawl mumal taka Mizorama a lo din \anna chu niin a lang. He hlimna pawm kohhran hi pawn lam mite koh dan chuan Pa Pawl an ti a, an \awngtai bul \annaah ‘Aw Lalpa’ ti lo va ‘Ka pa’ ti mai \hinte an awm vang niin a lang. Tin, Pa Pawl tih hi a hun laia mihlimte an hmuhsitna \awngkam a ni ve hrim hrim bawk a ni.6

Apostolic Kohhran an ni ta

            Kum 1948 August ni 11-a hlimna pawm kohhran ding tharten thuneihna an pek angin, Pu Zakamlova chuan America (USA) a Apostolic Church ho General Bishop, Blankenship-a chu lehkhain a zu dawr pawp ta a. General Bishop Blankenship-a pawhin sum leh paiin \anpui thei lo mah se, Mizoram a hlimna pawm kohhran chu thawhpui an duh thu a rawn hrilh a. Sum leh paiin rawn \anpui thei dawn lo pawh ni se, Apostolic Church Bishop Blankenship-an thawhho a duh thu Pu Zakamlova lehkhaa a rawn hrilh hi an lawm hle a, “Tunah chuan Sap missionary thawhpui tur kan hmu ta, kan kohhran hming pawh Apostolic Church (Apostolic Kohhran ti a ziah a ni bawk) a ni ta,” an ti a, an hlim ta hle a. Pu Zakamlova chuan amah bakah a \hiante pathum – Pu  Zakaithanga, Pu Thanthuama, Pu Thinlaihnema te tana rawngbawl theihna Licence dilna chu, Apostolic Church General Bishop Blankenship-a  hnenah a zu thawn ta a ni.

            Pu Zakamlova chu 1948 October thlaah Lungleng Vawkzawnah a kal a, Apostolic Kohhran chu a din a. N. Lunglengah phei lehin, Apostolic Kohhran chu a din leh a. N.Lunglengah hian biak in an sa nghal a, he biak in hi Mizorama Apostolic Kohhran biak in ding hmasa ber a ni awm e. Kum1948 November thla hian Pu Zakamlova hi mihlimho hruaiin Khawrihnimah a kal a, Apostolic Kohhran chu a din leh a. Heng khaw thumte hi Apostolic Kohhran hming pua Mizoram a kohhran dinna hmasa berte chu an ni 7 .

Mizoramah  Roxie AR Telie Dover-i

            Pu Zakamlova chuan Sap missionary zawm tur dang a la zawng reng tho va. Pentecostal Assemblies of the World Missionary,  Mother Dorothy Mc Carty,  Bhagalpur, India a mi chu a thi tawh tih hre lovin lehkha a zu thawn ta a. Pu Zakamlova‘n Mc Carty lehkha a zuk thawn chu a hmun ruak lo luahtu Roxie A.R.Telie Doveri chuan a lo hmu a. Pu Zakamlova chu hetiang hian lehkha a thawn let ve leh ta a. “Mother Mc Carty chu kum kal ta khan a thi tawh a, tunah hian Pi Aretha Schryer-i a awm a, ani pawh pension tura haw mai tur a ni a, kei hi Pentecostal Assemblies of the World tirha lo kal ka ni a, nangmahni pui tur chuan ka lo kal ngei ang,” tiin8 .  

            Roxie A.R.Telie Dover-i (Doveri tiin kan sawi tawh ang) hi America (USA) a Pentecostal Assemblies of the World Kohhran tirha India hmar lam Bhagalpur hmuna a awm lai hian, amah ruaitu P.A.W Kohhran te hian harsatna an tawh tak avangin an ruai chhunzawm thei ta lo va. Doveri pawh chu P.A.W Kohhranah chuan a awm zui zel ta bik lo va, USA a Pathian pakhat chauh ringtu tho, Apostolic Church General Bishop Blankenship-a, Texas a mi leh, Rev. Caro Davis-a, Canada a mite chuan sum leh pai pein an chhawr zui ta a9 . India hmar Bhagalpur-ah chuan missionary hna chu a thawk chhunzawm ta tho va. Pu Zakamlova leh Apostolic Church General Bishop Blankenship te chuan, sawi tawh angin, hetih hun lai hian lehkhate inthawn tawnin a thuin an lo inzawm tawh a.

            Pu Zakamlova sawmna angin Apostolic Church General Bishop Blankenship-a tirhin Doveri chu India hmar Bhagalpur a\angin Mizoramah a lo kal ta a. 1949 January ni 16 ah Aizawl a lo thleng a. Pu Zakamlova kaihhruai Apostolic Kohhran ti a lo invuahho chuan an lo lawm a, “Kan missionary a lo thleng ta,” an ti a. Pu Zakamlova’n Rev Blankenship-a hnena a lo zu dil tawh angin, Doveri hian Pu Zakamlova - Aizawl, Pu Zakaithanga - Aiduzawl, Pu Thanthuama – Khuangthing, Pu Thinlaihnema -  Hualtu te chu Apostolic Kohhrana rawngbawl theihna Licence chu Rev Blankenshipa hmingin a pe ta a10 .

Missionary Doveri

Mizoram mihlim pawl chhantu

            Missionary Doveri’n Aizawl a lo thleng chu Mihlim Kohhranho chuan an lawm hle ni tur a ni, Mizoram hmun hrang hrang a\angin amah hmu turin an lo kal khawm a. Apostolic Kohhran khawmpui an hmang a ni ta ber awm e. Ni sawm chhung zawng hun an hmang a ni8 . Missionary Doveri chuan Pu Zakamlova kaihhruai mihlimho hnenah chuan, “Engnge tihsak che u ila in duh?” tiin a zawt a, anni chuan, “District Superintendent (Assistant Governor) hnenah Mihlim Kohhran din phalna min dilsak la, kan hotuah \ang bawk rawh,” tiin an ngen chiam a. An ngenna ang chuan Doveri chuan Aizawl District Superintendent hnenah dilna lo ziak turin Pu Zakamlova chu a ruat a.

            Pu Zakamlova chuan dilna a ziah zawh vek hnuah Doveri chuan a hming a sign thlap a. Tin, a lehkha pawimawh Oklahoma City University a\anga B.A degree te, BTh degree te, Oklahoma State School Teacher’s Certificate te, Tulsa Oklahoma a Apostolic College a\anga Diploma Certificate te, Southern Bible and Vocation College, Rising State, Taxas Tenesse (Methodist University) a\anga Master degree a lo neih te leh, a Ordination Rev W.T. Witherspoon leh Rev C.P.Williams ten an lo pekte chu thil telin, Aizawl District Superintendent hnenah chuan an thehlut ta a11 .

            Hetianga Mizorama \awnghriatlohva \awng \hin mihlim kohhran din hran tuma Sap missionary lo kal tharin dilna an thehlut ta mai hi, Mizoram a Welsh missionary lo awm hmasa 12 ten an lo hriatin, dal an chak hle mai a. Nimahsela, Apostolic Church kha National Christian Council-ah an tel ve loh avang leh, thurin hran daih nei an nih avangin khap theihna an nei ta si lo va. Doveri chu chaw eipuina neiin Mizoramah Pentecost Kohhran din lo va, mihlim hote pawh chu PrebyterianKohhrana hruai kir leh turin an ngen chiam a. Nimahsela Doveri chuan Welsh Missionary 12 te ngenna chu, “Ka ti thei lo vang,” a ti ta tlat a.

             Aizawl District Superintendent pawhin Doveri chu kovin, a hnenah, “Mizorama mihlimho \awnghriatlohva \awng \hin hote hian missionary 12 te pawh zui duh lovin, biak in pawh nei lovin an vak mai mai a ni a, nang pawh hi an zui rei duh lo vang che, mihlim kohhran chu din tum lo mai rawh,” tiin a thlem chiam a. Doveri chuan, “Welsh missionary 12 te hi \awnghriatlohvin an \awng ngai lo va, Thlarau Thianghlim hnathawh, Isua hming tihdamna te an pawm lo va, heng mihlimho hian an zui duh lo a ni. Kei chu \awnghriatlohvin ka \awng a, Isua hminga tihdamna ka pawm a, chuvangin kei chu min zui zel ang,” tiin a \an ve tlat avangin, Aizawl District Superintendent (Bawrhsap) chuan Apostolic Kohhran din phalna chu a pe ta  a ni.

Thurin chungchanga inbiakremna

            Doveri lo kal hma hi chuan, Pu Zakamlova kaihhruai hoten ‘Apostolic Kohhran’ lo invuah ve mah se, Trinity ringtute vek an ni a. USA a Apostolic Church chu an thawhpui dawn chuan Apostolic Church thurin chu an pawm a \ul thu chu Doveri chuan a hrilh ta a. Tichuan, a sawi ang chuan USA lama Apostolic Kohhran te thurin ‘Pathian Pakhat chauh a awm a, A hming chu Isua Krista a ni tih leh, sual ngaihdam nana tuia Isua Krista hminga inhnimphum baptisma te leh, Thlarauvin a \awngtir ang zela \awnghriatlova \awng theihna tela Thlarau Thianghlim baptisma te’ chu an lo pawm ve ta a. Doveri hi Mizorama Isua Krista Pathianna famkim leh Isua hming baptisma chan thu hril hmasa bertu a lo ni ta a ni12 .

Isua Krista hminga Baptisma

inchantirna hmasa ber

            Aizawl District Superintendent-in kohhran din phalna a pek hnuah, kohhran thurin turte siam fel a lo nih tak zelah chuan, kohhran chu mumal deuhva siam a lo \ul ta zel a. Doveri chuan Pu Zakamlova hnenah, “Hmeichhia ina baptisma chantir i hreh em?” tiin a zawt a. Pu Zakamlova chuan, “Hreh lo ve,” tiin a chhang a. Tichuan, ni 26 January 1949 zing dar 6 ah chuan Aizawl Varak dil (tuna Aizawl Tennis Court-a an hman takah hian) missionary Doveri chuan Pu Zakamlova chu Isua Krista hmingin tuia hnimphum baptisma chu a chantir ta a. Hei hi Mizoram a  Isua Krista hminga baptisma inchan tirna hmasa ber a ni13 .

            Heta \ang hi chuan Pu Zakamlova  leh a thawhpui - Zakaithanga, Thanthuama leh Thinlaihnema te pali chuan Pastor nihna Licence an neih avangin Isua hminga baptisma chantir theihna hi an nei ve ta a. Varak dilah hian Pastor Zakamlova chuan  mi dangte chu Isua hmingin baptisma a chantir ve ta a, Mizo pa, Isua hminga baptisma chantirtu hmasa ber a ni. Kum1951-ah Varak dilah bawk hian, “Aw khawngaihtu Pathianin” tih hla phuahtu, Pu Chawngkhupa pawhin Isua hminga baptisma hi chang vein, a uithak pân pawh a dam vek nghe nghe a ni14 .

Missionary Doveri‘n UPC zawm

turin thurawn a pe

            Missionary Doveri hova kohhran mumal deuhva an han siam fel takah chuan, Mizoramah Thlarau Thianghlim changtu, \awnghriatlova \awngna dawng mihlimho tam tak an awm a ni tih chu Doveri pawh chuan a hre ta a. USA lamah Apostolic Church chu kohhran tereuhte an nih avangin sum leh pai lamah an \anpui zui thei dawn lo va a hriat avangin Doveri chuan Pu Zakamlova hnenah, “India ramah hian UPC missionary Rev. E.L.Scism-a a lo kal dawn a, chu chu zawm ta mai ula, thurinah pawh Apostolic Kohhran nen an inang thlap tho va, sum leh pai lamah pawh Apostolic Kohhran ai chuan an \anpui thei zawk ang che u. Kei pawh UPC ah chuan awm ve mai pawh ka hnial lo ve,” tiin thurawn  a pe ta a. Pu Zakamlova ho chu an phur hle a15 .

UPC zawm turin thu an ti tlu ta

            Missionary Dover-i’n Aizawl a lo thlen a, Aizawl Bawrsap (Superintendent) in kohhran din phalna a pek tak chinah khan, Missionary Doveri kaihhruaina hnuaiah Apostolic Kohhran chu din ngheh tak tak a lo ni ta a. Pu Zakamlova chu District Pastor-ah hmangin, Zakaithanga, Thanthuama leh Thinlaihnema te chu Apostolic Kohhran Pastor nihna Licence pek fel an ni nghal bawk a.16  Kum 1949 March thlaah khan Apostolic Kohhran chuan Lungleng Vawkzawn khuaah khawmpui an nei ta a.

            He khawmpuiah hian Than\huama - Khuangthing, Pastor nihna Licence lo nei tawh chu a kal lo va. Ni 12 March 1949 ni khan Pu Thangsavunga inah rorelna an nei a. Hemi \um hian Misionary Doveri thurawn pek anga UPC zawm an duh leh duh loh chu ngaihtuahna an nei ta a. Doveri thurawn pek anga UPC zawm chu \ha an ti tlang a, United Pentecostal Church chu zawm turin thu chu an titlu ta a.15  Lunglenga 1948 kuma biak in an lo sak pawh chu ‘UPC biak in a ni ta’ an ti a. Lungleng biak ina “UPC biak in hmasa ber Dt. 3.3.49” tih intar \hin pawh kha, Vawkzawn khawmpuia UPC zawm an tih tluk tak avanga tar mai an nih a rinawm e. Mahse hemi \um hi chuan UPC zawmna tak tak an la nei lo va, UPC zawm turin thu tlukna an siam mai chauh a la ni, Apostolic Kohhran an la ni zel rih a ni.17

United Pentecostal Church an ni ta

            Missionary Doveri pawh chu Mizoram chhuahsanin, India hmar Bhagalpur UP ah chuan a rawngbawlna chhunzawm turin a haw thla ve leh ta a. USA a UPC te pawh chuan, India rama Missionary hnathawk turin Rev. Ellis Scism-a te chhungkua pawh chu an lo thlang fel tawh bawk a. 1949 February ni 3-ah chuan an chhungkuain America hmar tawp, Washington State lawngchawlhna hmunpui ‘Seatle’ ah India rama kal turin an lo vai liam ve mek bawk a. Rev. E.L.Scism-a te chhungkua hi kawng laka ni 55 an rawn thang hnuin, dam takin ni 26 March 1949-ah chuan India ram Madras lawngchawlhna chu an lo thleng a. India chhim lam Kodaikanal-ah awmhmun bengbelin rawngbawlna a \an ve ta a. Rev E.L.Scism-a hi Superintendent, UPC of India & Ceylon hna pek a ni. 18 

            Missionary Doveri leh Rev E.L. Scism-a te hi India chhim leh hmar a awm mel sangkhat vel kar dana awm an nih avangin an inhmu lawk lo va. Doveri chuan Rev E.L.Scism-a chu lehkha thawnin, Mizorama kal tur leh, chuta Apostolic Kohhran chu UPC zawm zawk tura thurawn a pek thute a hrilh a. Rev E.L. Scism-a chu Doveri sawmna angin a awmna India chhim Kodaikanal a\ang chuan Mizorama kal turin ni 23 January 1950-ah a chhuak \an a, Mizorama kal tura sawmtu Missionary Doveri awmna, India hmar Bhagalpur, UP chu a pan ta a. Bhagalpur U.P a\ang hian Doveri leh Nathanael Parmer-a te nen Mizoram hi an panho ta a ni. Hemi hma hian Rev E.L.Scism-a leh Dover-i hi an la inhmu ngai lo a ni.19

            Missionary Dover-i sawmna anga Rev.E.L.Scism-a leh Missionary Doveri ten Mizoram an lo thlen ni chiah hi chiang taka hriat ni lo mah se, 1950 February ni 18 (Inrinni) ni a pawm a ni. Tichuan ruahmanna lo awm tawh sa angin Rev Zakamlova kohhran din, Apostolic Church, Missionary Dover-in Pathian pakhat chauh pawmtute thurin a lo pawm tir tawhte chu, Doveri thurawn angin 1950 February ni 19 Sunday niin Rev E.L.Scisma chuan United Pentecostal Church-ah chuan a lawm lut ta a ni. Kum 1950 February ni 19 (Sunday) hi Mizorama UPC lo pian \anna ni a pawm a ni ta a ni.20 

            Mizorama UPC a lo din chhuah dan dik tak chu Pu Zakamlova’n tha leh zung tam tak leh tawrhna nasa tak nen mihlim kohhran a din a, an kohhran hmingah Apostolic Kohhran an inti a, an kohhran thurin hi Missionary Dover-in a duan sak bakah, a thurawn angin UPC-ah Rev E.L. Scism-an a lawm lut a ni. A nihna takah chuan Pu Zakamlova’n kohhran a din a, a kohhran Quarters luah laiah an inkhawm ta a. Rev R.Thangliana lam, Headquarters-a lawi mi tlemte te chu ThakthingVenga Pi Lalrinawmi inah an inkhawm ta a, a hnu deuh vah Rev R.Thangliana Quarter-ah an inkhawm ve leh ta a. 1984 kuma N.Mizoram District UPC Headquarter biak in an hawn, a hun laia Aizawla biak in mawi leh \haa sawi tling ve chu  Dt. 8 September, 1995 a\ang chuan Puithiam Rev R.Thangliana remtihna leh duhthusam ang ngeia kalha awmin, luahtu awm lovin lainatawm takin a \hing ta thup mai a ni. Pathianin engtin tak ngai ang maw!

N. Mizoram District Rev Chhunglawma

kaihhruai District Board Committee chu

Dt. 12 September, 1995 ni a Rev Chhunglawma kaihhruaiten NEI UPC an thawhpuina titawpa N.Mizoram Unit a hrana ding tura thu an tihtluk lai khan, sawi tawh angin Mizoram UPC chu Aizawl Chaltlangah Office hawngin Pastor bial 14 lai neiin mumal takin a lo kal hman tawh a. Chutih lai chuan Rev Chhunglawma kaihhruai N.Mizoram Unit-a inlahrang ho zingah khan Mizoram UPC nena thawhho thuai duh an lo awm bawk nen, Rev Chhunglawma chuan District Board kohva, an kal zel dan tur chu rel fel thuai \hain a hre ta a, Dt. 14 September, 1995 ah chuan District Board a ko ta a. Chuta an thurelte chu a ngai ngaiin lo tarlang ila:

            A hmun:          Upa Lalnunmawi In, Bungkawn

            A hun:                         Dt. 14.09.1995 (Thursday)

Member kalte :

         1)   Rev Chhunglawma, District Superintendent

         2)   Rev Ngurthanpara Sailo, District Secretary

         3)   Rev Zaikunga, Dinthar bialtu

         4)   Rev Vankhuma, Durtlang bialtu

         5)   Rev Sairuma, Kawrthah bialtu

         6)   Rev Vanlalfela Sailo, Kawnpui bialtu

         7)   Pastor Lalthanmawia, Bukpui bialtu

         8)   Pastor C.Zathanga, Sairang bialtu

         9)   Pastor H.T.Lalengmawia, Mamit bialtu

       10)   Pastor Laldawngliana, Bilkhawthliar bialtu

       11)   Pastor Lalhmangaiha (Hmatea), Bairabi bialtu

       12)   Pastor F.Lalnimawia, Lengpui bialtu

       13)   Pastor Lalchhawnthanga, W.Phaileng bialtu (ani hi a hmanhmawh fal deuh avanga Mizoram UPC zawm tawh Rev Chhunglawma lama tel ve leh a ni)

            Rorel \an hmain Chairman-in Pastor Lalchhawnthanga \awng\aia hun min hawnsak turin a sawm a, rorel \an nghal a ni.

RORELTE

1.         STAFF TE LEH EVANGELIST TEACHER TE THU.

            Kohhranten harsatna kan tawh tak avangin  kan Staff te leh ramthim field-a thawktuten harsatna an tawk nasa hle a; engtin nge kan en kan enkawl zui ang ? tih sawihona kan nei a. Engpawhnisela Mizoram UPC ten nena inbiakna kan neihnaah an chungchang thu te chu sawi ila a \ha kan ti

2.         MIZORAM UPC TE NENA INBIAKNA THU

            Mizoram UPC te nena kan inbiak turah hian condition fel tak siama inbiak ni se, chuta inbiaknaah chuan inzawmkhawm thuai a \hat leh \hat loh thute sawi ni se. Tin, hengte hi sawihona neih ni se:

            1)         Inzawmkhawm dan tur.

            2)         Administration thu

            3)         Office Staff te leh Evangilist Teacher thu.

            4)         Sum leh pai thu

            5)         Khawmpui thu

            6)         Rawngbawlna thuah.

3.         DISTRICT SUB-COMMITTEE DIN THU

            Emergency a awm thulhah District Board inkoh a harsa \hin si a, chuvangin tun hun atan chuan District Sub-Committee din ni se kan ti. Chungte chu:

1.   Chairman      - Rev Chhunglawma District Superintendent

2.   Secretary      - Rev Ngurthanpara Sailo District Secretary

3.   Member te    - Upa Lalnunmawia

                             Upa H. Zirliana

                                                Bro P.C.Rotuama LcH, Headqurter

                                                Upa Lalrothanga, Goverment Complex

                                                Upa Lalrinmawia, Tuikual

                                                            Bro. C.Lalringliana LcH, Chawlhhmun

                                                Bro. Saihranga Sailo LcH, Dinthar

                                                Rev Zaikunga,  Dinthar

                                                Rev Vanlalfela,  Kawnpui

            Tin, he District Sub-Committee te hian a lo \ul ta thut a nih leh Office te lo hawng se, tin, rawngbawltute pawh a \ul chuan lo la mai se a \ha kan ti.

4.         REV HARRY E.SCISM HNENA LEHKHATHAWN THU

            Tun kan buaina thute hi chiang takin Rev Harry E.Scism hnenah hriattirin lehkha thawn ve ila, thil awm dante chiang takin hrilh ila. Chung vel lo buaipui tur chuan Rev Zaikunga leh Rev Vanlalfela Sailo te ruat an ni.

5.         CIRCULAR THU:

            Kan District harsatna thute hi khaw tina Kohhranhote hriat turin Circular siam ni se, chu Circular buaipui tur chuan Pastor R. Laldawngliana ruat a ni.

6.         NGENNA THU:

            Hetianga North East India atanga kan lo inlakhranna thua kan rawngbawlpuite tuna min la zui ve thei rih lote hnenah hian min rawn zui ve theih leh theih lohte ziak ngeiin zawh ni se. Dt. 15.10.1995 ral hma ngeiin ziak ngeiin District Secretary/District Superintendent hnenah rawn hawn se, chu lehkha tur chu District Secretary-in lo buaipui se.

7.         PUBLICITY CELL DIN THU:

            Kohhran ten harsatna kan tawh chungchangah thu leh hla tam zawk chhuah \ha kan ti a, a \ul anga lo buaipui turin heng mite hi ruat an ni:-

            1.Bro. Lalthantluanga- Chairman

            2.Bro. R.Lallawmzuala-Secretary

            3 Bro. C.Liansanga

            4 Bro. Lalnienga

            5 Bro. H.Lalrinmawia

            6 Bro.P.C.Lalramzauva

            Kan rorelte tluang taka kan zawh hnuin  Rev Zaikungan tawngtainain kan hun a titawp ta a ni.

                   Sd/-                                             Sd/-

REV CHHUNGLAWMA         REV NGURTHANPARA

               Chairman                                     Secretary

United Pentecostal Church N.Mizoram District

            Rev Chhunglawma kaihhruaite hian an rorel No.3 na bawhzuiin Tuikhuahtlanga Rev Chhunglawma Quarters-ah Office te hawngin hun an hmang chho ta a, anRorel No.7 bawhzuiin Circular pawh hetiang hian an chhuah ta a.

UNITED PENTECOSTAL CHUCH OF NORTH MIZORAM DISTRICT,  AIZAWL : MIZORAM

C I R C U L A R

N.MIZORAM UPC OFFICE KALH A NIH CHUNGCHANGA THU DIK PUANCHHUAHNA

1.         DISTRICT SUPERINTENDENT REV R.THANGLIANA PAIH THLAK A NI:

            District Superintendent Rev R.Thangliana chu District Board leh mipui tam zawkte sukthlek loh zawnga a khawsak avang leh, harsatna thil tam tak avanga Pastor rual ten District Board ko tura an ngenna pawh a koh duh si loh avangin Board member 25 zinga a tam zawk 13 ten hming ziakin Dt. 6.9.95 khan District Superintendent a nihna ata an paihthla a. Manual Bye Law Rules & Regulation No.8-na tlawhchhana paihthlak a ni. Chu dan chu hetiang hi a ni –

“General/District a thlan tlin emaw, ruat emaw member tute pawh Executive Board/ District Board member tam zawk (Simple Majority) in a chhan leh vang sawi lang fiah kher lo pawhin englai pawhin a ban thei ang,” tih a ni.

            Paihthlak a nih nachhan point 5 an tarlante chu hengte hi a ni -

1)   I hnuaia thawktute kan him lo va, kan thla a muang lo.

2)   I kaihhruaina hnuaiah member tam tak kan chan tawh avangin.

3)   District Board thu pass tawh i phatsan avangin.

4)   District Board thu lo va thawktu R.Vanlalawia i lak avangin.

5)   District Board thu lo va sum i hman avangin (Financial rules Section 9 i kalh).

Rev R.Thangliana paihthlakna thu hi Pastor rualte hian Dt 6.9.95 dar 4:15 khan District Superintendent room ah General Superintendent Rev P.Chunga hriatpuiin an thehlut.

2.         REV. P.CHUNGAN DISTRICT OFFICE A KALH:

            District Board member tharte hian Superintendent thar atan Rev.Chhunglawma an ruat nghal a, he an ruatna hi Dt. 7.9.95 khan General Superintendent hnenah thlenin pawmpui turin an ngen a, mahse pawmpuina thu engmah chhakchhuak lovin, “Naktuk zingah ka hrilh ang che u,” a lo ti a; a tuk zingah chuan a reh vang vang mai a. Hemi ni Dt 8.9.95 chhun dar 11:00 velah Office, Press, Book Stall te chu chabi kawltute hnen atanga chabi laksakin a kalh ta mai a. District Superintendent motor chabi chu laksak bawkin, Treasurer chu, “Ani chu a buai ve lo,” tiin a khawih che lo.

2.         REV R.THANGLIANAN CHARGE A HLAN DUH LO:

Rev R.Thangliana chu paihthlak a nih tak avangin District Superintendent anga a khawsak zel a rem ta lo va. Chuvangin, Dt. 7.9.95 chawhnu lama a thar hnena charge hlan tura ngenna pawh siam a ni a, mahse a hlan ta chuang lo va, a buai chho thui ta a ni.

3.         POLICE LAMIN OFFICE AN KALH VE LEH TA:

            General Superintendent-in Office a kalh chu duhtawk  lovin D.C Office lam chuan Police thuneihnaa kalh ngenna an lo dawng ve hlauh mai bawk a. Tichuan Dt 8.9.95 zanah Hqrs Biak In a reh thap lai, a velah tumah an awm loh lai leh buaina chhe te pawh awm lovin Biak In chu a Gate tala te chhu chhiain, a Biak In chawpin police te chuan Dar 8:00 vel khan an lo kalh leh ta mai a. Mipui hrilh a hai hle.

Biak In kalh azarah hian  Police te chuan  Office, Press, Book Stall leh P.G.High School Gate te chu ziaka thupekna engmah pawh awm lovin an rawn kalh zui ve leh ta ngawt mai a. P.G.High School Gate erawh chu a tuk tuk leh lawkah hawn leh a ni.

6.         N.E.INDIA RORELNA ATANGA INLAK HRAN A NI:

General. Superintendent hian Dt 13.9.95 atan Aizawlah Executive Board a ko va, Executive Board-in N.Mizoram rawngbawltute chunga an rilru put dan leh kut an thlak zel dante ngaihtuahin N.E.India rorelnaah hian  himna leh muanna reng reng a awm lo a ni tih hriain Dt. 12.9.95 a District Board \hukhawm chuan he N.E.India rorelna nghawngkawl hi hliha inlak hran a rel ta a. N.Mizoram District chu N.E.India rorelna ata a zalen ta a ni.

He inlak hranna thu hi Executive Board neih dawn tepah Board memberte hnenah Dt 13.9.95 chawhma lam khan an thlenna ‘Hotel Embassy’ ah va thehluh a ni.

7.         PASTOR THENKHAT EXECUTIVE BOARD IN AN THLEM :N.Mizoram Pastor \henkhat Executive Board-in thununna ‘Warning’ a la pek ve lem loh Pastor Vanlalfela, Pastor Lalhmangaiha, Pastor Lalnimawia, Pastor R.Laldawngliana te chu Executive Board neihna Hotel  Embassy ah Dt 14.9.95 khan koh an ni a. Pastor Lalhmangaiha erawh chu a kal ve ta lo va.

            Heng Pastorte hi kir leh tura thlemthluk theih inbeiseiin leh N.E.India UPC a la thlun beh hram theih dan ngaihtuahin thlem an ni a. Mahse anni’n, “Pen khat pawhin kan kir thei lo ve,” an tih \heuh avangin kawngro a su ta vak chuang lo va.

Office, Press leh Book Stall te kalh a ni a, a luah tawh lo tur ten District Quarter te luah a, Telephone leh Motor te an duh thala an la hmang reng si te hi District Board chuan \ha a ti lo va, kalh a nih rau rau chuan a zavaia kalhin a awm tur a ni tia ngaih dan siamin, Dt. 14.9.95 khan a kalhtu sawrkar lamah thlen a ni nghe nghe.

            Tla tawhte tundin tumna avanga harsatna namen lo kan tawh hnua chutiang thil bawk buaipuitu mi \henkhatte avanga kan buaina a punlun zel mai hi a zahthlak kan tiin pawi kan ti tak meuh va. N.Mizoram District chuan Mizoram Pentecost Kohhrante zai khata luang a, rorelna pakhat hnuaia thlarau fate zalen taka rawng inbawl tawna kan inpumkhat theihna tur kawng a dap zel dawn a. Hei hi Lalpa thiltum nia a lan avangin tuna rilru la hmin lote leh la inpeih ve lote pawh nakin lawkah an inpeih ve thuai a rinawm a ni.

            Kohhran mipuite lo chiai lo tur leh Lalpan thil ropui tak min tihsak tur hi thlir a, huai taka ke pen zel turin kan inchah a ni.

                     Sd/-                                           Sd/-

     LALTHANTLUANGA          R. LALLAWMZUALA

                Chairman                                  Secretary

                INFORMATION & PUBLICITY CELL

                Unitd Pentecostal Church, N.Mizoram

(Note: District Board minute leh Circular te khi an ziah ang anga  tihchhuah a ni)

Rev Chhunglawma kaihhruai te leh

Mizoram UPC an thawkho ta

Khatia Rev Chhunglawma leh a thawhpuiten Mizoram Unit din a, an han inlakhran takah khan, North Mizoram District UPC Office chu khar a lo ni ta a. Rev Chhunglawma Quarter Tuikhuah tlangah Office te hawng hrangin hma an la chho ta kha a ni a. Chutih lai chuan Mizoram UPC chuan Chaltlangah Office mumal takin a lo kalpui hman tawh a. Chuvang chuan, Rev Chhunglawma lamte chuan Mizoram UPC thawhpui mai chu \ha an ti ta a.

            Mizoram UPC hruaitute nen inbiain, thawkho turin Dt. 20 September, 1995 ah chuan Mizoram UPC aiawhin Rev Vanlalsipaia, General Secretary leh Upa Lalthlamuana Hnamte, General Treasurer te chuan an hming an ziak a, North Mizoram District UPC aiawhin Rev Chhunglawma, District Superintendent leh Rev Ngurthanpara, District Secretary te chuan hming an ziak a. Kohhran ho hnenah hetiang hian thupuan chhuah an nei ta a. An ziak dan ngai ngaiin lo tar lang ila:

United Pentecostal church of Mizoram leh

United Pentecostal church of North Mizoram

Thupuan chhuah

            “Vawiin Dt 20.9.1995 a United Pentecostal Church of Mizoram leh United PentecostalChurch of North Mizoram District Joint Committee chuan, Vawiin Dt 20.9.1995 a\ang hian kawng engkimah lungrual takin kan thawkho ta a ni tih LALPA ISUA HMINGIN KAN PUANG E.”

                     Sd/-                                           Sd/-

     REV VANLALSIPAIA         REV CHHUNGLAWMA

          General Secretary                   Dist. Superintendent

          UPC of Mizoram                UPC of N.Mizoram Dist.

Sd/-

LALTHLAMUANA HNAMTE 

General Treasurer, UPC of Mizoram

Sd/-

REV.NGURTHANPARA SAILO

District Secretary

UPC of N.Mizoram Dist.

                         Kum 1995 October Ni 5 chuan Mizoram UPC leh North Mizoram District hruaitute chuan Special Meeting an nei leh  a. Hetiang hian thutlukna an siam ta a - North Mizoram Rev Chhunglawma lamte chuan anmahni hote hlawh chu 1995 September thla thleng inpe se la, 1995 October Ni 1 a\ang chuan Mizoram UPC Office-ah an sum neih ang angte chhung lutin hlawh an la tawh ang, an ti ta a. Heta \ang hian Rev Chhunglawma kaihhruai North Mizoram District a\anga Mizoram Unit a ding hrang tate leh Mizoram UPC te chuan thawhhona \ha zawk siam chhuakin, Mizoram UPC hming pua kalho chu \ha an titlang ta a. Mizoram UPC kha Office te hawng meuhva lo awm an nih tawh avangin Rev Chhunglawma kaihhruaite khan an zawm, tiin a sawi loh theih ta lo va, thawkho ni mah se ‘an zawm,’ tiin kan sawi zel tawh ang.

            Mizoram UPC Pastoral Board chu 1995 October ni 6-ah \hu khawm nghalin, Rev Chhunglawma kaihhruai North Mizoram District-a thawktute thawh tur leh awmna tur te hetiang hian an siam fel nghal ta a.

1. Pastor Vankhuma, Durtlang bialah.

2. Pastor Vanlalfela, Kawnpui bialah.

3. Pastor  Lalthanmawia, N.Bukpui bialah.

4. Pastor  R.Laldawngliana,  Bilkhawthliar bialah.

5. Pastor  Lalhmangaiha, Bairabi bialah.

6. Pastor  Sairuma,  Kawrthah bialah.

7. Pastor H.T.Lalengmawia,  Mamit bialah.

8. Pastor Lalnimawia,  Lengpui bialah.

9. Pastor C.Zathanga, Sairang bialah.

10. Pastor Zaikunga,   Dinthar bialah.

11. Pastor Ngurthanpara, Chawlhhmun bialah.

12. Pastor Chhunglawma, Headquarters bialah.

Pastor bial nga hnawhkhah ngai a awm avangin North Mizoram District Office Staff te hetiang hian Pastor hna thawk tura lak thar an ni.

1.   Evan R.Lalthantluanga, Press Manager, Aibawk bial Pastor-ah

2.   Evan C.Liansanga, Sunday School Secretary, Sialsuk bial Pastor-ah.

3.   Evan P.B.Lalhmuliana, Book Stall Seller, Reiek  bial  Pastor-ah.

4.   Evan H.Lalrawnkima, Falkawn Evangeilist Teacher,          Kanghmun bial Pastor ah.

5.   Evan Rokhuma, Vaak a Evangelist Teacher thawk lai chu   Zawlnuam biala Tirhkoh hna thawk turin `.1500/- (fixed) hlawh tura lak a ni.

6.   Thangliansanga, Licence nei tir te pawh chu Bairabi a Tirhkoh hna thawk turin `.1500/- (Fixed) hlawha rawih tura lak a ni bawk.

7.   Unaupa R.Lallawmazuala, Editor chu Mizoram UPC-ah full time Editor tura lak a ni bawk a.

9.   Pu Laldanga, IV Grade pawh a hna ngai ang thawk tura Mizoram UPC Office a lak zui nghal a ni.

10.       N.Mizoram District Office a LDC thawk lai Unaunu C.Lalbiakhluni pawh chu Dt. 8 November, 1995 ah Mizoram UPC Office ah LDC hna thawk tura rawih a ni leh ta bawk a ni. C.Lalbiakhluni hi N.Mizoram District Office thawktute zingah Mizoram UPC zawm hnuhnung bertu a ni.

11.       Unaunu Zahmingliani erawh chu Bawngva ah Mizoram UPC rawih in Evangelist Teacher in a awm zui ta zel a. 1997 December 9-15 Kolasib a Mizoram UPC Executive Board Rorel No.51- na chuan Lawngtlai ah LDC- cum- Cashier, 1998 January Ni I a\anga thawk \an turin a la leh ta a. Kum 2001 January thlaah General Office Chaltlanga LDC a thawk tura lak phei a ni ve leh ta a ni.

12.       Press a thawktu Compositor leh Printer, Mizoram UPC zawmtute –Unaunu te, Laldinliani, T.Vanlalhmuaki, Lalmuanawma,  Laltlanzuala, Edenthara te chu an thawh tur mai a awm tak loh avangin chawlh lailawktir an ni a. Dt. 2-4 March, 1996 Mizoram UPC General Assembly vawi hnihna Rorel No. 9 nain  Press khawl lei thar a bul \an thar leh a rel leh ta a. 1996 August thlaah Mizoram UPC Press khawl buna hma thar an han lak leh takah khan, Edenthara tih lo chu an hna ngaiah thawhtir leh an niin, an service pawh chhawmtir leh anni hlawm a.

Dt. 12 October, 1995 ah Kolasib Pastor Chalhuaia, Mizoram UPC ah a lo lut leh a, Kolasib bial tura dah ngheh nghal a ni bawk.

            Kum 1995 a North Mizoram District chhunga Pastor thawk laiin Mizoram UPC an zawm dan chu hetiang hi a ni.

1.   Pastor Lalchhawnthanga - Ni 27 July ah Mizoram UPC a zawm

2.   Pastor K.Vanlalvuana - Ni 4  August ah Mizoram UPC a zawm

3.   Pastor Lalkhawchhana – Ni 21 August  ah Mizoram UPC a zawm.

4.   Pastor Chhunglawma leh a thawhpui Pastor 12 ten Ni 20 September ah Mizoram UPC an zawm.

5.   Pastor Chalhuaia - Ni 12 October ah Mizoram UPC a zawm. Pastor Chalhuaia hi NEI UPC North Mizoram District Pastor thawk lai Mizoram UPC zawm hnuhnung ber a ni.

6.   Rev Saihnuna – Ni 1 August a NEI UPC a\anga full pension-a chhuakin, Dt 1 September ah Mizoram UPC a zawm bawk.

      Kum 1995 April ni 1 Mizoram UPC in Office a hawn hnu si, 1995 kum chhunga NEI UPC North Mizoram District a  Pastor thawk lai Mizoram UPC zawm ta zawkte chu pension tawh Rev Saihnuna chhiar telin sawmpasarih an ni. Tirhkoh Licence nei 50 zet an tel bawk a. Member hi inchhiarna chiah a awm loh avangin hriatchian theih a ni lo.

            Kum 1995 chhung hian Mizoram UPC-in Pastor bial 37 a nei hman a. Zawlnuam Bial chu Tirhkoh Rokhuma’n a awp a, Bairabi Bial chu Tirhkoh Thangliansanga’n a awp a, Bethlehem Bial chu General Secretary Rev Vanlalsipaia’n a hmui a, Pastor thawk lai 35 an awm a ni. 1995 kum tawp lam hian Mizoram UPC Pastor te hlawh hi inang tlang vek tura hrut rual a ni ta a, thla khatah Rs. 2000.00 (sanghnih) fixed-in an hlawh a, in luah manah Aizawlah `. 700.00 (zasarih), thingtlangah `. 500/-(zanga) an dawng bawk a ni.

            Kum 1995  hian NEI UPC North Mizoram District Rev R.Thangliana kaihhruai Pastor thawk laite chu heng te hi an la ni.

1. Rev R.Thangliana, District Superintendent

2. Rev H.Vantluanga, District Secretary&Treasurer

3. Pastor C.Zohmingthanzama

4. Pastor Sanghleia

5. Pastor C.Lalrammuana

6. Pastor  Laltluanga

7. Pastor C.Lianchama

8. Pastor K.Siamkunga

9. Pastor H.Lalbiakkunga

10. Pastor Damchungnunga te an ni.

            Kum 1995 April ni 1 Mizoram UPC Office hawn hnuah NEI UPC North Mizoram District-ah Pastor, Rev Saihnuna pension tawh chhiar telin, 27 an la awm a. 1995 kum vek hian Pastor 17-in Mizoram UPC an zawm tak avangin NEI UPC North Mizoram District-ah Pastor 10 chiah an chambang ta a ni. Member inchuh hunah Rev Thangliana lam hi motor nen an tlan kual nasa bawk a Pastor an chan tam loh huin member chu an chang tam viau.

|awng\ai Khawmpui leh kawngzawh

          Kum 1994 leh  kum 1995 a UPC buainaah hian NEI UPC ten biak in kalh tura an thlen apiang mai sawrkar lamin a lo tihlawhtling zel mai a. Mizoram UPC \antu tamna biak in apiang mai NEI UPC te ngenna anga an kalh zel mai chu Mizoram UPC leh N.Mizoram District UPC thawkho tate chuan hriatthiam harsa an ti hle mai a. Magistrate Pu Saingura Sailo Court-a an dikna puan chhuah sak tura an dilna lah chu hnawl sak an ni zel si nen, thubuai lam ngaihtuahtu pawl  Joint Action Committee Mizoram UPC hotute chuan an din ta a; chuta hruaitute chu:

      1.   Chairman - Upa Z.Lalzidinga, Bazar Veng.

      2.   Secretary – P.C.Lalramzauva, Tuikhuahtlang

      3.   Treasurer – Upa Lalthanga, College Veng

            Memberte: Lalthantluanga LcH, Headquarters; Vanlalpeka, Bazar Bial; Upa Lalthanmawia, Headquarters; H.Lalrinmawia, Headquarters; Lalvarparha, College Veng; L.C Hima Ngente, Chaltlang; R.C Pakunga, Luangmual Vengthar; Lalramengzauva, Bazar Veng; K.Lalrintluanga, Tuikual te an ni.

            A chunga kan tarlan tak Joint Action Committee te khian an tum ber chu UPC biak in kalh hawn leh dan ngaihtuah a ni a. N.Mizoram District UPC Office kalh leh biak In kalh te hawnsak turin Dt. 14 September, 1995 khan Aizawl D.C ah an thlen a. Mahse an thu thlen chuan awmzia a neih tak loh avangin |awng\ai Khawmpui koh va kawngzawh nghal leh, UPC buai dan chungchang te chanchinbu hmaa thudik puan chhuah te chu an rel ta a.

            |awng\ai Khawmpui leh kawng zawh tur chuan  Dt. 24.9.1995 Sunday ni chuan Aizawl khawpui chhunga Mizoram UPC te chu inchah khawmin, A.R lammual, Aizawlah chuan an pungkhawm ta \euh mai a. UPC buaina chu a lo reha kan lo inpumkhat leh theih nan Aizawl A.R lammualah chuan bawkkhupin \awng\ai rualna chu neih a ni ta a. |awng\aina neih a nih hnuin A.R lammual a\angin Aizawl chhim lam panin kawng zawhna neih a ni a, rin ai daihin Aizawl khawpui chhungah Mizoram UPC an lo tam tih an han inhriat chuan an phur hle mai a. Sikulpuikawnah Rev Vanlalsipaia, General Secretary-in thu a sawi a, \awng\ai leh kawngzawh hun chu hman zawh a ni ta a.

            Mizoram UPC Upa K.Zoramthanga kaihhruai lam leh North Mizoram District, Mizoram Unit a ding hrangtate lam an han insuihfin hi nuam an ti em em mai a. An tuipui ber leh an sawi tam ber chu, “NEI UPC ah chuan Thlarau Thianghlimin hmun a chang tawh lo,” tih leh, “Isua thupek ropui ber Chanchin |ha hrilh an ngaihthah,” tih te a ni a. “Chuvangin Mizoram UPC te hi Lalpan chanchin tha hrilh darh turin Thlarauvin min din thar leh a, Tirhkohte Thiltih bung 6 thu a kan hmuh angin, UPC buaina hi a lo reh leh theihna tur chuan Upate leh Pastor te rorel tlan dial dialna administration thar kan siam a \ul” tih te hi a ni.

      

UPC BIAK IN LEH PASTOR QUARTERS

TE KALH A NI

Aizawl East District chhunga biak in leh

Pastor Quarters kalh a nih dan

            A hma lamah kan sawi tawh nain han sawi nawn leh thuak thuak ila. Kum 1994 May 8 Inrinnia Aizawl Bethlehem Venga Aizawl East District, Rev K.Satinvela’n a hawn tak hnu khan, Aizawl East District ramri tura NEI UPC Executive Board-in a rin chhunga tel ve lo, ‘Sialsuk UPC North East India’ inti tlatte leh, North Mizoram District Headquarters a lawi \hin, member zali (400) dawn lai, 1 May, 1994  a Kawltheihuana inkhawm hrang te (tuna Republic Venga inkhawm ta zel te hi) leh Chaltlanga unau \henkhat te, Kolasib leh Thenzawl lama mite chuan, North Mizoram District ramri huam chhunga awm reng si khan, “Rev. Saihnuna kaihhruaina hnuaiah kan awm peih tawh lo,” tiin Aizawl East District lam chu an zawm lui tlat mai a. Chu chuan Aizawl East District ramri tur huam chhunga North Mizoram District la zawm zel duhtute lam kha a cho tho va, Aizawl East District ramri chhunga awm si, Aizawl East District zawm tum lo N.Mizoram District UPC zawm tum tualchhung Kohhran an awm ta thluah mai a.

Tunge biak In kalh hmasa ber ?  

            Dt.21-22 May, 1994 ni chuan Aizawl College Veng UPC Biak Inah, Evan. Vanlalliana ruaiin Revival an hmang a, an hlim hle mai a, Amaherawhchu Aizawl College Veng hi Aizawl East District UPC ramri chhung a ni a. Aizawl College Veng Kohhran te hian Aizawl East District UPC Superintendent thar Rev. R.Lalrinsanga leh bialtu Pastor R.Pahlira chu Pentecost ni Revival-a an hman tur leh, Speaker-a Evan. Vanlalliana an hman tum chu an lo hrilh lo bawk nen, tin, hetih laia Aizawl College Venga UPC  hruaitute hi North Mizoram District UPC lam \antu an lo ni bawk si nen, hlim taka Revival an hman kal mup mup lai,ni 22 May, 1994 (Sunday) ni chuan Rev. R.Lalrinsanga chuan Aizawl D.C ah, “Ka District chhungah ka thu lovin Revival an ko va, Revival hi an hman chhunzawm zel chuan buaina lian zawk a chhuak dawn a, chuvangin Aizawl College Veng biak in hi min kalhsak rawh u,” tiin report a thehlut a.

         Aizawl D.C chuan Rev. R.Lalrinsanga ngenna ang chuan Police S.I. pakhat leh Constable pahnih an tir a, Aizawl College Venga UPC biak in chu Dt. 22 May, 1994 (Sunday) ni chuan an kalh ta a. College Veng UPC hote chuan Sunday chawhnuah chuan biak inah an inkhawm theih tak loh avangin mualah Evan. Vanlalliana chu an rawih chhunzawm ta tho va. 1994 hnu lama UPC Kohhran buaina avanga sawrkar ruaia biak in kalhtirtu hmasa ber chu Rev. R.Lalrinsanga a ni a. Biak in kalh hmasak ber pawh Aizawl College Veng biak in hi a ni (AED Chanchin C Vala P.43)

          Aizawl East District UPC pian dan a tualchhung kohhran lo lungawi lo deuhte  chu inngaitlawm tak leh kohhran keh darh zel hlau taka tuam dam tum ta lo chuan Aizawl East District UPC Superintendent ruat thar Rev. R.Lalrinsanga chuan an District chhunga North Mizoram District UPC lam lo \an deuh tualchhung kohhran hrang hrang te biak in leh Pastor Quarters chu Aizawl D.C lam ah report zelin, “In kalh sak loh chuan buaina a chhuak dawn,” tiin kalh sak turin a ngen zel a, Aizawl D.C pawh chuan Reverend inti ngam meuhvin, “Buaina a chhuak dawn” a tih chu lo awih ve mai zelin, biak in chu Police te a kalhtir zel ta mai a.

            Aizawl Bethlehem Vengthlang biak in te, ITI biak in te, Bazar Veng biak in te, Armed Veng biak in te, Zemabawk North biak in te, Ramhlun Vengthar biak in te, Seling biak in te, North Vanlaiphai Pastor Quarters leh biak in te, Leilet Veng biak in te, Champhai Pastor Quarters leh Kahrawt biak in te, Ruantlang Pastor Quarters leh biak in te, Khawbung Pastor Quarters leh biak in te, Lianpui biak in te, Diltlang biak in te, Khawzawl Pastor Quarters leh Khawzawl Veng hrang hrang biak in te, Lungtan biak in te, Khawlailung biak in te leh a dang dang te pawh chu a kalhtir ta zel a. North Mizoram District huam chhunga Aizawl East District lam zawm zawktute biak in chu kalhsak ve a hnekin NEI UPC Executive Board leh Aizawl East District hruaitute chuan  Aizawl East District zawm tlat tura \an la sauh sauh turin an fuih ru reng thung a.

Kum 1994 a NEI UPC Executive Board hmalak dan leh Aizawl East District Superintendent Rev. R.Lalrinsanga ten an rorel dan lo pawm mai loh deuhte chu muangchanga tuam dam tum lo va, phuba lak duhna rilru pu a, sawrkar chakna hmanga biak In kalh zawnga hma an la vak mai hi chu UPC te mualphona, chhuan lo awm zel tur thleng pawha  reh leh ngai tawh lo tur, thil zahthlak a ni ngei ang.

            Kum1994 a NEI UPC buaina kal zela Aizawl East District UPC ramri chhunga tualchhung biak in hrang hrang leh Pastor Quarters te, sawrkara report thehluta kalhtirtu leh a mawhphurtu ber chu Aizawl East District UPC Superintendent hmasa ber Rev. R.Lalrinsanga a ni.

North Mizoram District UPC Office leh

biak in te kalh a nih dan

Kum 1994 April ni khatah Mizoram UPC, Upa K.Zoramthanga kaihhruai hoten Aizawl Chaltlangah Office te hawng hranga mumal taka an kal tawh hnu chuan, NEI UPC, North Mizoram District Secretary thawk lai Rev. Saihnuna chu Dt. 1 August, 1995 ah chuan pension-in NEI UPC a Pastor a nihna chu a chawlsan ta a. NEI UPC North Mizoram District Superintendent chu Rev. R.Thangliana a ni a, Secretary chu Rev. H.Vantluanga a ni a, Treasurer chu Pastor C. Zohmingthanzama a ni a, Mission Director chu Rev. Chhunglawma a ni.

             1995 September ni 6 ah chuan NEI  UPC Manual Bye Law, Rules and Regulation No.8- na tlawhchhanah hmangin Rev. Chhunglawma, Mission Director leh a thawhpui Pastor sawmpahnih (amah nen 13) te chuan, “Rev. R.Thangliana hi District Board member tam zawkin District Superintendent atan kan duh tawh lo,” tiin, District Superintendent-ah Rev. Chhunglawma chu an thlang ta tawp mai a. NEI UPC, North Mizoram District chu, Aizawl East District UPC pian tawh hnu, Mizoram UPC pawh Office te hawng hranga mumal taka a kal tawh hnu chuan an phel  leh ta a.

             Rev. Chhunglawma kaihhruai lam leh Rev. R.Thangliana kaihhruai lamte chuan Aizawl Tuikhuahtlanga North Mizoram District UPC Office leh Pastor Quarters leh North Mizoram chhunga biak In hrang hrangte chu “A ziding zawk kan ni,” tiin  an inchuh ta vak mai a. Dt. 8 September, 1995 chuan NEI UPC General Superintendent, Rev. P.Chunga Singson chuan Rev. R.Thangliana lam te leh Rev. Chhunglawma lam te chu Tuikhuahtlang, North Mizoram District UPC Office ah ko khawmin, NEI UPC ve ve ziding zawk nih inchuhin an intibuai a, chuvangin in thubuai hi chinfel a nih hma chu a khawi lam ve ve pawhin Office leh Book Stall hi in luah theih loh turin ka khar (kalh) dawn, a ti a, Office leh Book Stall te chu a kalhsak ta a.

            North Mizoram District UPC Head Quarter biak in mawi tak maia sak, an chhuan em em \hin pawh chu, Rev. R.Thangliana chuan District Superintendent a nihna Letter Head ngeia ziakin, Dt. 8 September 1995 chuan “UPC Headquarters biak in hi in kalh loh chuan buaina chhuakin, thisen hialte pawh a chhuah a hlauhawm,” tiin kalh turin Aizawl D.C. ah ngenna a siam ta a. Rev. Thangliana ngenna ang chuan Aizawl D.C chuan Police  tirin, Dt. 8 September, 1995 zan dar 8:00 ah chuan Headquarters biak in chu an kalh ta a; chumi rual chuan District Office leh Book Stall leh P.G High School  te chu Police te chuan an kalh nghal ta bawk a.            

    

District Superintendent Quarters, Tuikhuahtlang a mi chu a luahtu ber Rev. Saihnuna, Dt. 1 August, 1995 ah pension-a a kal tak avangin a ruak ta a. Rev. Chhunglawma lam North Mizoram UPC chuan, “District Superintendent Quarters a ni a, kan luah tur a ni,” tiin Rev Chhunglawman chu luahluhtir an tum a. District Superintendent Quartesr luah an tum chu Aizawl D.C hnenah Rev. R.Thangliana chuan, “Rev Chhunglawma’n District Superintendent Quarters hi a luah chuan buaina lian zawk a chhuah a hlauhawm a, min kalh sak mai rawh,” tiin ngenna a siam leh ta a. Aizawl D.C chuan Rev. R.Thangliana ngenna angin District Superintendent Quarters chu Dt.14 September, 1995 ah a kalh ta a.

Dt.19 September, 1995 ah chuan Rev. R.Thangliana hote chuan Aizawl D.C thupeka District Superintendent Quarters an kalh chu chhu hawngin, Rev R.Thangliana bungrua chu thiar lutin luahtir an tum leh lawi si a. Chu chu Rev. Chhunglawma lamte chuan Rev R.Thangliana bungrua chu pawnah theh chhuah sakin, Rev Chhunglawma kha luahtir an tum ve leh ta a, chu chu Aizawl D.C. in lo hriain District Superintendent Quarters chu a kalh sak leh ta a. Court lamah Office leh Pastor Quarters leh biak in te chu an inchuh zui ta zel a, buaina chu a sosang ta hle mai a.

            Rev. R.Thangliana  leh Rev. Chhunglawma te chu Dt. 20 September, 1995 zanah chuan NEI UPC Headquarter Pastor H.Lalbiakkunga Quarter-ah chuan inbiain, “Court-in thubuai hi a rem fel hma chu mahni luah lai ve ve hi tidanglam lovin luah ve ve ila, a khawi lam ve ve pawh Court thutlukna awm hma chu intibuai tawh lo vang,” an inti ta a. Office leh Pastor Quarter leh biak In lo kalh laklawh tawh tih loh chu anmahni lam luah ve ve chu Court-in thutawp a siam hma chu luah turin an inremsiam ta a.

Hetianga Rev. R.Thangliana leh Rev. Chhunglawma te \awngkama an inremsiamna chu Rev. Chhunglawma leh a pawlte chuan rinawm taka an zawm laiin, Rev. R.Thangliana chuan Rev.Chhunglawma lam an tamna biak in leh Pastor Quarters te chu Aizawl D.C ah report thehlutin Police an kalh tir ta zel a.      Mizorama UPC biak in leh Pastor Quarters leh Office kalh thu-ah hian Mizoram UPC, Upa K.Zoramthanga kaihhruaite hian mawhphurhna an nei lo hle a. 1994 kuma Aizawl East District UPC a pian laia biak in leh Pastor Quarters inkalh sak vak vak hun lai kha NEI UPC ve ve inbeih buaina liau liau a ni a, Mizoram UPC a tel ve lo.

            Kum 1995 North Mizoram District-a Rev. Chhunglawma lam\ang leh Rev. R.Thangliana lam\ang te an intibuai a, Office leh Pastor Quarters leh biak in te an inkalhsak rup rup lai kha NEI UPC ve ve intibuai an ni leh a. Khatih lai khan Mizoram UPC hian telna reng a nei lo bawk.

Amaherawhchu Rev. Chhunglawma lam\ang te, Mizoram UPC nen ni 20 September,1995 a\anga an thawhho tak hnuah khan, an thubuai kal laklawh tawh kha Rev. Chhunglawma ho khan an titawp ta bik lo va; chuvang chuan Mizoram U.P.C leh N.E.I  U.P.C te hi biak In inchuh angin an lang  leh hnuhnawh ta mai zawk a ni. A nihna takah chuan Office leh Pastor Quarter leh biak In inchuhnaah hian Mizoram UPC hming ngat hi chuan thubuai  ziah luh a ni lo (Rev. R Thangliana & Ors., Kohhran Chanchin UPCI, p.157). Rev. R.Thangliana lam te report dungzui a North Mizoram District chhunga biak in leh Pastor Quarters hengte hi kalh an ni:

                Headquarters, Bungkawn, Chaltlang, Saikhamakawn, Sialsuk, Ramhlun South, Chanmari, Dinthar, Chawlhhmun, Govement Complex, Sakawrtuichhun, Luangmual Vengthar (Zonuam ni ta),  Phungchawng, Sairang, Lengpui, Lengte, Durtlang mel 5, Durtlang Ramthar, Tuikual, Kolasib Venglai,  Saidan, Bilkhawthlir Dawrveng, Bilkhawthlir Kualmawi, Vairengte Venglai, Buhchang, Bairabi Hqrs, Kolasib |umpui, Reiek, Gosen Ramthar, Saipum.

             North Mizoram District chhunga biak in kalh hi 30 chiah a ni. Dinthar bial Pastor Quarters, Vairengte Pastor Quarters, Kolasib Pastor Quarters, Bilkhawthlir Pastor Quarters, Lengpui Pastor Quarters te kalh an ni bawk.North Mizoram District huam chhunga Office leh Pastor Quarters leh biak in  kalh thua mawhphurtu ber chu Rev. R.Thangliana a ni.                      

UPC thubuai chhuichianna

            UPC in Court-a thubuai a neih \an dan chu hetiang hi a ni: Khatia Rev. Saihnuna kaihhruai North Mizoram District UPC, kum sawmli zet lungrual taka kal mup mup \hin, 1994 District hruaitu thlana tling zo ta loten District thar hmanhmawh takin an dil a, North Mizoram District UPC hawlh phel phawk a, Aizawl East District UPC a lo pian tak hnuah khan, chawplehchilh taka District ramri, NEI UPC Executive Board-in an sawn chhen kha, Rev. Saihnuna kaihhruai North Mizoram District te chuan ngaithei lovin, NEI UPC thawhpuina titawp a, International UPC, USA a mite zawm tho si a din hran an tum takah khan, Office leh Quarters leh biak in leh kohhran buangrua kha NEI UPC in an chuhbuai theih loh dan an ngaihtuah ta a.

            Dt. 17-25 May, 1994 ah Rev. Saihnuna kaihhruai District Board \hukhawm chuan, NEI UPC hi The Society Registration Act xxi of 1860 No 100 of 1968-1969, Dt. 26th March 1969 Shillong, Assam  hnuaia in-register an ni a, he an in-register na hian Mizoram State a huam tel tawh lo va, chuvangin Mizoram sawrkarah ‘North Mizoram District UPC’ tiin Firms & Society hnuaiah in-register ila, NEI UPC hruaitute hian kan Office leh Quarters leh biak in te leh kan bungrua reng reng hi min chuhbuai thei dawn lo a ni, an ti a. Mizoram sawrkarah chuan a hrana ding turin in-register chu an dil ta a. Mizoram sawrkar pawh chuan a lo remti a, an registration number pawh hetiang hi a ni No.S.R58/94.MZ-RFS of 1994 dt 23rd May, 1994 a ni.

            Rev. Saihnuna kaihhruai North Mizoram District UPC te chuan sawrkara an in-register na chu Dt. 23 May 1994 tlai 4:30 ah registration fee, Treasury Challan No.1035/A dt. 23 May 1994 niin `. 50/- pe fel thlapin an la chhuak ta a. Chutianga registration te an tihfel thlap hnu chuan Dt. 25 May, 1994 zanah Headquarter biak inah Aizawl khawpui chhung kohhran hrang hrangte punin, inkhawmna urhsun tak an buatsaih a. Chumi zan chuan NEI UPC zawmna titawpa North Mizoram District UPC a an din hran tak thu chu Rev. R.Thangliana, khatih laia District Secretary chuan a puang ta a. Hemi zan hian AIR Aizawlah Rev. Saihnuna kaihhruai North Mizoram District UPC in NEI UPC a zawmna titawp a, anmahnia an din hran tak thu hi Rev. R.Thangliana chuan a puantir bawk a.

NEI UPC hruaituten dan leh hrai pawh ngaihtuah lo va an duh duha North Mizoram District UPC ching let kuala ngaitu leh, NEI UPC General Superintendent Rev. K.Satinvela’n, 1994 North Mizoram District UPC hruaitu thlannaa tling lote tana Aizawl East District thar hawn sak tura a ngaihtuah pui dan leh a thiltih kual dan ning hrim hrim, UPC mipui hmun hrang hranga awm te chuan, NEI UPC zawm lo va UPC nih dan a lo awm ta chu an lawm em em mai a.

            Rev. Saihnuna kaihhruai North Mizoram District UPC te chuan, NEI UPC, Assam sawrkar hnuaia an lo in-register na te chu an lo vawng nung reng em?  Kan buangruate hi min rawn chuh buai dawn ta se kan him em? tiin, Shillong lamah Rev. Vanlalsipaia chu a zan a zanin an tir thla a, NEI UPC lah chuan Assam sawrkara 1969 kuma an lo in-registered na, kum tina tihnun thar ziah tur chu an lo tinung chhunzawm hauh lo mai a. Chuvang chuan Rev. Saihnuna kaihhruaite chuan an buangrua lak sawn theih leh lak sawn theih loh te chu Mizoram sawrkara an in-registerna hmang chuan an humhim thei dawn hian an hria a, an hlim em em mai a.

            Rev. Saihnuna kaihhruai North Mizoram District UPC in NEI UPC zawmna titawpa anmahni kea  an din hran thu AIR Aizawla an puan chu NEI UPC hruaitu, Shillong lam pawh chuan lo hre ve nghalin, General Superintendent Rev. K.Satinvela leh General Treasurer Rev. Ellic Hnehzova te chu Aizawlah an lo chho ve nghal a (Hetih hun lai hian NEI UPC General Headquarters hi Shillongah a la awm).

            Dt. 29 May, 1994 zanah chuan Rev. K.Satinvela chuan Rev. Saihnuna kaihhruai North Mizoram District UPC chu, “UPC hming an pu ve thei lo,” tiin AIR ah a puantir ve ta bawk a. UPC inti ve ve chu an inep ta ut mai a ni. Rev. K.Satinvela hian Court lamah kal tumin Ukil atan Saingura Sailo leh Sam Joseph-a a be fel nghal a. Aizawl D.C. Court-ah Rev. Saihnuna leh a kaihhruai te khinna tur chu a buaipui ta char char a.

            Rev. K.Satinvelan North Mizoram District UPC-in an bungrua humhim tuma an lo in-register na te chu \hiahsak leh tuma Court lama beih a tum tih North Mizoram District UPC hruaituten an lo hriat khan, an bungrua an rawn chuhbuai theih loh nan ADM (J) Lala Khobung hnenah Exparte Order an lo dil ve bawk a.

ADM (J) Lala Khobung chuan North Mizoram District UPC te chu an bungrua an lo humhim lawkna turin Cr P.C Section 144 tlawhchhanin order (Exparte Order) chu Dt. 3 June, 1994 ah chuan a pe ta a. Hetianga ADM (J) in North Mizoram District UPC te lo humna dan a lo pek tak si-ah chuan NEI UPC General Superintendent Rev. K.Satinvela pawh chuan a thuneihna hmang chuan engmah a ti thei ta bik lo va.

Rev. K.Satinvela chuan a aiawha Court lama hma lo la chhunzawm turin Rev. R.Lalrinsanga, Aizawl East District Superintendent chu a ruat ta a. Rev. R.Lalrinsanga chuan kum tam tak rawng a lo bawlpui tawh Rev. Saihnuna leh a kaihhruai North Mizoram District UPC te khinna chu Ukil atan Saingura Sailo leh Sam Joseph-a ruaiin SDM (J) Pu Saingura Sailo Court ahDt. 13 June, 1994 ni chuan a thehlut ta a.

            North Mizoram District UPC ten ADM (J) Lala Khobung hnena  order (Exparte Order) an lo lak kha chu thla hnih khat chauh lo inhumhimna tura lo dil lawkna mai a ni a. Court-a unaute khing zawnga thubuai va thehluh nen chuan a inang lo va. UPC leh UPC Court-a inkhing tura thubuai theh lut hmasa bertu chu Rev. R.Lalrinsanga hi a ni.

            Rev. Saihnuna kaihhruai North Mizoram District UPC te inlakhran dan kha International UPC zawm tho sia inlakhran tum kha an ni a. International UPC a Foreign Mission Director Rev. Harry E.Scism-a’n a lo hriat khan a lo phal hauh si lo va. Dt. 7 July, 1994 ah chuan Rev. Saihnuna kaihhruai North Mizoram District UPC te chu NEI UPC ah an lut leh ta a. Mizoram sawrkar hnuaia an lo in- register na pawh chu Dt. 22 September 1994 ah chuan tihtawp (cancelled) a lo ni leh ta a. Rev. R.Lalrinsanga pawh chuan Dt. 25 September, 1995 ah chuan a thubuai thehluh chu a titawp (withdraw) ta bawk a. NEI UPC leh North Mizoram District UPC Court-a inkhinna thubuai chu a tawp ta rih a.

Biak in kalh leh Court-a thubuai neih

leh dan leh a kal zel dan

            Rev. Saihnuna kaihhruai ten ‘North Mizoram District UPC’ tia an inlahrang ta kha Aizawl East District area chhunga kohhran hrang eng emaw zat khan an lo zawm hman a, Rev. Saihnuna kaihhruai te kha NEI UPC ah an lut leh ta  si a,  Aizawl East District chhunga tualchhung Kohhran hrang hrangte khan Rev. R.Lalrinsanga kaihhruai Aizawl East District kal tlang lo chuan NEI UPC kha an zawm ve thei ta si lo va, North Mizoram Distirct UPC Rev. Saihnuna ho inlahrangte an lo zui lawk chhung khan an biak In kha Rev. Lalrinsanga’n a lo kalhsak hman si a.

 Chung tualchhung kohhran hrang hrangte chuan, hah taka biak in an lo sak kalhsaktu Rev. R.Lalrinsanga hnuaia NEI UPC nih leh ai chuan, tualchhung kohhran mala din hran mai a, Local system-a awm chu an sawi mawi ta a. Chung tualchhung kohhrante chuan an biak in kha NEI UPC-in an chuhbuai hlauvin, “Kan biak in hi NEI UPC kutah hlanna kan la nei lo va, chuvangin a  LSC thlengin kan la kawl vek a, kan tualchhung kohhran biak in a nih thu hi Court hian min puan chian sak rawh se,” tiin SDM (J) Saingura Sailo Court-ah Dt. 12 December, 1994 ah case an theh lut ve ta a. Chung biak in humhim sak tura tura tualchhung kohhran Court-a case thehlut te chu:

1.   Upa P.C.Laltluanga  : T.S No.1/94 - College Veng Biak In

2.   Upa R Thangpuia     : T.S No.2/94 - Bethlehem Vengthlang biak in

3.   Upa Nghakliana        : T.S  No 3/94 -  ITI Veng biak in

4.   Upa Sangliana         :  T.S No 4/94 - Zemabawk ‘N’ biak in

5.   Upa  Lalhmingthanga :     T.S No.5/94 - Armed Veng’S’ biak in

6.   Upa Z Lalzidinga        :     T.S No 6/94  - Bazar Veng biak in

            Rev. Chhunglawma, District Superintendent chuan North Mizoram District UPC Office leh Pastor Quarters te chu humhim sak turin Saingura Sailo Court-ah an thehlut ve ta bawk a An Case No. chu T.S No.2/96 a ni. Tin, heng tualchhung kohhran parukte leh Rev.Chhunglawma te hian Ukil atan Pu R.C.Thanga leh Pu Lalramzauva an hmang a, an case chu  Dt. 12 January, 1995 ah SDM (J) Pu Saingura hnenah sawi a ni ta a. SDM (J) Pu Saingura Sailo chuan tualchhung kohhran paruk te case chu “Thu tling a ni lo ve,” tiin a hnawl sak ta a. Tualchhung kohhran paruk te chu an lungawi ta lo va, ADM (J) Pu Lala Khobung hnenah chuan  an zualko (appeal)  ta a. ADM (J) chuan an appeal-na chu a lo pawmsak ta a, an lawm ta em em mai a. Amaherawhchu, he an appeal-na hi an sawi hmain Pu Lala Khobung, ADM (J) chu sawrkarin a suspend hlauh mai a, Title Suit No.1, 2, 3, 4, 5, 6 of 1994 te chu ADM (J) Pu Saingura Sailo kutah bawk chuan a lut leh ta a.

            Tualchhung kohhran parukte case hi SDM(J) Pu Saingura Sailo Court-ah chuan sawi a ni leh ta a. Ni 22 September, 1995 ah chuan Pu Saingura Sailo chuan Judgement Order chu hetiang deuh hian a tichuak leh ta a, “Tualchhung kohhran parukte hian UPC ka ni an intih ve tho avangin an thu hi Court-in lo ngaihtuah theih a ni lo,” tiin a lo hnawl sak leh ta a. Tualchhung kohhran parukte chu lungawi lovin  ADM (J) Pu F.K.Laihnuna Court-ah an appeal leh ta a. Pu F.K.Laihnuna pawh chuan, “ Pu Saingura thuremna hi tihdanglam \ulna ka hre lo,” tiin tualchhung Kohhran parukte thubuai chu Dt. 18 December, 1995-ah chuan a lo hnawl sak leh ta a.

            Tualchhung kohhran paruk ten NEI UPC hruaitute, biak in chungchanga khin an tumna chu, Court-in “Khin theihna (right) in nei lo,” tia a lo hnawlna changchawiin, Aizawl khawpui chhunga biak in paruk, Rev. R.Lalrinsanga’n, “Kalh a nih loh chuan buaina a chhuak dawn,” tia biak in a lo kalhtir tawhte chu, “Krismas hman nan min hawn sak rawh u,” tiin a dil letling ta daih a. Rev. Lalrinsanga dil ang chuan Aizawl D.C chuan ni 20 December, 1995 ah chuan biak in parukte chu luah phalna a pe chhuak leh ta a.

            Ramhlun Vengthar biak in chu 1994 kum khan kalh a ni a. Court lamah thubuai engmah ziah luh a ni lem lo va. Chuvangin, 1995 a Mizoram UPC a lo din khan Ramhlun Vengthar Kohhran hote chuan, an  biak in nen Mizoram UPC zawm an duh avangin, an biak in LSC pawh “UPC OF MIZORAM” tiin a thlak fel vek nghe nghe a ni. Nimahsela, Rev. Lalrinsanga aiawhin Pastor H.Dingliana chuan sawrkara kalh sak tura a dil angin Police te chuan Ramhlun Vengthar UPC biak in pawh chu an kalh sak leh tak tho avangin, an biak in a nihna puan chhuah sak turin SDM (J) Pu Saingura Sailo Court-ah ni 19 September, 1995-ah Upa Thanhlira, an kohhran Chairman hmingin an thehlut a, an case No. pawh Title Suit No. 5 of 1995 a ni. Ramhlun Vengthar biak in hi a hranpa nalha kalh a ni a, a chunga kan sawi Title Suit 1, 2, 3, 4, 5, 6 of 1994 zingah khian a tel ve lo a ni.

Ramhlun Vengtharah Jubilee lung

chhut chhiat a ni

            Ramhlun Vengthar Kohhranho hian 1995 kum khan UPC kum sawmngana (Jubilee) lawm turin an inbuatsaih a, NEI UPC Ramhlun Venga awmte chuan Ramhlun Vengthar biak in kalh lai hungchhungah chuan Jubilee lung phun an tum tlat mai a; Mizoram UPC zawm duh lamte chuan an phal bawk si lo va; NEI UPC zawm duh lamte chuan Jubilee lung phun tur chu biak in hungchhungah an zawn lut lui a, chu chu Mizoram UPC zawm duh lamte khan ngaithei lovin, “Kan biak in tualah nangni lungphun kan phal lo,” an ti ve bawk si a; NEI UPC lam khan phun luih an tum tlat bawk si a. Dt. 19 September 1995 zan dar 10:00 ah khan Jubilee lungphun tura an dah chu Mizoram UPC zawm duh lamte chuan an chhu keh ta vek mai a.

            A tuk ni 20 September, 1995 ah chuan NEI UPC Pastor K.Ropara, Aizawl East District UPC Secretary thawk lai chuan, “Kan sakhaw thil min tihchhiat sak,” tiin Cr.PC dan tlawhchhanin Magistrate hnenah thubuai a theh lut ta a; sakhaw thil tihchiat chu tualthat case ang hiala rip a lo ni si a.

Magistrate chuan Bawngkawn Police Station a duty Police te chu Ramhlun Vengthar Mizoram UPC Jubilee lung chhuchhetute chu man a, Bawngkawn Police Thana a dah turin a hriattir ta mai a. Bawngkawn Police te chuan Ramhlun Vengthar Upa Lalrema chu va man an tum a, Upa Lalrema lah chuan, “Kan biak in humhim nan chuan thih ka huam asin,” tiin Police te chu insualpuiah a lo cho ta a. Police te chuan dawhthei takin thil awmzia an hrilhfiah a, Ramhlun Vengthar Kohhran Chairman, Upa Thanhlira ho chuan Jubilee lung chhuchhetua an ngaih zawng zawngte chu Bawngkawn Thana a dah turin an hruai thei ta hram a. Upa Thanhlira chuan Pastor K.Ropara thiltih dan chu an hrechiang a, “NEI UPC lam pawhin kan biak in kalha mi thutthlengsei an pu chhuak ru ve tho,” tiin Magistrate-ah FIR a thehlut ve leh a; mahse Bawngkawn Police te chuan, “In thubuai hi a kal zel loh nan tlawm zawk in awm a ngai, inberem rawh u,” tiin an lo ngen chiam a.

Dt. 23 September, 1995 chuan NEI UPC Upa Lalduha Bawngkawn Inah chuan Mizoram UPC leh NEI UPC te chu inbiakna an nei ta a. Mizoram UPC Pastor H.Vanlaltlana chuan, “Kan thiam lo a ni e; in lung kan chhutchhiat man hi `. 4200/- (sangli zahnih) kan chawi ang a, inremna i siam ang u,” a ti a, inremna chu a siampui thei ta a. Mizoram UPC Ramhlun Vengthar Upate erawh chu an Pastor-in tlawm zawk a chuh chu an thinur hle a. “NEI UPC te hian biak in \hutthleng an ruk chhuah man hi chawi ve rawh se,” an ti a. Pastor H.Vanlaltlana chuan, “Chutiang te kan tih ve zelin anmahni sual kan tih ang tho kha kan ni ang asin,” a ti ta tlat a, Jubilee lung chhutchhiat thubuai chu a reh ta a.

 Inven nan biak in an \hiat

            Aizawl East District chhung bik biak in inchuh thubuai kan sawi lai hian han kir leh lawk i la. Khatia 1994 kuma Aizawl East District UPC a lo pian tirh khan, Pastor Quarters leh biak in te kha eng emaw zat kalh an ni a, mahse chung biak in te chu kalh ni mahse Court-a case siam kher loh te an ni hlawm a, inbiakremnaa hawn leh te a awm nual bawk a. Champhai Zote te, Diltlang te, Khawzawl Harmon te, Lianpui khua te chu an biak in chu an kalh sak hmain an lo \hiat a, NEI UPC an chhuahsan hnuah an sa \ha leh a. Chu chu Aizawl East District hruaituten Champhai Sub-Divisional Magistrate Pu S.Kumaraswamy, IAS hnenah a thlen ta a. Sub-Divisional Magistrate chuan CrPC Section 144/973, Act No.2 of 1974 tlawhchhanin Dt. 30 March 1995 khan Champhai District chhunga biak in thiah phal lohna order a tichhuak ta nghe nghe a ni.

Pastor, Tirkoh leh Upate Lung Inah an tang

Lungtan khua leh Tlangpui khua te chuan an zavaia Mizoram UPC zawm an tum a; chu thu chu NEI UPC te chuan lo hriain, NEI.UPC lama an awm loh chuan an biak in kalh sak turin Rev. R.Lalrinsanga chuan a aiawhin Pastor H.Biaksanga, Pastor K.Hrangvunga, Pastor H.L.Dawngliana te chu Ni 19 May, 1995 ah chuan a tir chhuak a. Anniho hian Dt.20 May (Pathianni) 1995 chu Lungtanah chamin, Lungtan Kohhran chu Mizoram UPC an zawm chuan an biak in kalh sak turin an vau chiam a. Mahse, Lungtan Upa leh Tirhkoh te chu Mizoram UPC Mission Khawmpui hmasa ber hmangin Khawzawlah an lo kal daih si a. Lungtana Kohhranho lo awm te chuan, “Kan hotute thu lo chuan thutlukna kan siam thei lo,” an lo ti a. Chu thu chu huain, NEI UPC Pastor te chuan Khawzawl Police-ah biak in kalh sak turin an ngen ta a, Khawzawl Police te chuan Lungtan biak in chu an kalh sak a, Tlangpui biak in chu an kalh ta em lo va.

Lungtan Tirhkoh P.C.Lalparliana leh Upa te, Khawzawla Mizoram UPC Mission Khawmpui kal an va hawn chuan an biak in chu Police-in an lo kalh an va hmu chu an thinlung a na hle mai a; \ha taka inbiak pawh awm lo leh, an Khawmpui hawng pawh nghak hman lo va buaina engmah awm bawk si lo va NEI UPC Pastor ten an biak in an kalh sak ngawt mai chu ngaihtuah turin Dt. 21 May, 1995 zan chuan Lungtan UPC chuan committee neiin, an biak in dan lo va NEI UPC in an lo kalh sak chu “Hawn leh phawta inkhawm ni se,” tih chu an rel ta a.

Lungtan UPC ten an biak in an luah leh tih chu Rev. R.Lalrinsanga’n lo hriain, Champhai Judicial Magistrate Pu Vanlalmawia, hnenah chuan a zualko leh ta a. Magistrate Pu Vanlalmawia chuan Khawzawl Police te chu tirin, Dt.15 June, 1995 chuan Tirhkoh P.C Parliana chu Lungtan biak in kalhna tala chhu thla a biak in hawngtuah puhin a man ta a. Champhai ADM (J) Pu Vanlalmawia hnenah an thawn chho ta a. Champhai ADM (J) Pu Vanlalmawia chuan, “Sakhuana kawnga buaina siamtu, buaina engmah awm lo va mi sakhaw biak in kalh sak ngawttu NEI UPC Pastor te chu case engmah siam si lovin a leh a ling a vuttuithlawr bel an tih ang maiin, biak ina \ha taka inkhawm theihna tura hma latu zawk Tirhkoh P.C.Parliana chu sakhaw thila buaina siamtua puhin IPC No.295 tlawhchhanin thubuai siamsakin Champhai Jail-ah a khung ta hmiah mai a.

            Tirhkoh P.C.Parliana chu Zote Upa K.Zoramthanga ten Dt. 18 June, 1995 (Thawh\anni) in bail-in an la chhuak ta hram a. Jail a\anga a chhuah hnu hian thla tin Champhaiah Magistrate-ah an in-report tir ziah a. 1997 khan a case chu an tihtawp sak ta a. Tirhkoh P.C.Parliana Jail tang hi Champhai Mizoram UPC |anpuitu Hmeichhe Pawl (LAD) ten an tlawh \hin a, Jail bang awngah chauh lo chuan an inhmu thei si lo, an in\ahkhum \hin a ni awm e. Hetih hun lai vela Mizoram UPC te buaina kara an inhmangaih dan hi sawi thiam pawh a ni lo ve.

Kum 1995 March thla khan Khawbung ‘S’ biak ina lawite chu Aizawl East District UPC zawm harsa ti lam kha an ni a. Chu chu huain Rev. R.Lalrinsanga thu angin Pastor Lalzuia chuan Champhai ADM (J) Pu Vanlalmawia hnenah, Khawbung ‘S’ biak in hi kalh a nih loh chuan buaina lian zawk a chhuak ang,” tiin a report a. Pu Vanlalmawia, ADM(J) chuan Khawbung biak In chu Police te tirin a kalhsak leh ta a. Chu chu duh lovin Evan. F.Lalnghakliana leh Upa Malsawma te chuan biak In kalhna tala chu vawthlain an inkhawm lui ta a. Chu thu chu ADM (J) Pu Vanlalmawia hnenah an report leh ta a. Pu Vanlalmawia ADM(J) chuan Police tirin Evan. F Lalnghakliana leh Upa Malsawma leh Pastor Damchungnunga te chu an man a, Champhai Thanaah zan khat an riahtir hnuah, “Jail-a tan nge `.1000/- (Sangkhat) chawi in duh?” Pu Vanlalmawia chuan a ti a. Jail-a tan ai chuan `. 1000/- (Cheng sangkhat) \heuh an chawi ta diat diat a, an chhuak ta a. NEI UPC Pastor Lalzuia ngenna ang chuan Khawbung UPC biak in chu kalh a ni zui ta tho tho va.

Inkhawm chhawk

Aizawl East District leh North Mizoram District UPC huam chhunga biak in leh District Office inchuh thubuai tualchhung kohhrante leh Rev. Chhunglawma North Mizoram District Superintendent ten ADM (J) a an thehluh chu  hnawl sak an nih mai bakah, NEI UPC luah tura Aizawl D.C in  an hawn sak zui  chu hrethiam lovin,1996 January thla tirah chuan Rev. Chhunglawma leh Upa Laldawngliana, Chaltlang te chu Gauhati High Court-ah appeal leh turin an kal leh ta a. Rev. Chhunglawma te hian Ukil atan Mr. A.K.Phukan, Senior Advocate leh Mr.  S.S.Dey leh Mr. Nath, Advocate te an ruai ta a. NEI UPC lamin Ukil an rawihte chu M.r N.M.Lahari leh Mr M.Z Ahmed leh Ms. B.Dutta te an ni. Gauhati High Court-ah chuan Ni 12 January, 1996 ah chuan thubuai chu sawi a ni leh ta a.

         Gauhati High Court chuan Judgement Order chu ni 28 February, 1996 ah chuan hetiang hian a tichhuak a. “Title Suit No. 1, 2, 3, 4, 5, 6 thehluttute hian an thiamthu sawi turin dikna (rigths) an nei a, chuvangin Trial Court ADM (J) ah ni 25 March, 1996 hmain biak in chungchanga an thiamthu sawina chu lehkhain an thehlut leh ang a, ADM (J) pawhin an thiam thu hi \ha takin a lo ngaihtuah sak tur a ni. Tin, biak in hi Court thutlukna fel tak a awm hma chu NEI UPC te leh tualchhung kohhrante hi an inkhawm chhawk tur a ni a. Chutianga an inkhawm chhawk dan tur chu Aizawl D.C hovin an lo rel fel tur a ni,” tiin.

High Court thutlukna bawhzuiin Aizawl D.C chuan Dt. 25 March, 1996 ah chuan D.C Office ah tualchhung kohhran parukte aiawh Upa te \heuh leh NEI UPC hruaitute chu D.C chuan a ko khawm ta a. Aizawl D.C ho chuan inkhawm chhawk dan tur chu an sawiho dawn emaw an tih laiin, NEI UPC hotute chuan, “High Court thuremna anga inkhawm chhawk ai chuan biak in hi kalh leh ni rawh se,” tiin D.C chu an nawr leh ta a. Mahse, D.C chuan, “High Court thuremna kalh zawng chuan ka kal thei lo; in duh emaw duh lo emaw in inkhawm chhawk tur a ni,” a ti ta tlat a. D.C chuan SDM (J) Saingura Sailo chu inkhawm chhawkna tur Order chu a chhuahtir ta tho va.

            Inkhawm chhawk dan tur chu hetiang hi a ni: NEI UPC in Inrinni zan a\anga Pathianni thleng, tualchhung kohhran lamin Thawh\an a\anga Zirtawp thleng. Kartin inkhawm dan hi thlak thleng kual tur a ni ang a, Dt. 3 April, 1996 a\anga hman \an tur a ni ang,” tiin. ADM (J) Saingura Sailo order chhuah ang chuan thubuai rem fel hma chuan tualchhung kohhranho leh NEI UPC te chu an inkhawm chhawk dawn emaw an tih laiin, NEI UPC hruaitute chuan High Court thuremna chu  bawhchhe turin an \halai rual an fuihpawrh leh ta a.

Tualchhung kohhrante an inkhawm ve hun Dt. 3 April, 1996 (Nilai) zanah chuan NEI UPC \halai rual te chuan inpun khawmin, “Kan biak In kan veng dawn,” an ti a, tualchhung kohhran inkhawm tur te chu an lo dang buai ta a, chu chu Aizawl D.C chuan lo hriain, Dt. 4 April, 1996 (Ningani) zanah NEI UPC \halai te chu High Court thuremna zah lo leh bawhchhia (Contempt of Court) tiin Police a mantir ta a

NEI UPC hruaitute chuan chu chu \anchhanah hmang letin, Pastor H.Dingliana hovin \halai rual tam tawk inpun khawmin Aizawl Thana an hual ta chiam mai a.  Chutianga buaina an siam leh tak chiamah chuan, “Biak inah buaina a chhuak, biak in hi in kalh leh loh chuan thisen a chhuak ang,” tiin D.C an vau va. Chutianga biak in kalh leh ngiata NEI UPC ten buaina an siam tak zel avang chuan Bethlehem Vengthlang biak in te, College Veng biak in te, ITI Veng biak in te,  Armed  Veng ‘S’ biak in te, Bazar Veng biak in te chu kalh a ni leh ta a.

          Zemabawk North biak in erawh chu kalh a la ni lo va, a chhan chu tualchhung kohhran te khan an inkhawm hunah NEI UPC ten tihbuai an tum tih hriain an inkhawm duh tlat lo mai a. Chuvang chuan NEI UPC buaina siama biak in kalh an tum chu an kalhtir lawk thei lo va. Hetih lai hian D.C chuan NEI UPC thiltih dan chu High Court zah lohnaah ngaiin Zemabawk Kohhran te chu, “Inkhawm tum u la, in inkhawm tum an lo tibuai che u a nih chuan ziakin a tibuaitute chu an hming rawn chhinchhiah ula, min rawn pe ula,  Jail-ah ka khung vek dawn nia,” tiin Order a siam ta hial a.

           Zemabawk North Kohhrante chuan Dt. 5 April, 1996 Good Friday chu an biak inah hman ve tumin an inbuatsaih a. Vawk talhin ruai siam te an tum a; nimahsela, Dt. 5 April, 1996 Good Friday zing kar a\ang chuan NEI UPC hotute chuan Aizawl Veng hrang hranga an \halai rual te chu chah khawm lehin, Zemabawk North biak in tual leh a chhehvelah chuan an  khat ta tlat mai a, zurui lah an tam, an tum ber chu biak in kalhtir a ni a.

NEI UPC hruaituten buaina siam tuma Zemabawk ‘N’ biak in tuala \halai an pun khawm chu Bawngkawn SDPO Pu Mawitea chuan lo hriain, Aizawl D.C Order, “Inkhawm tihbuai tumtute chu man tur,” tih thu chu kenkawh tumin, Police Van dum lianpui pahnih lai khat tlatin Police a tir a; pawikhawih chaka tuihal hmel tak tak, NEI UPC \halai, biak in tuala  za em em ho chu an veng ta tawp mai a. Zing dar 9:40  ah chuan Pastor H.Vanlaltlana te nupa chu inkhawm turin an zu kal a. Gate luh dawnah Pastor H.Biaksanga leh Pastor K.Ropara te chuan, “Hei, \halai rual hi i hmu em?” an ti a, Pastor H.Vanlaltlana chuan, “Hmu e,” a ti a.

            Pastor H.Vanlaltlana te biak in luh tum chu NEI.UPC \halai chuan, “In lo luh chuan kan lo pawt sawm vek ang che u,” tiin an lo vau ta chiam chiam mai a. Pastor H.Vanlaltlana tihngaihna hre lo chuan “Unaute u, Pathian hnenah ka’n \awng\ai phawt mai ang e,” a ti a. Gate buala dingin a \awng\ai zui ta a. Pastor H. Vanlaltlana a \awng\ai veleh hian NEI.UPC \halai rualte chuan “Pawlchhuak \awng\aiah tumah maimitchin loh tur,” an ti a, a \awng\ai lai te chu an lo aunawmnah vel chiam a.

            Pastor H.Vanlaltlana lah chu a \awng\ai tui tual tual mai si a, a \awng\ai zawh chuan Bawngkawn SDPO Pu mawitea chuan NEI.UPC Pastor Zemabawk bialtu chu kovin heti hian a chhuahchhal ta a. “Pastor Biaksang, buaina siam tura eng vangin nge \halai rual i pun khawm chiam ni? Tun a\anga minute nga chiah ka nghak ang che; heng buaina siam tuma \halai lo pung khawm te hi i hnawh darh vek lo chuan ka hote Silaiin ka kahtir dawn che,” a ti ta phiar phiar mai a.

            Chutih lai tak chuan Zemabawk VDP President Pu Vanlalmawia a lo kal a, “Pastor Biaksang, engvangin nge Zemabawk khawchhunga buaina siam tura veng dang \halai i pun khawm? Zemabawk nula tlangval nen inbeih i cho em ni?” a rawn ti bawk a. Chutih lai tak chuan NEI UPC \halai zinga zurui zet mai hian, “Cho ve, insual hi ka chak a ni,” a rawn ti a. Chuveleh Police te chuan insual chak tlangval chu an man lawk a, Tang Motor-ah ah an khunglut nawk nawk a, NEI UPC \halai pung khawm chu silaia kah mai tumin an um darh ta hram a.

NEI UPC \halai Police ten an man chu Bawngkawn Thanaah an tantir a; chu chu, “In chhuah loh chuan chaw kan ei dawn lo,” tiin NEI UPC \halai rualte chu Bawngkawn Thana bulah chuan an pung khawm leh ta a. Zemabawk North biak in pawh chu Aizawl D.C hnenah, “In kalh loh chuan thisen a chhuak ang,” tia an vau zui reng avangin D.C chuan Police te a kalhtir leh ta a.

Bawngkawn Thana a NEI UPC pung khawm leh tlangval pakhat an man pawh chu Bawngkawn Thanaah Good Friday ni nilengin an tantir a. NEI UPC \halai rual te chuan, “Kan \hianpa in chhuah hma chu Bawngkawn Thana bulah hian chawngheiin kan \hu dawn,” an ti a; an hotute nen chuan Good Friday pawh chu an hmang mumal thei ta lo va. Tlai lamah chuan NEI UPC tlangval zurui biak in kalhtir tumpa chu an chhuah sak ta hram a. NEI UPC Zemabawk Pastor Biaksanga leh a Upa te ho, buaina chawk chhuaktua ngaih te chu a tuk Dt. 6 April, 1996 (Inrinni) zing dar 7:00 ah Bawngkawn Thanaah in-report leh tura hriattir an ni ta a.

            Aizawl D.C in High Court thupek anga biak ina inkhawm chhawk tura Order a siam bawhchhetu NEI UPC Pastor Biaksanga leh Upa ho te chu Dt. 6 April 1996 (Inrinni) zing dar 7:00 a Bawngkawn Thanaa in-report tura an va kal chu Cout zah lohna (Contempt of Court) case siamsakin Central Jail- ah an thawn thla ta daih mai a. NEI UPC hotute mangangin an zu um zui chuan Jail-ah an lo dah lut hman tawh si a, an tihngaihna hre lovin an \halai rual te pun khawm lehin, Home Minister Pu Lalsangzuala Bangla bulah “|hut hmuk” programme an siam leh ta a.

            Home Minister Pu Lalsangzuala hnenah chuan, “Kan Pastor Biaksanga leh kan Upa te Jail a\anga in chhuah hma chu hetah hian kan \hu khawm reng dawn,” tia vauin,  Inrinni nileng leh zankhuain an \hu tlaivar ta \hak mai a. NEI UPC ho mu hek suh, Home Minister mu thei bik hek suh, buaithlak tak a ni. Dt. 7 April, 1996 (Pathianni) tlai lamah chuan Aizawl D.C chuan Pastor Biaksanga leh a hote Jail tang chu bail-a chhuah a phalsak ta hram a. Pastor Biaksanga leh Upa ho tang, bail-a lo chhuak te chu Zemabawk Vengpui biak Inah, NEI UPC hotute buatsaihin pangpar\hi te an inawrhtir ta hial a.

(Note: Dt. 5 April, 1996 zan dar 7:00 ah Bawngkawn Thana O.C Pu Moto-a chuan he lehkhabu ziaktu hi min rawn Phone a, “Zemabawk North biak ina in inkhawm tibuaitu, D.C Order anga in Upaten an rawn report zingah khan sawrkar hnathawk an awm nual a, heng mite hi High Court Order bawhchhia a (Contempt of Court) case siamsaka Jail-a kan thawn liam dawn chuan an sawrkar hnathawh hian a tuar dawn a, sawkar hna thawkho zawng hi an hming ka lo thai chhe mai ang chu?” tiin. Kei chuan, “Lo thai chhe mai la, kan Upa te chu hrilh kher suh,” tiin ka chhang ta a ni. Sawrkar hnathawk lo zawng chu Dt. 6 April, 1996 Inrinni zingah chuan Pastor Biaksanga ho chuan Central Jail-ah chuan an liam thla ta diak a- Ziaktu)

Court thu kal zel dan

            Khatia Gauhati High Court-in, “Trial Court-in lo ngaihtuah \ha leh rawh se, thubuai te hi rem fel a nih hma chuan Aizawl D.C kutah  biak In hi lo awm se,” tia a rawn dah kha, dan ang chuan Aizawl D.C khan SDM (J) Saingura Saio kutah a dah leh mai tur a nih laiin, tualchhung kohhran thubuai thehluttute khan, “SDM (J) Saingura Sailo Court-a thubuai sawi kan duh tawh lo,” an ti ta tlat mai a.

            Aizawl D.C  chuan UPC thubuai chu Pu Rajeev Verma, IAS, SDO (Sadar) hnenah a dah ta vek mai a. Chu chu NEI UPC ten an duh lo em em a. Chumi hnuah chuan Lok adalat ah te an awm leh a, Pu Vanlalmawia Court-ah te an awm leh a. UPC thubuai hi tumahin han rem fel hi an chak vak lo va. Kum 2004 khan Pu Biakzama, Magistrate kutah an awm leh a, chuta \ang chuan Lok adalat-ah a awm leh a. Kum 2005 thleng hi chuan Court thuremna tak tak chu a la awm thei ta lo a ni. Amaherawhchu kum sawm dawn lai chhung chuan tualchhung Kohhran lo inberem a lo inremsiam ta an awm nual a, Pastor Quarters pawh insiam remte pawh a awm nual a ni. UPC thubuai neih dan hi, hlawm thuma \hen theih a ni a, hetiangin:-

1.   Tualchhung kohhran hrang hrang leh NEI.UPC General hotu ten tualchhung biak in an inchuhna.

2.   North Mizoram District UPC a phel a, a phel lehlam Rev. Chhunglawma lam leh NEI UPC General hotute Office leh biak in inchuha an inkhinna.

3.   Mizoram UPC in Mizoram sawrkarah registration an dil a, sawrkarin an pe a, chu chu NEI UPC ten duh lovin “Mizoram sawrkarin Mizoram UPC dan lovin registration pek a tum,” tiin Mizoram sawrkar an khinna te an ni. Mizoram UPC General Headquarters hming tak chuan thubuai hi ziah luh a awm lo a ni.

MIZORAM UPC INKAIHHRUAINA

DAN LEH HRAI KALPHUNG

            Mizoram UPC te hi inkhawmpui hmanga inkaihruai an ni a. An dan an inkaihhruaina (administration) pawh ban pali a sak, chhawng li a sang a ni.

1.         Chhawngkhatna chu Tualchhung Kohhran a ni a. Tualchhung Kohhrana a ban palite chu Kohhran Chairman, Kohhran Secretary, Kohhran Treasurer, Bialtu Pastor te an ni a. Heng mite rorel pui tur hian tualchhung kohhrana rawngbawlna Licence nei te leh Upa leh tual Upa te bakah, tualchhung PYD President te an ni. Tualchhung Kohhran Committee hnuaiah hian heng Department te hi an awm a.

          1)   Mission Department

          2)   Sunday School Department

          3)   Tanpuitu hmeichhe pawl (Ladies Auxiliary Department)

          4)   Pentecostal |halai pawl (Pentecostal Youth Department)

2.         Chhawnghnihna chu Bial khawmpui a ni a. Bial khawmpuia a ban palite chu Bial Chairman, Bial Secretary, Bial Treasurer, Bialtu Pastor te an ni a. Heng mite kaihhruaina hnuaiah hian Bial khawmpui chu bial chhunga thuneihna sang ber neitu a ni. Rorel thei palaite chu, Licence nei te, Upa leh Tual Upa leh bial Department hruaitute an ni. Bial khawmpui kaihhruaina hnuaiah hian Bial Board leh heng Department hrang hrangte hi an awm a.

            1) Bial Committee : Bial Committee member te chu tualchhung tina Chairman leh Secretary leh Treasurer te bakah, bial Department Chairman leh President te an ni a, LAD tel lovin. Bial Committee te hian kum hnih dan zelah bial hruaitu turte hi an thlang \hin a, Bial Chairman, Secretary, Treasurer tur chuan Bial Pastor ni lovin Upa emaw Licence nei emaw an thlang \hin.

            2) Bial Mission Department

            3) Bial Sunday School Department

            4) Bial Pentecostal \halai pawl (PYD)

            5) Bial |anpuitu hmeichhe pawl (LAD) te an ni.

3.         Chhawng thumna chu  District khawmpui a ni a. District khawmpuia a ban palite chu District Chairman, District Secretary, District Treasurer, District Superintendent te an ni. Heng mite kaihhruaina hnuaiah hian District khawmpui chu District chhunga thuneihna sang ber neitu a ni. District khawmpuia rorel thei chin palai te chu District Committee member zawng zawng te, Upa leh Tual Upa te, Licence nei te, bial Department hruaitute an ni.

            District khawmpui rorel lo bawhzui turin hengte hi an awm leh a:

1)   District Committee: Member te chu Bial Chairman, Bial Secretary, Bial Treasurer, Bial Pastor te an ni. District Committee hian kum hnih danah District hruaitu tur an thlang \hin a, Chairman leh Secretary atan Upa an thlang a,  Superintendent  leh Treasurer atan Pastor te thlan an ni \hin

2)   Sub-Pastoral Board: Member te chu Bial Committee-in an aiawh tur mi pakhat an thlan chhuah \heuh te leh District Chairman leh District Superintendent te an ni a. Anmahni zinga mi Chairman leh Secratary tur chu kum hnih dan zelah an thlang \hin a ni. District hruaitute hi part time-a thawk an ni.

4.         Chhawng lina chu General Assembly a ni. Mizoram UPC te inkaihhruaina danah chuan General Assembly hi thuneihna sang ber neitu a ni a. Chuta a ban palite chu Executive Chairman, General Superintendent, General Secretary, General Treasurer te an ni a. Anni ho hi Mizoram UPC inkaihhruaina danah hotu lu berte an nih avangin Puipate ti a koh an ni a, General Office-ah \huin, kawng engkim a hmalatu leh hruaitu an ni. An kaihhruaina hnuaiah hian kum tin December thla chawlhni vawi hnihna hmanga General Assembly hi neih \hin a ni.

General Assembly a rorel thei palai chinte chu hengte hi an ni:

1)   Puipate leh District hruaitu pali te

2)  Bialtu Pastor, Bial Chairman, Bial Secretary, Bial Treasurer

3)  General level-a Department/Board member te

4)  Tualchhung tin a\angin Kohhran member tam dan a zirin hetiang hian an aiawh palai an tir thei-

Member 100 hnuai lam tan pakhat (1)

Member 101-200 tan palai pahnih (2)

Member 201-300 tan palai pathum (3)

Member 301-400 tan palai pali (4)

Member 401-500 tan palai panga (5)

Member 501-600 tan palai paruk (6)

Member 601-700 tan palai pasarih (7)

            Hetiang zel hian kohhran tin ten Assembly palai tur hian Upa emaw Tual Upa emaw Licence nei emaw an aiawh in an tir thei a. Kohhran aiawh palaite hi kum 2004 Assembly rorelnain a phalsak angin kal man (TA) pek vek an ni tawh. Assembly rorel inkhawm hi Executive Chairman-in a kaihruai a. Revival inkhawm chu General Superintendent-in a kaihruai thung a ni. General huap hmalakna hrang hrang kengkawhtu zawk chu General Superintendent a ni a. Executive Chairman erawh chu part time an nih avangin rorel kaihhruai bak chu rorel bawhzuina kawngah a inrawlh thuk lo hle.

            General Assembly rorel lo bawhzui turin Executive Committee a awm a. Executive Committee hi Executive Chairmanin a kaihruai a, Secretary chu General Secretary a ni, Treasurer leh General Superintendent te chu Ex-Officio an ni. Executive member te chu hengte hi an ni-

1)    District Superintendent leh Chairman leh District aiawh tura an thlan chhuah mi pahnih (2) \heuh te.

2)    Executive Committee-in a bika a ruat mi pali (4) te.

3)    Puipa term tawp hnuah kum hnih member an ni thei.

4)    General huap Board Chairman \heuh te

5)    General PYD President

            Executive Committee hian kum hnih dan zelah Puipate leh General huap Board hrang hrang hruaitute thlan tharna an nei ziah a. General Puipate pawh an term a zawh chuan lungawi takin Bial Pastor-ah an awm ve leh mai \hin a ni.

                General Assembly kaihhruaina hnuaiah hian Board chi hrang hrang heng te hi an awm bawk a -

1. Financial Board

2. General Pastoral Board

3. Literature & Publication Board

4. ATI (Bible School) Board

5. Press Board

                                                           

            Assembly-in \ul a tih ang zelin Board hi a din belh thei a ni.

            Mizoram UPC te inkaihhruaina danah chuan Pastor te a nghet lo va kum thum thawhtir phawt an ni a. Kum thum hnuah General Pastoral Board leh Executive Committee ten rem an tih hnuah, General Assembly-in a nemngheh (ordained) hnu chuan a nghetin service mumal taka kalpuiin, kum 65 ah pension tura ruahman an ni a (General Office a thawktute pawh chutianga tih vek chu an ni).

            Hruaitu dangte chu part time an nih avangin kum hnih dan zela thlan \hat \hin an niin, a thlangtu member te pawh kum hnih dan zela inthlakkual \hin an niin, hotute thlangtu mi tlem te a nghetin an awm ta lo.

Mizoram UPC din chhan leh a thil tum

            Isua Krista Chanchin |ha famkim la hre lote hnena hril zela pawl din zel leh enkawl zui zel te hi a din chhan leh a thiltum bulpui a ni.

Pathian thu a pawm dan leh a kalpui dan

            Pathian lehkhabu thianghlim, Thuthlung Hlui leh Thuthlung Thar te hi Pathian thawkkhum ngei a ni a ringin, rinna tehna dik lo thei lo vah a pawm a (II Tim 3:16).

            Pathian Lehkhabu Thianghlima inziak angin, Pathian pakhat Isua Krista chauh chu Pathian awm chhun leh khawvel leh a chhunga thil siamtu a ni tih an ring a. Chu Pathian chu mihringte sualna avangin a thi a, phumin a awm a, thihna chelh hlen rual lohvin a tho leh ta a. Nungin ni sawmli khawvelah a inlar a. Vana lawn dawnin zirtirte hnenah a hminga simna thu leh sual ngaihhnathiamna thu hril turin a chah a, vanah a chho ta a. Amah ngei kha a thupek zawmtute lam turin leh a thupek zawm lotute rorelsak turin leiah hian a lo kal leh dawn tih hi an ringin an pawm a (Luka 24:36-50, TT 1:11).

            Isua Krista hnen thleng turin, sualte sim a, a ngaihdam nana Isua Krista hminga tuia hnim phuma baptisma chana, Thlarauvin a \awngtir ang zela \awnghriat loh va \awng theihna telin, Thlarau Thianghlim baptisma chan a, chumi hnuah Thlarau hruaina ang zela kal a, Bible zirtirna huang chhunga ram leh khawtlang tan thil \ha tih zel chu tih tur leh tih makmawhah a pawmin a ring tlat a ni.

            Khawvel hmasawnna leh changkan zelna hian Pathian thutak leh zirtirna leh Pathian Thlarau Thianghlim hnathawh a luah lanin a pawlh dal turah an ngai lo va, Pathian thutak leh Thlarau Thianghlim hruaina anga awm turin \hangthar bengtla lote lakah intihim turin an mite chu an zirtirin an fuih fo zawk a ni (TT 2:41)

            A chunga kan tarlan takte khi Mizoram UPC in Pathian thu a kalpui dan tlangpui te chu a ni e.

MIZORAM UPC A DARH ZEL DAN

    

Lunglei District a\anga Mizoram UPC

an zawm dan

            Kum 1995 a Lunglei District NEI UPC member neih zat chu 13000 (singkhat sangthum) laia chhut a ni a. NEI UPC buainain Lunglei District UPC hi a khawih che ve lo hle a. Chuvangin, 1995 kum hian Lunglei District chhungah Mizoram UPC ten hmalakna mumal tak a nei hman lo a ni. Amaherawhchu, Aizawlah Office te hawngin Mizoram UPC an ding thar tih thawm an lo hriat khan, unau heng te hian Aizawlah Mizoram UPC rawn zawmin rawngbawlna Licence dilin an lo kal a. Chungte chu:

1. P.C Laldawla. 2) B.Kapmawia. 3) K.Lalfamkima. 4) H.L.Ringngheta. 5) Lianchhunga. 6) Lianchhunga te an ni.  Mizoram UPC Executive Board Dt. 12-15 December, 1995 \hukhawm chuan heng mi panga te hi rawngbawl theihna Licence an dil angin a lo pe nghal a ni. Heng mite rual hian Upa Biaksanga te, Unaupa Hmingthanmawia te, Evan Lalhmingliana, Hnahthial te an lo kal tel ve a ni.

            Lunglei District-a Mizoram UPC Kohhran dinna hmasa ber chu Upa C.Lalringliana, Chawlhhmun hmalaknain Tlabung khuaah Dt. 4 December, 1995 ah din a ni. Dt. 11 December, 1995 ah Lunglei Electrict Vengah Mizoram UPC a lo ding leh a, zawi zawiin an \hang chho ta zel a, Dt. 6 January, 1996 a Mizoram UPC Puipate \hukhawm chuan Lunglei District-a hma la turin adhoc a hruaitu ni turin heng mite hi ruat an ni.

1.   Chairman                      :   B. Kapmawia

2.   Vice Chairman              :   K Lalfamkima

3.   Secretary                       :   Hmingthanmawia

4.   Assistant Secretary        :   Evan P.C Lalhmingliana

5.   Treasurer                       :   P.C Laldawla te an ni.

            Kum 1996 January ni 20 ah chuan NEI UPC Lunglei District Secretary, pension-a chhuak hlim, Rev Saithanga Sailo chuan Mizoram UPC a zawm ve leh ta a. Lunglei District Headquarters bial Pastor thawk lai Rev Rochhunga chuan Mizoram UPC a zawm ta a, Lunglei S Bial Pastor-ah dah ngheh nghal a ni a

            Mizoram UPC hruaitute chuan Lunglei District chhungah chak zawk a hmalak a nih theih beiseiin Dt. 20 January, 1996 ah chuan Lunglei Venglaia Pu Saichhunga in chu thla khatah Rs. 5000/- (sangnga) chawiin District Office tiin an luah ta rup mai a. General Office-a Accountant thawk lai Vanlalmuani Sailo leh R.Lallawmzuala, Editor te chu Lunglei District Office-a thawk turin an la phei a, Rev Saithanga Sailo, NEI UPC Pastor pension tawh lo lut thar chu Lunglei N bialtu Pastor hna thawk chungin District Superintendent part time-in Office ah chuan an \huttir a.

            Evan Hmingthanmawia chuan District Secretary chu  part time-in a thawk a. District Chairman-ah chuan B.Kapmawia a ni, Nl. Zomuani, Hnahthial chu LDC-cum-Typist-ah a nghet lova lak a ni a. Chawkidar-cum-Peon ah Pu C.Thangluaia chu a nghet lo bawk a lak a ni a.

            Dt. 3-4 March, 1996 Mizoram UPC Executive Board Rorel 10-na chuan Lunglei District chhungah Pastor bial hengte hi a hawng thar a - Lunglei ‘N’ Pastor Bial Lunglei ‘S’ Pastor Bial, Mualthum ‘N’ Pastor Bial, Lungsen Pastor Bial, Hnathial Pastor Bial, Thenhlum Pastor Bial.  Lunglei District-ah chuan Pastor bial paruk a awm ta a; NEI UPC Pastor lo lut thar Pastor Saithanga Sailo leh Pastor Rochhunga bakah, Pastor hming pu tura nghet lovin mi pali an la nghal a, chungte chuan thla khata Rs. 1500/- (sangkhat zanga) fixed an hlawh ang, tiin an rel a. Pastor hming pu tura an lak te chu:  1) Evan B.Kapmawia, Hnahthial Bialah. 2) Evan K.Lalfamkima, Mualthuam North Bialah. 3) Evan P.C Lalhmingliana, Lungsen Bialah. 4) Evan H.Lalringngheta, Thenhlum Bialah. 5) Evan Hrangmawia chu Mualcheng Bialah.

            Mizoram UPC Executive Committee Dt. 27 Nov - 5 Dec,1996 Rorel No.26 na angin Lungleia District Office kalphung chu tidanglamin ‘Sub-Headquarters’ tiin a thlak ta a, Associate Secretary-ah Pastor B. Kapmawia chu dah a ni a. Office atan pawh Pu Lalbuaia in, Lunglei Venglaia mi chu luah a ni ta a. Rev Saithanga, Lunglei ‘N’ Bialtu chu pension-in a chhuah tak avangin Pastor B.Kapmawia chuan Lunglei ‘N’ Bial chu a hmui ta a. Pastor B.Kapmawia hmun ruak, Hnathial biala Pastor turin Evan Vanlalliana chu lak a ni a. Evan  Vanlalliana chuan Pastor hna chu a thawh theih tak loh avangin Evan Lalremsanga, Mualthuam chu 1997 January thlaa Pastoral Board Rorel No.2 na chuan Hnahthial Bialtu Pastorah a la ta bawk a.

            Lunglei a Sub- Headquarter Office hawn hi Chhim bial, Mizoram UPC zawmtute sum leh pai lo dawngtu leh thawktute hlawh lak nan a buatsaih a ni. Mizoram UPC Executive Board vawi 11-na, Dt. 9-15.12.1997 Rorel No.37-na chuan Associate Secretary post chu a titawp ta a, Sub-Office erawh chu kalpui zel  a ni ta a.

            Lunglei Sub-Headquarter a thawktu  R.Lallawmzuala leh Vanlalmuani Sailo chu Dt. 3 March, 1996 ah General Office Aizawlah lak phei an ni leh ta a. Pastor B.Kapmawia pawh chu Hnahthial Bial Pastor-ah lak a ni leh ta bawk a. Nl. Zomuani leh Pu C.Thangluaia te chuan Lunglei Sub-Headquarter Office chu an luah ta a. Dt. 5 May, 1996 Mizoram UPC Executive Board  chuan Nl. Zomuani leh Pu Thangluaia pawh chu a la nghet ve leh ta a. Nl Zomuani leh Pu C.Thangluaia pawh chu 1999 January thla chuan General Office Aizawlah lak phei an ni ve leh ta a. Pi C.Lalbiakhluni, General Office Aizawla LDC thawk lai chu 1999 January thla chuan Lunglei Sub-Headquarter a thawk tur chuan dah phei a ni ve leh a. Lunglei Sub-Headqurter Office pawh chu Pu Thanhlira in, Lunglei Bazarah chuan sawn a ni leh ta a. C.Lalbiakhluni, LDC chu kum 2000 January thlaah chuan Aizawlah General Office-a thawk turin sawn phei leh a ni a.

            Vanlalmuani Sailo chu Lunglei Sub-Headquarter ah thawk turin kum 2000 January-ah chuan sawn a ni ve leh bawk a. Vanlalmuani Sailo hian Dt. 10 January, 2000 ah Lunglei Sub- Office hi a zawm leh ta a ni. Vanlalmuani Sailo chu Dt. 15 May, 2001 ah General Office Aizawl thawk turin sawn phei a ni leh ta a, Lunglei Sub-HeadquarterS Office chu khar a niin a lo tawp ta a ni.

            Kum 2003 Mizoram UPC General Assembly Rorel No.29-na chuan Lungleiah Sub-Headquarter Office kum 2004 a\angin hawn leh ni rawh se, tih a pass thar leh ta a. Vanlalmuani Sailo, General Office a Accountant chu kum 2004 January thla chuan Lungleiah Sub-Headquarter a thawk tura sawn phei a ni leh ta a. Lungleia Upa H.K.Vanlalsiama in chu Mizoram UPC Lunglei Sub-Headquarter Office turin General Superintendent Rev H.Vanlaltlana chuan Dt. 9 February, 2004 ah Lalpa Isua hmingin a hawng leh ta a ni.

            Kum 1996 Assembly-in Lunglei District chhunga Thenhlum Bial a lo hawn chu 1999 Assembly Rorel No.6-na chuan a titawp leh ta a. Hemi rual hian Mualcheng ‘S’ Bial pawh tihtawp a ni. Kum 2002 Mizoram UPC Assembly Rorel No.3-na chuan Lunglei ‘S’ bial chu \henin, |awipui Pastor Bial thar a hawng a. Kum 2003 Mizoram UPC General Assembly rorel No.14-na chuan |awipui Bial tih chu Thingfal Bial tiin a thlak ta a ni.

                 Mizoram UPC, Upa K.Zoramthanga kaihhruaite hian tlawmnain NEI UPC District lian ber North Mizoram District chu an au chim ruih ruih a, Lunglei District te zawk an han bei hi chu, Joshua hova Israel ten Jeriko kulh an beih zawh a, Ai khaw te tak te an bei hlei thei lo kha an ang hle. Upa K.Zoramthanga hovin zaithiam nen, “Apostolic Operation” tiin Lunglei Auditorium-ah Revival Crusade te neiin, cheng tam takin Lunglei Veng lailiah Office ropui takin han hawng mah se, Aizawl District lam ang chuan Lunglei District-ah hian Mizoram UPC te hi an \hang chak vak ta lo deuh a ni.

Lawngtlai District-ah Mizoram UPC

a piang ta

            Kum1994 khan NEI UPC General Superintendent Rev K.Satinvela hnenah, Chhimtuipui District a\anga inlahrang a, Lai District UPC din a, District Headquarter Lawngtlaia dah tura dil pawl an awm a. Chu chu NEI UPC General Superintendent Rev Satinvela hian an dilna chu \ha a lo tihpui a, Chhimtuipui District hruaitute khan \ha an ti si lo va. Lai District UPC din duh leh din duh lo lam kha an intibuai chiam ta mai a. Chutiang harsatna chuan Chhimtuipui District  chu a nuai phel ruah mai a. Lai District UPC neih hran duh lam kha a tir chuan NEI UPC General hruaitute khan an \an hle mai a. Lai District UPC din duh lo lam khan NEI UPC General hruaitute kha an haw hle thung a. NEI UPC General hruaitute khan Lai District UPC din chu an titlang ngam leh tak tak si lo va.

            Kum 1994 kuma Lai District UPC din tumna avanga lam\ang leh lam\ang, Chhimtuipui District UPC awm ta te chu a khawi lam ve ve pawh kha 1995 a lo thlen meuh chuan NEI UPC hruaituteah khan an lungawi lo ve ve hle mai a. 1995 April ni 1 a Mizoram UPC ten Office hawng meuh va NEI UPC a\anga an han inlak hran takah phei kha chuan, Chhimtuipui District-a Lai District UPC din hran duh lam leh Lai District UPC din hran duh lo lam te khan, Mizoram UPC hruaitute an dawr ve ve a, Mizoram UPC hruaitute pawhin chhan dan thiam har an ti hle a. Lai District UPC din duh lam hi an tlem zawk a. Lai District UPC din duh lo lam te kha an tam zawkin, Mizoram UPC lam te kha an ta neih deuh zawk bawk a.

            Khatia Lunglei District UPC a\anga Mizoram UPC zawmtu an lo awm a, Sub-Office te hial din a lo nih takah khan Evan.K.Lalfamkima hmalakna bawhzuiin Rev Rochhunga leh Rev Saithanga te chu Lawngtlaiah va kalin, Lai District UPC din duh lam Evan Z.Hengmanga kaihhruai Lawngtlai Council Venga mite leh, Lawngtlai Vengpuia mite chu Dt. 2 May, 1996 khan Mizoram UPC ah an va lawm lut ta mai a. Lai District UPC din duh lam, Mizoram UPC ah lawm luh an nih tak zawk siah chuan, Lai District UPC duh lo lam, NEI UPC chhuahsan duh lamte kha, NEI UPC ah an tui thar ve leh ta a. Lawngtlai  IV Venga Lai District UPC din duh lam member 123 te chu Dt. 21 August, 1996 zanah Upa K.Zoramthanga leh Rev Vanlalsipaia te chuan Mizoram UPC ah an lawm lut leh ta a. 1996 kum hian Lawngtlai khaw chhungah Mizoram UPC Kohhran hmun thumah a ding hman a ni. 1996 kum hian Niawhtlangah leh Saiha Tlangkawnah Mizoram UPC a lo ding tawh bawk a.

             Dt. 8 October, 1996 a\angin Rev Chhunglawma, N.Mizoram District Superintendent chu Lawngtlai Mizoram UPC te hi enkawltir a ni a. Rev. Chhunglawma  chuan Lawngtlai leh Niawhtlanga Mizoram UPC lo ding ve ta chu “Chhimtuipui District Area” tiin a hming a vuah sak a, chuta hruaitute chu hengte hi an ni:

1) Chairman - Upa Z Hengmanga, L-V

2) Secretary  -  Upa C.Tialvunga (Valtea), L-IV

3) Treasurer - Evan  S.Lalbiakthuama,  L-V  te an ni.

            Kum 1996 Mizoram UPC Assembly, Dinthar biak in a Rorel No.5-na chuan Chhimtuipui area a District din chu a phal sak ta a. Executive Committee-in a hming tur leh a ramri turte chu lo siam fel rawh se, an ti ta a. D. 27 Nov to 5 Dec. 1996 Executive Committee rorel No.17-na chuan District hming tur uluk taka ngaihtuah a; a chhan chu 1994 kum khan Chhimtuipui District-ah hian Tuithlang lamah Lai UPC din tumna boruak chuan Tuichhak lam (Saiha) lam unaute a tithinur hle a. Chuvangin, Lawngtlai District hi din phawt ni se, a ramri atan pawh Tuithlang lam chin hi ni se, tiin thu a titlu ta a. Tichuan, Chhimtuipui District Area tih chu “Lawngtlai District Mizoram UPC” tiin a hming an thlak ta a. District Superintendent atan Pastor H.Vanlaltlana chu an ruat ta bawk a. Hemi rual hian Evan. Hrangmawia of Lunglei chu Niawhtlang leh Saiha Tlangkawn te lo enkawl turin kum hnih atan Pastor-ah lak nghal a ni bawk.

            Zemabawk Bial a\angin Lawngtlaiah Pastor hna thawk turin Dt. 11 January, 1997 ah Pastor H.Vanlaltlana te chu an chhungin an thleng phei a, Upa C.Tialvunga te inah an innghat phawt a. 1997 January 12 ah  Lawngtlaiah Pastor hna hi a thawk \an a. Pastor Quarters a luah hawh tur te an zawng a, Lawngtlai Vengpuiah Pastor Quarters atan mi in luah hawhin, Lawngtlai khaw chhunga mi in luaha inkhawm hrang kohhran pathum lo awm tawhte nen chuan bul \anin hma an la ho ta a. Pastor Hrangmawia pawh chu Lawngtlaiah lo pheiin, Niawhtlang lam a pan nghal ta bawk a.

            Mizoram UPC Lawngtlai District chu hawn nghal niin, District Superintendent-in a awm a, District Chairman-ah Upa Z.Hengmanga a ni. District Secretary-ah Upa C.Tialvunga (Valtea) a ni a, District Treasurer-ah Evan. S.Lalbiak\huama a ni a. Lawngtlai District hawn tirh lai vel hian 1994 kuma Lai UPC din tumna boruak kha a la lian hle a; District Office a hran a neih a, chutah chuan thawktu District Superintendent leh Secretary leh Treasurer te leh Office Staff te awm tur tlata ngaihna chuan hmalak a tibuaithlak hle a ni. An lo tum dan kha Mizoram UPC District kalpui tum dan nen a inmil si lo va, a buaithlak thei hle a ni. 1997 January 12-13, ni hnih chhung phei chu Lawngtlai District hruaitute khan District Office luah tur an zawnpui a, a chhan chu 1996 kuma Lungleia Upa K.Zoramthanga ho va Rs. 5000/- (sangnga) chawia Lunglei Veng laili a District Office an hawng kha an mitthla tlat vang a ni.

            Lawngtlai District hruaitute chuan District Office luah tur chu lo hmu pawh ni se a luah man tur a awm bawk si lo, a luahtu tur an awm bawk si lo, an dinhmun dik tak chu, biak in pawh nei lo, Pastor Quarters pawh nei lo an ni a, an hotu Aizawl General Headquarters lam pawh Office pawh mahnia la nei lo, mi in luah mai mai an la nih bakah, dona tam tak kara kohhran ding tir an la ni mai si a. Pastor H.Vanlaltlana chuan an dinhmun te chu hrethiamin, “Engpawh nise, District Office pui pui chu ding tir kan ni a la beisei lo phawt mai ila, LDC-cum-Cashier tur dil ila, chu chuan a Quarters a\angin bul \an ta se la, chuta \ang chuan Lawngtlai District Office lian zawk chu kan la bei zui zel dawn nia,” tiin a thlem lungawi thei ta a.

            Kum 1997 December 9-15 Mizoram UPC Executive Committee, Kolasiba \hukhawm chuan an Rorel No.51-naah Pi Zahmingliani, Bawngva a Evangelist Teacher thawk lai chu Lawngtlaia LDC-cum-Cashier hna thawk turin a rel tlu ta a. Pi Zahmingliani te nupa hian 1998 January ni 13 ah Lawngtlai thleng pheiin Rev Hrangtlinga in chu luah hawhin, an In luah hawh a\ang chuan hna chu an thawk \an ve ta a. Lawngtlai District leh Saiha District chhunga Pastor ten an bial chhung sum leh pai General-a lut tur reng reng chu Lawngtlaiah Pi Zahmingliani hnenah an thehlut ang a, an hlawh pawh a hnen a\ang bawk hian an lak nghal tura ruahman a ni.

            Kum 1998  a Saiha District a lo pian tak hnu khan, Saiha District Superintendent Rev Halaia’n Lawngtlai District LDC hnena pawisa theh luh leh hlawh lak ai chuan Aizawla hlawh lak leh pawisa theh luh kan tan a hnai zawk a ti ta tlat mai a; chuta \ang chuan Saiha District lama Pastor te khan Lawngtlaiah pawisa an thehlut duh ta tlat lo mai a. Lawngtlai District a LDC-cum- Cashier Pi Zahmingliani pawh chu 2001 January thla ah General Headquarters ah LDC hna thawk tura lak phei a lo ni leh ta a. Saiha District hruaitute thinlungah hian 1994 hun lai a Lai UPC din tum lai kha a la reh lo te pawh a ni ang e.

            Rawngbawlna lam lo sawi chhunzawm i la. 1997 January thla atang chuan Lawngtlai District chhungah chuan Pastor H.Vanlaltlana ho chuan hma an han la tan ta a, an phur tlang hle a. 1997 kum hian Lawngtlai-I Vengpuiah Mizoram UPC biak in thingtuai ban a sak a ni a. Hei hi Lawngtlai District Mizoram UPC biak in ding hmasa ber a ni. Khawmawi ah te, Diltlang ah te, Hmawngbu ah te, Tuithumhnar ah te, Chikhurlui ah te, Vathuampui ah te, Hmunnuamah te Mizoram UPC chu a lo piang ta zel a.

            Kum 1997 Mizoram UPC General Assembly Kolasib hmuna nghah chuan Diltlang Bial chu hawng tharin, Pastor atan Evan S.Lalbiakthuama chu dah a ni a. Evan C.Ramsangvawra chu Vathuampui ah Tirhkoh in dah a ni ta bawk a. Mizoram UPC Lawngtlai District chu 1998 ah chuan Pastor bial hnih leh Tirhkoh bial khat a lo ni ta a ni.

Bangladesh-ah Mizoram UPC a piang

            Kum 1998 March thla hian Bangladesh UPC District Superintendent Pastor Laithanga chuan Mizoram UPC Lawngtlai District a ding tih hriain lehkha rawn  thawnin, Bangladesh ah Mizoram UPC te va kal a tanpui turin a rawn sawm a. Tichuan,  Evan C Sangvawra chu Rs 1500/-( Sangkhat zanga) ken tirin, thil awmzia va thlithlai turin Pastor H.Vanlaltlana chuan a tir ta a. Evan C.Sangvawra, Vathuampui chuan Dt. 27 April 1998  ni ah Vathuampui chhuah sanin Bangladesh chu ke in a pan ta a. Ni nga (5) a kal hnu in Bangladesh a Ralau khau chu a thleng a. Ni nga (5) a cham hnuin ke bawkin ni nga a lo kal leh a, Vathuampui a lo thleng leh a, ni 15 a va thang a ni. Evan C.Ramsangvawran report dan chuan, 1998 kum hian Bangladesh ah hian Ralau khua ah UPC member 100 an awm a - Zodin ah member 62, New Tlangpuiah 27, Malumania ah 7 an ni a, an vai in member 197 an ni a. Evan C.Ramsangvawr a hi Pastor Lalthanga’n lehkha a rawn ken tir a, Mizoram UPC nena thawhho an duh thu a ni.

            Chu lehkha chu thil telin, General Superintendent Rev Chhunglawma chu Bangladesh unauten thawhho an duhna chu Pastor H.Vanlaltlana chuan  a va hriat tir a, Rev Chhunglawma chuan chu chu lo hmuin Dt. 4 May, 1998 ah chuan lehkha  thawn let lehin, Bangladesh ho nena thawhho chu tha a tih thu a  sawi a. 1998 chuan Bangladesh a thawk turin Mizoram UPC chuan Evan Siamtlinga of Khawmawi chu a la ta nghe nghe a.

            Mizoram UPC Executive Committee, Dt. 8 March, 1999 Rorel No.15- na in a phal sak angin Bangladesh a Unaupa Lalengliana S/o Chuaubila chu Ministerial Licence pek an phalsak nghe nghe bawk. Mizoram UPC in Bangladesh a hma a laknaah hian Lawngtlai District hi a sulsutu tak an ni.

 Mizoram UPC Saiha District lo pian dan

            Mizoram UPC Saiha District lo pian dan chu hetiang hi a ni -Kum 1992 khan Farnu Tinpari of Niawhtlang NEI UPC chu Thlarau Thianghlim in a lo khat tlat mai a, Thlarauvin a tawng tir ang zel a tawng danga a tawng dan chu hetiang hi a ni - “Democracy, Thlarau mite Democracy, Lalpa kohhran thar Zoram thlarau fate awm khawmna tur tun atanga kum thumah hian piang dawn,” tih hi a ni. Amah Tinpari chuan he thlarau fate  awm khawmna tur, Thlarau mite Democracy kohhran thar hi ka hmu ve hman dawn lo a ti bawk a.

Hun a lo kal zel a, 1994 kumah chuan Farnu Tinpari of Niawhtlang chu naupangte in a thi ta a. Khatia 1995 April ni1 a Mizoram UPC in Office te hawng hranga hma an han lak thu kha, Niawhtlang a unaute chuan an lo hre ta a. Mizoram UPC ngei hi Farnu Tinpari’n Thlarau mite Democracy, kohhran thar a lo piang dawn a tih a ni, tiin an lo inkhawm hrang ve tawp mai a. 1996 February ni 4 ah chuan Mizoram UPC hming puin Niawhtlang ah chuan an lo ding hrang ve tawp mai a, chuta hruaitute chu -

            1.Chairman     -           Upa Chhanhaia

            2.Secretary     -            Upa Lalpianga Chinzah

            3.Treasurer     -            Upa Tumsanga te an ni a.

            Chhungkaw pariat in bul an lo tan a ni. Niawhtlanga Mizoram UPC ti a lo ding hrang te hi 1997 February thla khan  Pastor H.Vanlaltlana’n a han tlawh a, heti hian an lo sawi a, “Aizawl lam a Mizoram UPC chu an ral leh vek tawh an ti a, min rawn ngaihsaktu pawh in awm kan ring lo va. Keini chu tute din mah kan ni lova, Pathian Thlarau hriattirna a ding kan nih tlat avangin Aizawl lama Mizoram UPC te hi ral vek mah ula keini chu kan kal zel dawn,” an lo ti a ni.

            Kum 1996 August thla hian Upa Zakunga leh Upa Ruahaia ten Saiha Tlangkawn ah Mizoram UPC an lo din ve tawp mai bawk a. Upa Thatluaia ten lo puibawm zelin, harsatna tam tak pal tlangin Saiha Tlangkawn Mizoram UPC te chu Upa Thatluaia inah inkhawm hrangin an ding nghet tlat mai a.

            Kum 1997 August ni 4 a tanin Lawngtlai District Mizoram UPC te bul tumin Saiha Tlangkawn ah chuan Rawngbawlna neih a ni ta a. Upa C.Tialvunga (Valtea), Rev Thathuaia, Lawngtlai te thahnemngaihna a nasa hle mai. A tirah chuan  Speaker ah Pastor H.Vanlaltlana chu a tanga, Niawhtlang a Mizoram UPC nuho Lalremsanga nu te, Zamuanthanga nu te, Felosii te an lo chhuka an tangkai hle. Tchuan,  an haw thei ta tlat lo mai a. 1997 Septemberah chuan Kolasib bialtu Pastor Chalhuaia Speaker ah hmangin kar hnih dawn lai beih zui zel a ni a. Pastor Chalhuaia  chu a bial chhung tulna avangin a hawng  ta a. Pastor H.Vanlaltlana  erawh chu haw thei hauh lo hian Thlarau in a khuahkhirh tlat mai a, Saiha ah chuan a cham ta reng a, New Saiha lam a kang kai ta a.

            New Saiha a Evan Lalnghaksanga leh Lalropuia, Zirtirtu leh Lalhmingliana, PHE, JE te chuan New Saiha a Mizoram UPC din tur chuan thahnemngai takin bul an tan chho ta a. New Saiha NEI UPC Headquarter a Local Chairman Upa R.Zasanga te, Secretary Upa Lalthianghlima te, Treasurer Upa Pakunga te pawh chuan Mizoram UPC chu zawm an duh ve ta zel a, NEI UPC Pastor thawk lai panga lai pawhin a ruk chuan an hnar ru ve reng bawk a. 1997 September thla tawpah chuan unau engemaw zat Mizoram UPC zawm duh an lo awm ta a. Aizawl lam a hotute chu lawm lut tur in chah an ni ta a.

            Mizoram UPC a inlawmluh mai an tum lai chuan Rev Halaia pawh chuan ama mimalin Mizoram UPC zawm a duh thu a rawn sawi ve ta a. New Saiha a Mizoram UPC zawm duh unaute lawmluh an tum hun pawh chu tlemin an timuang ta hret a. Dt. 6 October, 1997 ni chuan New Saiha a Mizoram UPC zawm duhtute chu Mizoram UPC ah chuan lawm luh an ni ta a,  Pastor dang panga te kha chu an muangchang leh ta rih a.

            New Saiha a Mizoram UPC a din tirh a hruaitu te chu hengte hi an ni -

   1. Chairman - Upa R.Zasanga

   2. Secretary – Upa Lalthianghlima

   3. Treasurer -  Upa Pakunga te an ni a

            New Saiha a Mizoram UPC rawn zawmtute hi Member 170 dawn lai an ni a. Pu Lalropuia, Zirtirtu in chu New Saiha Mizoram UPC a lo dinna tura ralrel buk ber a ni a, kohhran ding thar te pawh hian inkhawm nan an hmang nghal a, an fakawm em em a ni. Pastor Halai-a a lo tel ve takah chuan a inah inkhawmna chu sawn a ni leh ta a. Upa R.Zasanga hian Mizoram UPC a zawm rual hian Pathian ram zauna (PRZ) `. 20000/- (singhnih) a thawh a, chu pawisa chu General hruaituten Saiha District a a tul ang a hman phalna an siam sak nghal a, chu chuan Saiha lam a rawngbawl a tiawlsam hle a ni.

            Mizoram UPC General Assembly, 1997 - Kolasib Taitesena Hall a neih Rorel No.4-na chuan Lawngtlai District atanga indangin, Saiha District chu hawn a lo ni ta a. Hetia Saiha District hawn a lo nih takah chuan Rorel No.5-na chuan Saiha bial tiin a hawng nghal ta bawk a. Saiha District chu Dt. 17 January, 1998 ah chuan hawn a lo ni ta a. Saiha District hawn lai a District hruaitute chu -

1. District Superintendent   - Rev Halai-a, New Saiha

2. District Chairman           -  Upa R.Zasanga, New Saiha

3. District Treasurer           - Upa Lalthianghlima, New Saiha

4. District Treasurer           - Upa Pakunga, New Saiha te an ni.

            Saiha District hawn thar a nih lai hian Pastor bial hnih (2) a ni a. 1999 December ni 11-12 a General Assembly Rorel No.6-na in Cheural Bial a hawn thar leh takah chuan Pastor bial thum a lo ni ta a ni. 1997-1998 kuma Lawngtlai District atanga hma han lakna in Cheural, Phalhrang, Siachangkawn, Lungzarhtum, Phura, New Saiha a lo ding bak chu Saiha District ah hian kohhran mumal tak a ding ta meuh lo. Niawhtlang leh Saiha Tlangkawn hi 1996 a din a lo ni tawh bawk.

1995-2005  MIZORAM UPC  A THIL LANGSAR

ZUAL LEH HMASAWNNA TE

Kum 1995 a Mizoram UPC a thil langsar

zualte leh hma a sawnna te

            Tum lawk leh duh vang reng ni lo va, NEI UPC buaina tuifawnin a vawrh  a vawrh kual hote, hotu a an belh ten an hriat ngam loh khawp a an hotute tan a mi rinawm, an hotuten an dai ngam loh thleng dai tura an tih pawh a hotute thu leh thudik nia an hriatah chuan tlan chhe ve ngai lo, UPC ruh kawl, an hotuten UPC atanga an ban pawh a UPC nih tum tlat, an lungngaih ni leh lawmni a Pathian an lo biak ve thinna hmun thianghlim, an biak in te chu an hotuten an kalh sak chung pawh a UPC nih loh leh inkhawm loh leh sawma pakhat pek loh thiam hauh lo,  biak in a inkhawmna tur a awm loh pawh a mi inhnuai remchang apiang phiat fai a, mite hmuh dan tur leh ngaihdan tur pawh dawn miah lova Pathian Thutlung sawi bang thei lo leh, Tawnghriat loh leh Lukhum var thlah thei miah lo hote chuan, UPC nih an duh ve em em avangin UPC an nih ve zel theihna tur a nih beisei leh ring chungin Aizawl Chaltlangah a nih nih nih inhuamin ‘Mizoram UPC’ intiin Dt. 1 April 1995 ah Office an han hawng thar ve chawm mai kha a ni a.

            A nihna takah chuan Mizoram UPC, Upa K.Zoramthanga kaihhruai te hi UPC ruhkawl awmkhawm, vawn tawh lam chu vuan tlat, Pathian Thuthlung leh Thlarau hmachhuantute tan chuan hruai nuam tak vek an ni hlawm a. Chutiang mihring intelkhawm chu Upa K.Zoramthanga kaihhruai Mizoram UPC te hi an nih tih hre lo vin, Mizoram pawn a khawsa rei tawh, Mizo tlawmmngaihna pawh hre lo khawpa hnamdang kara khawsa tawh ho, finna leh thiamsanna em em pawh nei bik lo, Kohhran duhsakna avanga hotu chan chang a, hnamdang kara hun rei tak lo awm tawh, NEI UPC Headquarters, Shillong lam hruaitute chuan kan miten hetiang khawp thil an ti ta hi keimahni lam pawh hi kan inenfiah ve a ngai a ni, ti a Mizoram UPC te chu hmaihma a  bia a, inpumkhat leh tura tuam dam tum ta lo chuan, Dt.  28 March - April 3, 1995 a NEI UPC Executive Board Rorel No.22-na chuan Mizoram UPC Upa K.Zoramthanga kaihhruaite chu NEI UPC atangin kan hnawt chhuak (expelled) a, UPC hming pawh an put ve kan phal lo, an ti nawn leh ta a. Mizoram UPC Upa K.Zoramthanga kaihhruai te chu NEI UPC Executive Board in an hnawhchhuah thu te chu sawrkar ah te thlenin a puangzar ta chiam chiam mai a.

            Mizoram UPC lamte chuan NEI UPC thiltih chu an hria in zam a hnekin, kan kohhran hmingte chu nang ni thu a ni lo va, kan duh duh kohhran hmingah chuan kan pu ang, intuamdam leh inpumkhatna kawng zawhpui hram hram kan tum che u a, chu chu kan zam emaw tiin mi hmuhsit nan in hmanga, hetiang mai mai a NEI UPC hruaitute hi in kal chhung chuan kan thawhpui peih thlawt tawh lo che u a ni, 1994 kum atang khan UPC atang hian in duh duh in ban fo mai a, in banho, UPC nih duh ve si tlankhawm nan Mizoram UPC hi kan din anih hi, an ti then mai si a.

            NEI UPC hotuten Mizoram UPC chu Pawlchhuak an ni a, UPC hming pawh an pu ve thei dawn lo, ti a Mizoram UPC an sawichhiatna te chu Mizoram UPC te tan chuan Pathian chauh lo chu innghahna dang an neih lohzia hriattirtu ah leh tawngtaina tam tawk nena Mizoram UPC chu din chhuah pui ngei tumruhna a siam ta hlauh zawk a. Tirhkoh Paula’n, “Ka chunga thil lo thleng kha Chanchin \ha tihdarhna a ni ta hlauh zawk a,” a tih kha Mizoram UPC te chuan changchawiin, “Kan harsat tawhnate hi Chanchin \ha tihdarhna tura Pathian min thawh saknaah ngai ila, Thlarau bo chhanchhuahna hna hi thupui berah kan nei tur a ni,” an ti a, an hlim em em mai si a.

            Sawi tawh angin, Mizoram UPC hian nasa zawka ramthim vei tura Thlarau va Pathian dinah inngaihna lian tak a neih avangin, 1995 April 1 a Office an hawn hnuah pawh khawmpui an neih hmasak ber chu Dt. 19-20 May, 1995 a Missions Khawmpui Khawzawlah a nei phawt mai a. Chuta an thu pass te chu - “Japan ah leh Bangladesh ah Missionary tirh ni rawh se,” an han ti tawp mai a. Tin, “Nepal ramah leh India ram lailiah missionary tirh ni bawk rawh se,” an ti a, an hlim em em mai a.

            Khawzawla Ramthim khawmpuia boruak luahkhattu ber pawh T.T : 6 thu kha a ni a. Isua thupek ang ngeia Kohhran Apostol te din pawh khan Chanchin \ha hrilh an bansan a, an nitin thilsem \hin avangin an buai ta, “UPC te pawh hi kan nitin thilsemah kan buai a nih hi, Mizoram UPC te kan dam khawchhuahna tur chu Lal Isua thupek ‘Chanchin tha hrilh’ kan ngaih pawimawh a tul a ni,” tih hi a ni.

 

            Khawzawla Ramthim Khawmpui hian heng mite hi Mizoram chhunga Tirhkoh hna thawk turin an la a -

1. Lalchhanhima     -  Chhingchhip bialah

2. Lalbiakhluna       -  Khawruhlian bialah

3. Lalthantluanga    -  E Lungdar bialah

4. Lalchhanhima     -  Gosen Ramthar ah

5. Zahmingliani       -  Hnahthialzawl ah

6. Lalduhsaka          -  Dilzawlah awm zel bawk se an ti a.

            Khawzawla Ramthim khawmpui neih lai hian General Pastoral Board chu Dt. 21 May, 1995 ah an \hukhawm nghal a, Evan. Lalrinchhunga of Tlangpui chu E.Lungdar bial Pastor tura lak ngheh a ni. Dt. 24 June, 1995 General Pastoral Board chuan Rev. R.T.Saihnuna dam loh chhung General Superintendent hna lo kawp tur leh, Bazar bial lo hmui belh leh turin Rev. Vanlalsipaia chu an ruat a. Champhai bial ruak hnawh khah nan Pastor K.Vanlalvuana, Vairengte, NEI UPC Pastor la ni lai chu an la  tawp a, mahse a zawm thei ta rih lo va. Serchhip bial ruak hnawh khah nan Pastor Ngurthanpara Sailo, Chawlhmun bial NEI UPC Pastor chu lak a ni bawk a, ani pawh hian a thawk thei ta rih lo va.

            Kum 1995 August ni 4 a Pastoral Board Rorel No.4, September ni 1, 1995 a thawk \an turin Evan. Lalngaihawma of  Sumsuih chu Serchhip Bial Pastor-ah a la a. Evan. F.Lalhmachhuana of Aizawl Dinthar chu Champhai bialtu Pastor atan a la ta bawk a, anni hi chuan an zawm ta ve ve a.

            Dt. 4 August, 1995 Pastoral Board Rorel No.8-na chuan Dt. 19-20 May, 1995 Khawzawl Ramthim Khawmpui in Aizawl East Area a thawk tur a lak te chu North Mizoram District-ah an thawhna hmun tur hetiang hian a siamsak a -

1.   Ramnghinglova, Zote chu Headquarter Bial, Aibawk Bial, Sialsuk Bialah te rawngbawl kual turin.

2.   Lalbiakhluna, Rabung chu Dinthar Bial, Chawlhhmun Bial, Chaltlang Bial, Durtlang Bial ah te rawngbawl turin.

3.   Lalthantluanga, Bazar Veng chu W.Phaileng Bial, Lengpui Bial ah te rawngbawl turin tih a ni a.

4.   C.Lalchhanhima erawh chu a thawk chhunzawm thei ta lova.

            Dt. 1 August, 1995 ah Rev. Saihnuna chu NEI UPC North Mizoram District Secretary a\angin Full Pension-in a chhuak a. Ni 3 September, 1995 ah Mizoram UPC a zawm a, Mizoram UPC Pastoral Board Rorel No.1-na chuan NEI UPC Pastor Pension tawh Rev. Saihnuna of Bungkawn chu Mizoram UPC Bethlehem bialtu Pastor-ah a la a. Dt. 7 December, 1995 Pastoral Board rorel No.1-na chuan Rev. Saihnuna chu General Superintendent-ah a la leh ta a ni (Mizoram UPC Danpui hman hma 1997 hma lam hi chuan Pastoral Board hian Pastor hi a nghet ordain sain a la tawp mai a, General hotute pawh a ruat mai a ni).

Kum 1995 a Mizoram UPC a sawmapakhat hmuh beisei zat chu `. 6,94,500/- (Nuai ruk singkua sangli zanga) leh Buhfaitham ah Rs. 41,500/- (Singli sangkhat zanga) a ni a. Dt. 18 August, 1995 Zirtawpnia Home Missions School, Mc.Donald Hill, Aizawla Financial Board vawi hnihna  chuan 1995 Mizoram UPC sawmapakhat budget `. 6.94,500/- chu `. 7,25,000/-(Cheng nuai sarih singhnih sangnga ) in a tisang leh a. 1995 a sawmapakhat budget chu `. 7,25,000/- a ni ta a. Buhfaitham chu a ngaiin a kaltir ta a.

            Kum 1995 kum hian Bazar Bial chhung Armed Vengah Mizoram UPC General Sunday School khawmpui hmasa ber an nei a, an hlim hle. Hemi kum vek hian General LAD te pawhin Bethlehem bial, ITI ah General khawmpui hmasa ber an nei a, an hlim hle. Danpui Committee rawtna angin Dt. 10 August, 1995 ah District tih chu General a thlak a ni a, District hruaitu zawng zawng pawh General hruaitu tia tlak vek an ni.

            NEI UPC North Mizoram District, Headquarters local a lawi Chairman Upa Lalnunmawia kaihhruai te chuan Dt. 6 August 1995 zan khan Local System (Tualchhung Kohhrana din hran) a duh leh duh lo, an biak Inah vote an la a, an vaia an duh tak avangin tumah zawm lo va Local System a awm thu chu ziak meuhvin an puangzar ta a ni.

            Kum 1995 kum hian UPC in harsatna a tawh chungchang mumanga lo hmutute hmuh dan chuan sawi a hlawh hle a. Chung mumangte chu Evan. Lalbiakkima Pautu in lakhawmin a buin a siam nghe nghe a, mumang neitu an tam a, kan sawi vek seng lo vang a; Upa V.Sanghleia, Kawnpui bial Secretary mumang hi a sawi ang angin lo tarlang ila - “Dt. 3 April, 1978 zan khan mumang ka nei a. Ka mumangah chuan phaizawl zau tak maiah hian UPC ho hi kan lo ding khawm a, kan lo inep vak mai a. Nakinah chuan kan lo inkhawm thelh ta sung sung mai a. Vanah hian Reformationtih hi lianpuiin an lo tar kulh mai a,” a ti.

            Lalhlimpuii, J.Damhuala fanuin 1993 April thla tira a mumang a sawi dan chu hetiang hi a ni - “Shillong-ah hian ka lo awm a, mi pakhat hi a lo kal a, chabi bawr hi a keng a, NEI UPC a bo hi a lo ti a. Shillong te chu kan seilenna a ni a, NEI UPC Office awmna chu ka hria, ka ti a, ka lo zawng vak mai a, ka lo hmu zo lo reng reng a,” a ti.

            Rev. Chhunglawma mumang, a sawi ang angin, “Ka mumangah chuan Bawng note, Zorammuana Bawng note an lo ti a, kan lo hling thut mai a. Chu Bawng chu hling thut lo ila chu nasa lutuka zawn buai ngai tur hi a lo ni a, hlin pawh kan hling thei kher lo vang. Mahse, kan lo hling nghet em em mai si a, hruizen thar \ha deuh mai hian, a chhuaka chhuak chi rual loh hian kan hling a, a nghawng tawkah kan bilhbawlawk a, kan kai ta a. A pui chu a dum ki bul hi a lo ni a, chhan a rawn tum a, mahse hruizen hmawr chuan ka lo vai kiang leh \hin a, a chhan thei ta lo va,” a ti. ‘Buaina tam tak chu mangphan a ni nge nge,’ tih angin, 1995 vel hian mang tharlam tak tak sawi tur a tam a, kan sawi vek seng lo vang.

            Ni 5 May, 1995 Executive Board rorel No.14-naah Mizoram UPC motor hmasa ber tur chu lei a pass a, Gypsy lei nghal a ni. Dt. 31 August, 1995 Executive rorel No.1 chuan full time-a Editor hna thawk turin R.Lalropuia a la a. Editor hna full time-a thawk hmasa ber a ni. Rorel No.2-na chuan Vanlalmuani Sailo chu Accountant-ah a la. Rorel No.20 chuan thubuai ngaihtuah tur Committee a din \an.

            Kum 1995 August ni 21 ah Bawngkawn NEI UPC a\angin member 182 in Mizoram UPC an zawm a. Dt. 23 August, 1995 Sunday zingah Pastor H.Vanlaltlana Zemabawk bialtuin Mizoram UPC ah a lawm lut a. Sunday chawhnu inkhawmah General Secretary Rev. Vanlalsipaia’n Lalpa zanriah Sacrament a sem. Kum 1995 to 1996 Mizoram UPC Kohhranpui Budget atan `. 30,00,000/- (Nuai sawmthum) ruahman a ni, motor leina telin.

Kum 1996 a Mizoram UPC a thil langsar

zualte leh hma a sawnna te

            Kum 1996 hian Mizoram UPC te hian General Assembly vawi hnih an nei a, a chhan nia lang chu, 1995 Mizoram UPC General Assembly hmasa ber kha Dt. 11-12 March, 1995 a ni a, chumi dung zui chuan a vawi hnihna atan Khawzawlah 1996 March 2-4 ah General Assembly an han nei leh phawt a. Mahse, Kohhran ding tir, dan leh hrai siam ngai a nih avangin 1996 November 29 a\anga December 3 thleng Aizawl Dinthar Biak Inah neih a ni leh ta a ni. 1996 November ni 29 - December 3 Mizoram UPC General Assembly rorel No.2-na chuan Mizoram UPC General Assembly hun atan kum tin December Pathianni vawi hnihnaah neih tur a tih tak avangin, December Pathianni vawi hnihna hi an lo hmang ta a ni.

            Kum 1996 March ni 2-4 a Mizoram UPC General Assembly chuan, Mizoram UPC Danpui duangtuten Mizoram UPC Danpui an duan chu bial tinah a copy sem chhuakin, bial tin ten lo chai se, kum tawp Assembly-ah siam that ngaite siam \hat ni se, 1997 January a\ang chuan kan Danpui hi hman \an theih tura peih ni se, an  ti a.

            Rorel No.6-na chuan Motor lei thuai ni se, tih a rel a. Dt. 3 March, ‘96 Pathianni chawhnuah Motor man tur khawn ni se, an ti a. Pathianni chawhnu hian rawngbawlnaa hman tur Motor leina man chu khawn a ni ta a, thawhlawm a luh \hat em avangin an lawm ta em em a.

            Rorel No.9-na chuan, “Mizoram UPC te hian Press hi neih leh ni rawh se,” tiin a rel a. 1996 July thlain Tuikhuahthanga lehkha chhutna khawl, Printing Press hlui, Ramhlun South a mi chu `. 30,000/- (Singthum) a lei a ni a. Aizawl Khatla venga R.L Building chhawng hnuai ber chu 1996 August thlaah Printing Press khawl bun nan man chawia luah a ni a. Mizoram UPC Printing Press-ah hian 1996 Mizoram UPC Beihrual thupui tur chu chhut hmasak ber a ni.

1996 a Mizoram UPC Press a thawktu hmasa te chu-

1)   R.Lallawmzuala of Model Veng (Ani hian Editor hna fulltime-a thawk chungin Manager hna hi a kawp a ni)

2)   R.Laldinliani of Bungkawn, Aizawl

3)   T.Vanlalhmuaki of Salem Veng, Aizawl

4)   Vanlalruati of Venghlui, Aizawl

5)   Lalmuanawma of Chaltlang,  Aizawl

6)   Laltlanzuala of Ramhlun te an ni.

            Rorel No.13-na chuan 1995 August ni 31 a Mizoram UPC Executive-in Emblem leh flag lo ruahman tura a lo ruat Rev.Vanlalsipaia, General Secretary leh Evan K. Vanlalhluna of Chaltlang te chuan Pathianin Mizoram UPC te Emblem tur leh Flag tur Evan.K.Vanlalhluna mumanga a hmuhtir dante leh an siam dan te sawifiah tir an nih hnuah Mizoram UPC Emblem leh Flag chu hetiang hian pawm a ni ta a -

             “Emblem atan chuan |huro thlawk lai lem hnuaia M lian taka inziak, chumi hnuaia UPC tih awm, rinin a kualkhung chu ni se. |huro thlawk lai lem te M  leh UPC tih leh a kualkhungtu rin chu a var a ni tur a ni a. A dang zawng chu a hring (green) a ni tur a ni. Flag pawh rawng hring a ni tur a ni a. A lai takah Emblem hi ziah lan tur a ni.”

             “Rawngvar hian thianghlimna a entir a. A hring chuan Lalpa mite tana a buatsaih ram luah tur nihna a entir a. |huro hian Thlarau Thianghlim a entir a. Chumi hnuaiah chuan M UPC chuan Thlarau Thianghlim hruaina hnuaia Mizoram UPC chu kal leh awm a nihzia a entir a ni.”

            Kum 1996 March ni 3-4 a Executive Board rorel No.1-na chuan Bukpui Pastor Lalthanmawia chu Pastor atangin a chawlhtir. Kum 1996 March 2-4 Mizoram UPC General Assembly rual hian General Missions Board thukhawm chuan Nepal rama thawk turin Pastor Ngurthanpara Sailo chu an la a. India ram laili, Agra a thawk turin Evan. P.Lalrinawma an  la bawk a. Evan. P.Lalrinawma chuan Dt. 23 July, 1996 ah Agra khawpuiah chuan hma a la \an ta a, a rawngbawlna chu Lalpan mal a sawm a, hun rei lo te ah Agra ah chuan Mizoram UPC  chu a lo ding ta reng mai a, Unaunu Lalsangpuii of Kolasib chuan ama in sakna tura a dahthat `.60,000/- (Singruk) chu Agra biak in sak nan a pe ta bawk a. A hnuah `.10,000/- (singkhat) a pe leh a, rei lo te ah biak in chu sak a ni ta a, thawktu atan Unaupa Navratan Singh-a lak belh a ni bawk a.

            Meghalaya State chhunga Jowai-ah Upa Luna hovin Mizoram UPC an rawn zawm a. Rev. Saihnuna leh Rev. Vanlalsipaia leh Upa K.Zoramthanga Delhi zin hawngin Mizoram UPC ah lawmlutin, Jowai Kohhran chu an form nghal a.

            Kum 1996 March ni 3-4 a Executive rorelna chuan North Mizoram District chu hmun thumah - Tuichangral District, Hmarthlang District tih leh North Mizoram District tiin a \hen hrang a.

            Kum 1996 November ni 27 to December Ni 3 a Mizoram UPC Executive Board Rorel No.1-na chuan Mizoram UPC Press Board hmasa ber a din. Chairman ah Rev Saihnuna, Secretary-ah R.Lallawmzuala te ruat an ni.

Member te -

            1) Rev Chhunglawma .

            2) Upa Lalthlamuana Hnamte

            3) Upa Zoramthara, Bawngkawn

            4) Unaupa Lalthantluanga 

            Rorel No.2-na chuan Motor Board hmasa ber a din a; Chairman-ah Upa Lalnunmawia, Bungkawn; Secretary-ah Lalbiakdika (Laltea) te chu ruat an ni.

Member te -

            1. Evan H.Lalenga of Bawngkawn

            2. Farnu Lalthankungi, Lecturer

            3. Upa C.Chalkunga, Chanmari

            4. Evan K.Vanlalhluna, Chaltlang

            Rorel No.5-na chuan Mizoram UPC Office Holiday hetiang hian a siam -

            Kumthar ni                  –          1 January

            Kumthar lawmna         –          2  January

            Republic day               –          26 January

            Mizoram UPC day      –          10 February

            State day                      –          20  February 

            Good Friday                –          28  March

            Easter Monday            –          30  March

            Harhna thlen ni            –          4  April

            Pentecost ni                 –          18 May

            Y MA day                   –          15  June

             Remna ni                    –          30  June

             Independence day      –          15 August

             Krismas Eve               –          24 Deceber

             Krismas lawman         –          25 December

             New year Eve            –          31 December

            Kum 1996, 27 Nov. to 3 Dec. a Executive Committee rorel No.7-na  chuan Short Course Bible School din a pass a, Chairman-ah Rev Saihnuna, Secretary-ah Rev Vanlalsipaia te ruat an ni.

Member te -

            1) Pastor Vanlalfela

            2) Upa Sawhlira

            3) Pastor Chhunglawma

            4) Upa Lalthlamuana Hnamte

            5) Evan. F.Lala.

            Rorel No.22-na chuan Assembly-in thuneihna a pek angin Mizoram UPC Danpui chu 1997 January ni khat (1) ah hman \an ni se an ti. 1997 January ni 1 ah chuan Danpui chu hman \an a ni ta a ni.

            Rorel 19-na chuan Mizoram UPC Service Rule hman \an turin a pawm. Rorel No-26 na chuan Lungleia Associate Secretary leh LDC-cum-Typist leh Chawkidar dah rem a ti. Rorel No.27-na chuan 1995 Puipate aiawh thlanna ni atan 1997 March ni  riat (8) a ruat nghal bawk.

            Dt. 24 October, 1996 a Mizoram UPC General Pastoral Board chuan heng mite hi Pastor-ah a la nghet -

            1) Evan Thangliansanga of Hnahlan

            2) Evan Rokhuma of Govermemt Complex, Aizawl

            3) Evan B.Kapmawia of Lunglei

            4) Evan Lalfamkima of Lunglei

            5) Evan P.C Lalhmingliana of Hnahthial

            6) Evan Lalringngheta of Lunglei

            7) Evan Hrangmawia of Lunglei

            Dt. 4.12.96 Pastoral Board Rorel No.6-na chuan Evan. Vanlalliana of Keifang chu Hnahthial bial Pastor-ah a la a, mahse a thawk thei ta lo. Kum 1996 to 1997 budget chu a vaiin `. 40,00,000/- (Nuai sawmli) ni tura duan chu Financial Year tihdanglam a nih leh tak avangin `. 35,13,950/- a tihhniam a ni leh ta a. Buhfaitham erawh chu Mission Fund ah lut vek se, an ti (1996 Dec. Ni 5 Executive Rorel No.5)

Kum 1997 a Mizoram UPC a chanchin

langsar zualte leh hmasawnna te

            Kum 1997 kum tir chuan Upa K.Zoramthanga leh Rev Saihnuna leh Rev Vanlalsipaia te chuan Dehi lamah Immanuel Pentecostal Church, Pastor T.Samuela chu Mizoram UPC te nena thawkho tura zu biak tumin an kal a. |ha tak chuan an zu inbia a, thawhhona phei chu an siam ta lem lo va.

            Chu mi lo haw leh lam chuan Jowai-ah Upa Luna, NEI UPC te nen inhmuin, Mizoram UPC zawm an duh thu an lo hrilh ta a. Rev. Saihnuna te chuan Upa Luna ho chu Dt. 21 January 1997 ah chuan Mizoram UPC-ah an lawm lut ta a. Rei lo teah Meghalaya State-ah chuan Mizoram UPC member za (100) lai an lo awm ta mai. NEI UPC ten “Mizoram UPC in ni a, Mizoram pawnah pawh member in nei thei ve lo vang” an tih chamchi \hin chu awih a har ta viau mai a.

            Dt. 10 January, 1997 a Pastoral Board Rorel No.2 chuan Rabung Bial Pastor atan Evan. P.C Lal\anpuia of Bilkhawthlir an la a, Hnahthial Bial Pastor atan Evan. C.Lalremsanga of Mual\huam chu an la bawk. Dt. 20 January, 1997 ah an hna zawm tura tih an ni a, an zawm ta ve ve a. Dt. 19 March, 1997 (Nilaini) Pastoral Board Rorel No.1-na chuan Bilkhawthlir Bial Pastor turin Evan. P.C Parliana of Lungtan chu an la a. Vairengte Bial Pastor turin Evan. C.Lal\anpuia of Tuirial chu an la bawk.

            Dt. 8-11 March, 1997 a Mizoram UPC Executive Board, zing dar 10:00 a \hukhawm chuan Executive Chairman turin Upa Lalnunmawia of Bungkawn, Aizawl chu an thlang a, General Secretary atan Rev. R.Laldawngliana, Bilkhawthlir Pastor chu an thlang a. General Treasurer-ah Rev. K.Vanlalvuana, Vairengte Pastor chu an thlang bawk a. General Superindendent Rev. Saihnuna chuan 1997 chhung hun a la neih avangin General Superintendent chu an thlang rih lo va.

            Kum 1997  lai vel hian NEI UPC leh Mizoram UPC te inepna a la nasa hle a. Aizawl Tukhuahtlang lamah District Heahquarter luah thuah te, a lehlam lehlam inpunkhawma inepna pawh a awm fo mai a. Chutih lai karah chuan N.Mizoram UPC, Rev. Chhunglawma lam leh Upa K.Zoramthanga kaihhruai lam han infinkhawm ta rup te pawh kha dan leh hrai kalpui tum danah \hahnemngaihna inrual lo lai te pawh a awm tho bawk a.

            Chutiang chu a nih mek laiin, Zoram hmun hrang hranga Mizoram UPC zawm thar thawm hriat tur a awm reng a. A bik takin Lawngtlai District lamah Mizoram UPC rawn zawm thartu kohhran eng emaw zat an awm a. New Saiha Headquarters biak ina lawi NEI UPC member 170 Mizoram UPC rawn zawm te zingah Saiha NEI UPC District-a an Treasurer thawk lai Rev. Halai-a lo tel ve ta bawk nen, Dt. 6.10.97 a Saiha Headquarters NEI UPC a lawi, Mizoram UPC lama lawmluh thawm chu a ring hle ta mai a. Chutih lai mekin, 1997 December Ni 5 ah chuan North Cachar Hills chhunga Mualhoih biala mi ten an Pastor Hrawngkholal-a hovin member 178 laiin Mizoram UPC an rawn zawm bawk a.

            Tin, 1997 kum hian Mizoram UPC te hian khawvel thilah innghahna dang reng nei lo va inhriain Lalpa an au nasa a, hmun tinah Thlarau malsawmna a thleng nasa hle a ni. Dt. 9-12 December, 1997 Mizoram UPC Executive Board chuan General Superintendent turin Rev. Chhunglawma an thlang thar a. Rorel No.5-na chuan Mizoram UPC LAD Day atan March ni 12 chu an ruat a.

            Rorel No.31-na chuan NEI UPC a\anga Mizoram UPC a lo lut thar Pastor Halai leh Pastor Hrawngkholal te chu Mizoram UPC Pastor turin an la nghal a. Rorel No.47-na chuan Bukpui bial Pastor atan Pastor Kaizaliana, NEI UPC atanga lo lut thar chu a la nghal bawk a. Rorel No.42-na chuan Diltlang bial hawn thara Pastor hna thawk turin Evan. S.Lalbiakthuama chu Pastor-ah a la bawk a.

            Rorel No.50-na chuan Bukpui Pastor C.Liansanga chu General Office-ah UDC hna thawk turin a la bawk a. Rorel No.51-na chuan Lawngtlaia LDC-cum-Cashier hna thawk turin Bawngvaa Evangelist Teacher thawk lai Unau Zahmingliani chu a ruat thar bawk a. Rorel No.55-na chuan NEI UPC Pastor, Mizoram UPC rawn zawmtute chu anmahni chawm zo tur mipui an rawn luhpui loh chuan lak tawh lo ni se an ti bawk. Rorel No.37-na chuan Sub-Headquarters a Associate Secretary kan neih hi tihtawp ni se an ti bawk.

            Kum 1997 Mizoram UPC General Assembly, Kolasib Taitesena Hall-a Dt. 12-13 neihah hian  Lawngtlai District chu \henin Saiha District chu a siam hrang ta a. A ramri atan pawh Chhimtuipui ni se an ti a. Assembly Rorel No.2-na chuan Jaintia Hills Jowai Section leh N.C Hills, Mualhoi Section chu a hawng thar ta a.

            Mizoram UPC chuan Mizoram State pawnah Pastor bial hnih leh Ramthim Field ah member eng emaw zat an nei ta reng mai a, an lawm ta em em mai a. Mizoram UPC General Assembly, 1997 boruak chawk nung tur hian Tv. Lalbiakkima Pautu chu Pathian Thlarau hian a khat tlat mai a, chu chuan Assembly boruak a tinuamin an hlim em em ta mai a.

            Kum 1997 June thlaah Durtlang Mualvenga Pu Ch.Ngura in luah hawhin Mizoram UPC Bible School chu hawn tan a ni. Dt. 1 October, 1997 khan Pu Lalramthanga of Chanmari, Aizawla mi ram, Durtlang Mualveng tlak lama mi Bigha 2.96 laia zau chu `.2,00,000/- (nuai hnih) in in saksa nen, Bible School turin lei a ni. Kum 1997-1998 Kohhran pui budget Grand Total - `. 53,58,609/- (Cheng nuai sawm nga pathum singnga sangriat zaruk pakua chiah) a ni (15 Dec., 1997 – Executive Res. No.24).

   

Kum 1998 Mizoram UPC Chanchin langsar

zual te leh hmasawnnate

            Dt. 9-14 December, 1998 Executive Board Rorel No.1-na chuan Nepal rama Missionary chu lak kir rih ni mai se a ti. Rorel No.13- na chuan ATI Lecture Hall sak tur chu a pawmpui. Rorel No.16-na chuan 1999 ah Revival Pastor pahnih rawih ni se a ti a, Pastor Vanlalsipaia leh Pastor H.Vanlaltlana te ruat an ni.

            Rorel No.35-na chuan Pastor Hrangmawia of Lunglei chu a kum a upat tawh avanga kum hnih chiah Pastor hna thawk chuan Pastor title a dil chu a remtihsak a. Rorel No.40-na chuan Pastor Lalkhawchhana, Chaltlang bialtuin voluntary pension a dil chu a pawmpui a. 1999 January Ni 1 ah pension-in kal se an ti. Rorel No.41-naah Pu Laldanga, Office Chawkidar chu a pension a hun tawh avangin pension-in kal se an ti.

            Rorel No.46-na chuan a hnuaia mite hi Pastor-ah a la :

1)   Evan Zoramthara, Jowai  bial Pastor turin

2)   EvanVanlalsipaia, Revival Pastor turin (Pastor Vanlalsipai a hi kum hnih Pastor a\anga a chawlh leh rih avanga lak thar leh a ni)

3)  Evan Liankholala, Phaitual (Jiri) bial Pastor turin

4)  Evan R.Lalnghaksanga, Niawhtlang bial Pastor turin

5)  Evan J.Chawnthanga, Cheural bial Pastor turin

6)   Evan K.Thathuaia, Lawngtlai bial Pastor turin.

            Rorel No.47-na chuan Evan. Khenchunga chu Phura a Tirhkoh hnathawk tura lak a ni a. Evan. C.Ramsangvawra pawh Va\huampuia Tirhkoh hna thawk tura lak a ni.

            W. Bengal lama NEI UPC Missionary Pastor Vanlalruata chuan a enkawl member te leh an School zawng zawng nen Dt. 12 July, 1998 ah Mizoram UPC an rawn zawm bawk a.

            Dt.20 May, 1998 ah chuan Bhutan ramah Evan. Saienga Sailo chuan rawngbawlna chu a \an ta a. Cachar District lam a\angin NEI UPC Jiri Section a\angin Evan. Liankholala leh member 136 in Mizoram UPC an rawn zawm avangin kum 1998 Mizoram UPC General Assembly rorel No.6 Sub. No.2 chuan Phaitual (Jiri) bial thar a hawng a. Sub-No.1 na chuan Cheural bial chu Pastor bialah a hawng bawk a. 1998 General Assembly Dt. 11-12 December, 1998  Aizawl Chaltlang Field-a neih chu  Bangladesh lam a\angin Pastor Laithanga leh a \hianten an rawn hmang a. Bangladesh-ah member 700 laiin Mizoram UPC zawm an duh thu an report chuan Assembly boruak a tinuam em em mai a. 1998-1999 Kohhran pui budget Grand total chu `. 62,64,640.70p (Nuai sawmruk pahnih singruk sangli zaruk sawmli leh pawisa sawmsarih chiah) a ni (14 Dec 1998 Exe. No.39).

Kum 1999 Mizoram UPC chanchin

langsar zualte leh hmasawnna te

            Dt. 9-10 June 1999 Mizoram UPC Executive Board rorel No.2- na chuan Evan. Kailuna, Agra hmuna Missionary hna thawk turin a la. Rorel 4-na chuan Missionary P.Lalrinawma chu Field Supervisor ah a la.

            Dt. 8-9 December, 1999 Executive Board rorel No.3-na chuan General Superuntendent atan Rev. Vanlalfela Sailo, General Secretary thawk lai chu thlan tlin a ni a. General Secretary-ah Rev. C.Challianngenga, Zemabawk bialtu chu thlan tlin a ni. Rorel No.9-na chuan Rev Vankhuma, Durtlang bialtu chu full pension-in a chhuahtir. Rorel No.7-na chuan Revival Pastor post a titawp leh ta a.

            Rorel No.3-na chuan Evan. V.Rothuamluaia chu Lungsen Pastor Bial enkawl tura Tirhkohva lak a ni a. Evan. Lalparvula chu Lungpho Pastor Bial enkawl tura Tirhkohva lak a ni bawk a. Evan. Lalsiamthanga chu Thingsai Pastor Bial thar enkawl tura Tirhkohva lak a ni bawk.

            Rorel No.26-na chuan Missionary P.Lalrinawma chu Pastor-ah a tinghet a. Pastor C.Lalremsiama leh Pastor P.C Vanlalruata te, NEI UPC a\anga Mizoram UPC a lo lut tharte chu Pastor atan lak ngheh an ni bawk a. Evan. B.Lalchhanhima of Khawzawl leh leh Evan. C.Lalbiakhluna, Kolasib te chu Tirhkoh hna thawk tura lak ngheh an ni bawk.

            Kum 1999 kumah chuan Manja, Karbi Anglong (Assam) a NEI UPC a thawk Pastor Ngulkhozang-a ho member eng emaw zatin Mizoram UPC an rawn zawm a. Dimapur lam a\angin Pastor Lalremsiama leh Pastor Kamal Pegu-a ten member 190 lai  November 1999 ah an rawn luhpui bawk a. Birpara Field lamah member 70 an lo tling chho va. Agra Field lamah member 124 lai an lo tling bawk nen, 1999 March thlaah Pastor H.Vanlaltlana rawngbawlnaah Thingsai khuaa NEI UPC member 170 laiin Mizoram UPC an rawn zawm thar a. 1999 Mizoram UPC General  Assembly Dt. 10-12 December-a Tuikual Indoor Stadium-a Rorel No.5-na chuan Thingsai Pastor Bial thar chu a hawng ta bawk a. Chung te chuan 1999 General a Assembly boruak a tinuam em em mai a. 1999-2000 Kohhran pui Budget - `.86,84,433.30p (Nuai sawmriat paruk singriat sangli zali sawmli leh pawisa sawmthum chiah) a ni. (1999 Assembly Res. No.12)

  

Kum 2000 a Mizoram UPC chanchin langsar

zual te leh hmasawnna te

            Dt. 13-14 June, 2000 Mizoram UPC Executive Board rorel No.13-na chuan Missionary P.Lalrinawma chu Pastor nihna (title) a pe a ni. Rorel No.26-na chuan Lalhmudika leh Heramot Meitei te, chawl lova NEI UPC a Pastor thawk lai chuan Mizoram UPC an rawn zawm a. Mizoram UPC Pastor-ah  a nghet lo va fixed pay `. 3000/- (Sangthum) a rawih tura tih tluk a ni.

            Dt. 6-7 December, 2000 Mizoram UPC Executive Board rorel No. chuan Executive Chairman atan Upa Dr. Saingura Sailo of Bungkawn chu thlan tlin a ni. General Treasurer turin Rev. Halai, Saiha bialtu chu thlan tlin a ni bawk. Rorel No.24-na chuan Pastor Lalnghaksanga, Niawhtlang bialtu chu Bangladesh hmunah Missionary hna thawk tura lak a ni.

            Rorel No.27-na chuan Rinchungnunga, Office-a thawk chu Appointment pek a ni. Rorel No.28-na chuan Pastor Navratan Singh-a leh Pastor Heromot Meitei te chu regularised an ni. Rorel No.33-na chuan Evan. J.H.Lalsiamthanga, Evan. Lalparvula, Evan. V.Rothuamluaia te chu Pastor atan lak an ni bawk. Rorel No.35-na chuan Lalhmudika chu Pastor atan a la. Rorel No.36-na chuan Evan. Lalhmangaiha Pautu chu Mualthuam ‘N’ Tirhkoha awm turin a la a. Evan. Lalchawiliana, Phuldungsei chu Zawlnuama Tirhkoh va awm turin a la bawk a. Evan. Ralsanga, Ainak chu Ainaka Tirhkoh va awm turin a la bawk a ni.

            Kum 2000 ah chuan Manipur State chhunga Leimakhawng a\ang te, Tuikun a\ang te, Bishenpur a\ang tein Evan. Heramot Meite leh member eng emaw zatin Mizoram UPC an rawn zawm leh ta a. Myanmar a\angin Pastor Khuailinga, Khampat II Sectional Pastor chuan Pastor pahnih (2) leh Khampat II Kohhran member 214 a rawn luhpui a.

            Kum 2000 Mizoram UPC General Assembly, Ramhlun Sport Complex-a Dt. 9 December Rorel No.5-na chuan Brahmaputra Valley leh Barak Valley te Mission Field-ah a hawng thar a. Assembly Rorel No.7-na chuan Imphal Pastor Bial a hawng thar ta bawk a.

            Rev. R.Laldawngliana leh Pastor P.Lalrinawma te chu Dt. 9-12 October, 2000 Alwaye (Cochin) ah All India Oneness Seminar hmangin an zu kal ve a. Chutah chuan India chhim lam a\angin Oneness Group hrang hrang Pastor 97 lai an lo kal khawm a. Chuta \ang chuan India rama Oneness Group hrang hrangte leh Mizoram UPC chu an inhmelhriat \an  ta a. Kum 2000 Mizoram UPC Assembly chu  India chhim lama Immanuel Pentecostal Church Pastor Kunzumun-a’n a rawn hmanpui a, an lawm hle a ni. Kum 2000-2001 Kohhranpui Budget - `. 87,21,841/- (Nuai sawmriat pasarih singhnih sangkhat zariat sawmli pakhat). (Assembly Res. No.15)

Kum 2001 a Mizoram UPC chanchin langsar

zualte leh hmasawnna te

            Dt. 18 January, 2001 Pastoral Board rorel No.1 chuan Evan. Lalthankima of Rabung chu Bukpui PastorBial enkawl tura Tirhkohva lak a ni. Dt. 9-10 August, 2001 Executive Board rorel chuan R.D.Rothanzauva (Zautea), Press Manager chu Regularised ni se a ti. Dt. 4-5 December, 2001 Mizoram UPC Executive Board Rorel No.1-na angin General Superintendent turin Rev. Chhunglawma, Bazar bialtu chu thlan tlin a ni. General Secretary atan Pastor Lalthantluanga, Khawhai bialtu Pastor chu thlan tlin a ni.

            Executive rorel No.27-na chuan District tina Ramthim Revival  kum tin neih ni tawh rawh se an ti. Rorel No.34-na chuan Pastor P.Lalrinawma, Mission Field Supervisor chu Missions Board Secretary a la a ni.

            Kum 2001 Mizoram UPC General Assembly Dt. 7-8 December rorel No.13 chuan Barak Valley bial a hawng thar a, bial Headquarter atan Hmarkhawlian chu hman a ni a. Myanmar a\anga Mizoram UPC rawn zawmtute chu District a ding hrang ve turin Assembly rorel No.20-na chuan a pawmpui ta a ni. Hemi rual hian Zemabawk bial tih \hin chu ‘Bawngkawn bial’ tia thlak a ni bawk. 2001 Assembly boruak luahtu pakhat chu Myanmar a\anga Mizoram UPC rawn zawmtute District pek an nih hmaa General hotute thlannaa vote an lo neihtir chu a ni. Palai kal pawh an tam vak lo. Kum 2001-2002 Kohhranpui Budget `. 93,00,000/- (Cheng nuai sawmkua pathum)  a ni.

Kum 2002 Mizoram UPC chanchin langsar

zual te leh hmasawnna te

            Kum 2002 June, Mizoram UPC Executive Board rorel No.12-na chuan Kanghmun bialtu Pastor C.Lal\anpuia chu Pastor a\angin a chawlhtir a. Rorel No.15-na chuan Evan. Saienga Sailo chu Pastor-ah a la thar thung a ni.

            Kum 2002 kum hian Manipur – Senvawn, Taithu, Elim, Damdiai, Parbung a\angin Pastor Biakchuailova telin NEI UPC a\angin member 130 (za sawmthum) zet an lo lut thar a. Dt. 4-5 December, 2002 Mizoram UPC Executive Board rorel No.46-na chuan Pastor Biakchuailova chu thla khata `. 3000/- (fixed) a Senvawna awm tura a nghet lo va rawih phawt ni se an ti.

             Executive rorel No.40-na chuan Pastor atan heng mite hi a dah nghet – Evan. Lalhmangaiha Pautu of Bungkawn leh Evan. Lalthankima of Rabung chu Pastor-ah lak an ni a. Pastor Gospelthanga of Ankhachhuah, NEI UPC Pastor lo lut thar chu Pastor atan lak a ni bawk a. Pastor H.Lalrinpuia, Pentecostal Reform Church a\anga lo lut chu kum 62 a lo nih tawh avangin Mizoram UPC pension kum bithliah kum 65 a tlin huna chawl leh turin Pastor-ah lak a ni.

            Rorel No.47-na chuan Pastor Ngulkhojang Guite chu Voluntary Pension-in a dil ang hian chhuak mai se, an ti. Rorel No.49-naah chuan Ruantlang bial Dilkawnah Tirkoh dah ni se, Buang, Lianpui, Khuangleng, Vangchhia heng khuate hi enkawl se tih a ni. Rorel No.2-na ah Puipa tur thlanna neih a ni a. Executive Chairman-ah Upa Lalthlamuana Hnamte thlan tlin a ni a, General Treasurer ah Rev Vanlalsipaia thlan tlin a ni. Rorel No.13-naah Ram lei Committee din a ni a, hengte hi hotute leh member te an ni - 

Chairman -       Upa Lalthlamuana Hnamte,

                         Executive chairman

Secretary -        Rev Lalthantluanga, General secretary.

Members te :  

1) Pastor H.Vanlaltlana,                      2) Upa Lalnunmawia,

3) Upa Lalpianthanga,                         4) Upa Dr. Saingura Sailo,

5) Upa J.Lalramliana,                          6) Rev Chhunglawma,

7) Rev Vanlalsipaia te an ni.

            Dt. 6-7 December, 2002 Mizoram UPC General Assembly,  Bawngkawna Rorel No.14-na chuan, Rongmen School, Shillong-a mi chu Kohhran puiin enkawl tawh se an ti a. Rorel No.3-na chuan Khanpui, Khawlek, Khawlian ah te Mizoram UPC a lo pian tak avangin Khanpui Pastor Bialah hawn a ni a. Evan. H.Lalrinpuia chu Pastor-ah lak a ni. Rorel No.4-na chuan Champhai District, Serchhip District, Aizawl North District te kum 2003 a din \an turin a pass a ni.

            Kum 2002 Mizoram UPC General Assembly hi India chhima Jesus Name Pentecostal Church (JNPC), Pastor Y.Joseph, Pastor Sibu, Pastor Jacob John ten an rawn hmanpui a. Mizoram UPC ten an thurin ang ringtu thawhpui tur an han nei mai tur chu an lawm hle a ni. NEI UPC ah khan an inkhawmpui kha Sap hovin an hmanpui \hin a, Mizoram UPC inkhawmpui rawn hmanpuitu JNPC Pastorte kha an hang si a, “Mizoram UPC Sap chu an va hang ve” ti tawk pawh an awm.

Kum 2003 Mizoram UPC chanchin langsar

zual te leh hmasawnna te

            Kum 2003 May thlaa Executive Rorel No.15-na chuan Dt. 5 December 2000 a Zawlnuam Bial enkawl tura lo lak tawh Evan. R.Lalchawiliana of Phuldungsei chu a kum a lo upat deuh tawh avangin Pastor-ah hlan kai theih a nih loh avangin amah Evan. R.Lalchawiliana dilna angin `. 25000/- (Singhnih sangnga) pein a rawngbawlna chawlhtir a ni. Rorel 15-na, Lalrinsanga S/o Rev R.T.Saihnuna, Office Peon thawk lai chuan zuk leh hmuamah a fihlim theih loh avangin ban a dil chu a pawmpui a ni.

Mizoram UPC Ram lei Committee chuan Dt. 5 May, 2003 ah Pi Lallianpuii LSC No. 61/70 of 1970, Khatla Peter Street-a mi chu a In ding lai nen nuai sawm (10) pe phawt a Court lama tihfel hnua nuai sawm (10) pe leh turin an  lei a. Pi Lallianpui hian Mizoram UPC chu bumin a tibuai ta a, Court hial thlen a ngai ta a ni. Mizoram UPC chuan cheng nuai sawm chu a lo pe hman si a, a buaithlak ta em em a.

            Dt. 8-9 December 2003 Executive Board Rorel No.2-na chuan Mizoram UPC General Superintendent atan Rev. H.Vanlaltlana, Headquarters bialtu Pastor chu thlan tlin a ni. General Secretary atan General Mission Secretary thawk lai Rev. Ngurthanpara Sailo chu thlan tlin a ni bawk. Rorel No.22-na chuan Evan. Jakoba chu Diltlang bial Pastor turin a la. Rorel No.23-na chuan Evan. C.Lalawmpuia of ITI chu Dilkawnah Tirkoh hna thawk tura lak a ni. Rorel No.25-na chuan Evan. Lalbiakmawia of Nghalchawm chu Thingsai Pastor Bial enkawl tura Tirhkohva lak a ni. Nagathol-a thawk turin Evan. Rothanga of Kolasib chu lak a ni bawk.

            Rorel No.2-na chuan Lunglei ‘N’ Bialtu Pastor H.Lalhmangaiha chu Pastor a\angin a chawlhtir ta a ni. Rorel No.5 chuan Kanghmun bialtu Pastor Chawnthanga chu kum nga chhunga Bible School a kal chhuah theih loh avangin chawmdawlna Rs. 60,000/- (Singruk) pein Pastor a\angin a chawlhtir bawk a ni. Rorel No.17-na chuan Evan. Khenchunga, Phura Tirkoh chu rawih tawh loh mai ni se tiin a rel.

            Kum 2003 Mizoram UPC General Assembly Durtlang M.C Hall-a Dt. 12-13 December Rorel No.3 na chuan kum tinin District Ramthim Revival neih ziah ni rawh se tih chu a pass a. Rorel No. 6-naah Champhai District tih chu ‘Tuichangral District’ tia thlak a ni. Rorel No.6, Sub-No.3-na ah Aizawl North District tih chu ‘Hmarchhak District’ tia thlak a ni ta bawk. Rorel No.14-naah |awipui Bial tih chu ‘Thingfal Bial’ tia thlak a ni bawk. Rorel No.15 Mizoram UPC hnuaia Ramthim field kan neih te hian Revival Khawmpui nei ve \hin tawh se tih chu pass a ni bawk.

            Rorel No.16-na ah Mizoram UPC te hian Missionary Convention neih ve \hin tawh ni se tih chu pass a ni. Rorel No.28-na ah chuan Mission Department hi a hrana din ni leh tawh rawh se tih chu pass a ni bawk. Rorel No.29-naah Lungleiah Sub-Office kum 2004 a\anga hawn leh ni rawh se, tih chu pass a ni  bawk.

Kum 2004 Mizoram UPC Chanchin langsar

zual te leh a hmasawnna te

            Kum 2004 ah chuan Mission Department chu a hrana din a ni leh ta a. Chairmanah Rev. Chhunglawma a ni a. Secretary-ah Rev. R.Lalthantluanga a ni. January 15 ah chuan JNPC leh Mizoram UPC te chu thawkho tura inbiak tluk a ni ta a. JNPC aiawhin an President Rev. C.D Babya’n hming a ziak a, Mizoram UPC aiawhin Ramthim Chairman Rev. Chhunglawma’n hming a ziak a ni. Hei hi Mizoram UPC ten ziak meuh va Kohhran dang kan thawhpuina hmasa ber a ni.

            Dt. 9 February, 2004 ah Upa H.K Vanlalsiama in chu Lunglei Sub-Office tur chuan General Superintendent H.Vanlaltlana chuan Isua hmingin a hawng ta a. Lunglei Sub-Headquarters kum 2001 kuma khar lo ni tawh chu hawn leh a ni ta a.

            Upa H.K.Vanlalsiama te ram nuai sariha hralh an tum chu Rev. H.Vanlaltlana chuan Financial Board remtihnain Mizoram UPC Sub-Office hmun atan `. 300,000/- (Nuai thum) chauhvin leiah Upa H.K.Vanlalsiama te nupa chu a dil ta chawt mai a. Anni nupa pawh chuan kohhran hmun tur a nih avangin nuai sarih laia miin an dil ngawih ngawih chu cheng nuai thum chuan an phal ta mai a. Cheng nuai thum chu pein an inlei fel ta der mai a. Upa H.K.Vanlalsiama te nupa chungah hian kohhranho te an lawm tak meuh a ni.

            Kum 2004 August 28 ah chu Lunglei lama Isua Kohhran (IK) leh Mizoram UPC chuan thawkho turin an inbe thlu leh ta a. Isua Kohhran aiawhin Assembly Chairman Upa Sapchhawna’n hming a ziak a. Mizoram UPC aiawhin Executive Chairman Upa Lalthlamuana Hnamte in a ziak a ni.

            Dt. 21 June, 2004 Thawh\anniin Melury Nagaland Pu Vanlaltluanga inah Nagaland NEI UPC a\anga Mizoram UPC rawn zawm duh Rev. Danishka leh a hote Mizoram UPC General Superintendent Rev. H.Vanlaltlana’n a lawm lut a. Mizoram UPC Executive Chairman Upa Lalthlamuana Hnamte in Nagaland Mizoram UPC te awm dan tur hrilhfiahna a nei. Kum 2004 ah tho hian Tripura NEI UPC a\angin Pastor thawk lai pahnih leh member eng emaw zat chu Rev. Ngurthanpara’n Mizoram UPC ah a lawm lut bawk a ni.

            Dt. 6-12 December, 2004 Executive Board Rorel No.1 ah Executive Chairman turin Upa K.Zoramthanga thlan a ni a, General Treasurer turin Rev. R.Laldawngliana chu thlan a ni bawk a. Rorel No.10-na ah General Sunday School Secretary full time-a thawk turin Rev. Vanlalfela thlan tlin a ni bawk a. Sunday School Secretary full time-a Pastor Mizoram UPC in a neih hmasakna ber a ni.

            Rorel No.11-naah Rev. Danishka, Nagaland leh Pastor Chito Debarma, Pastor Uttom Debarma, Tripura te chu NEI UPC a\anga lo lut thar te an ni a, Mizoram UPC-ah Pastor atan lak ngheh an ni bawk a. Rorel No.12-naah Evan. Lalngaizuala of Ruantlang chu Kanghmun Pastor Bial enkawl turin Tirhkohah lak a ni bawk. Rorel No.27-na chuan Pastor Lalhmangaiha Pautu, Saiha bialtu chu Sawrkar Office lama a hnathawh a bansan theih loh avangin Mizoram UPC Pastor a\anga chawlh a dilna chu pawmpui a ni.

                Kum 2004 Mizoram UPC General Assembly Dt. 11-13 a Tuikhuahtlanga Central YMA Hall-a rorel No.6-na chuan kum 2006 a\ang chuan Assembly palai te TA/DA inpek ni tawh rawh se tih chu a pass a ni. Rorel No.9-na chuan Mizoram UPC huam chhunga khawmpui chi hrang hrangte chu a hun tur fel taka ruat sa ni rawh se, tih chu pass a ni. Rorel No.12-na chuan General hruaitu (puipate) an term a zawhin Pastor bialah kum nga an awm leh phawt loh chuan General hruaituah thlan nawn theih rih loh ni se tih chu pass bawk a ni.

            Kum 2005 sawmapakhat budget atan `. 1,33,40,000. 00 (Nuai za sawmthum pathum singli), Buhfaitham budget `. 20,00,000. 00 (nuai sawmhnih) a ni a. Kohhran pumpui budget atan `. 1,97,47,411.00 (Nuai za sawmkua pasarih singli sangsarih zali sawmpakhat) Assembly chuan a pass a ni.

                Kum 2004 Mizoram UPC General Assembly hi India chhima awm Jesus Name Pentecostal Church President Rev. C.D Baby leh Pastor Sibu, Mission Director leh Pastor Jacob John ten an rawn hmanpui a, an thusawiin Assembly palaite a tilawm hle mai. 2004 kum hian ATI, Durtlangah English Section, Pastorte tan Sap\awnga zirna hawn a ni a, JNPC a\angin zirtirtu atan Pastor M.Jose-a pawh hman a ni.

    

Kum 2005 Mizoram UPC Chanchin langsar

zual te leh hmasawnna te

            Kum 2005 January ni 13 tlai 4:00 ah Mizoram UPC leh Apostolic Church of Pentecost of India te thawkho turin Pastor T.J.Joseph-a Quarters No.12-A, Vedavinnayagar, St Gandhi Nagar West, Avadi, Chenai-600054 ah inbiakna an nei a, thawhho chu \ha an ti a. Mizoram UPC aiawhin General Superintendent Rev. H.Vanlaltlana’n a hming a ziak a, Apostolic Church aiawhin Pastor T.J.Joseph-a’n a ziak a ni.

            Dt. 17 January, 2005 ni in JNPC Executive Board leh Mizoram UPC hruaitu General Superintendent Rev. H.Vanlaltlana leh Secretary Rev. Ngurthanpara leh Rev. Vanlalsipaia te chu Adoor, Kerala JNPC Office-ah India ram chhunga rawngbawl dan tur sawihovin an \hukhawm a. Mizoram UPC hruaitute chuan JNPC chu Ramthim rawngbawlnaa hman turin thla tin `. 9000/-(Sangkua) a pui turin an tiam a, he lehkhabu buatsaih hun thleng hian thla tin pek an la ni zel.

            Kum 2004 April thla tir hian Pastor Thanchhinga  chu J.Damhuala fapa nupui neihnaah Delhi-ah a kal a, tah chuan ALJC Missionary Jeremy Lang biak pawh theihna a rawn hria a, chu chu Superintendent Rev. H.Vanlaltlana chu hrilhin Rev. H.Vanlaltlana chuan ALJC Headquarter chu Nl Lalhmingsangi of Zonuam chu punin an be pawp ta a. Rev. H.Vanlaltlana chuan ALJC te chu Upa Lalthlamuana Hnamte kaltlangin lehkhain a dawr zui ta zel a. Khawmpui inhman puia thawhho chu an remti tlang ta a.

            Dt. 21 April, 2005 ah  Assemblies of the Lord Jesus Christ, USA te chuan Mizoram UPC General Superintendent chu Dt. 21-23 June, 2005 a an General Conference hmanpui turin an rawn sawm a. Rev. H.Vanlaltlana aiawhin Upa Lalthlamuana Hnamte a kal ta.

            Kum 2005 ah General Superintendent Rev. H.Vanlaltlana leh Upa R.Lallawmzuala ten Saikawt, Rengkai, Ngurte, Mualvaiphei NEI UPC te chu Mizoram UPC ah an lawm lut a. Rengkai hmunah hian General ram turin in dinglai leh ram zau tak `. 300,000/-(Nuai thum) in an lei bawk a. Saikawt leh Ngurte te chuan an biak in an rawn luhpui a, Mualvaiphei ho chuan an biak in hmun tur an rawn luhpui thung a. Rengkai UPC te chuan an biak in an rawn luhpui ve loh avangin General ram lei chhunga in awmah chuan an inkhawm ta rih a. Kum 2005 chhung hian khaw 23-ah Mizorm UPC a ding thar a ni.

            Kum 2005 Mizoram General Assembly chu College Veng field-ah nghah a ni. Rorel No.6-na chuan Meghalaya, Tripura, Nagaland, Assam, Manipur te chu kum 2006 a\ang chuan Kohhran pui hnuaia awm tawh turin a pass ta a. Rorel No.8-na chuan Manipur District chu a hawng nghal ta bawk a. Rorel No.7 na chuan Pastor bial atan heng te hi a hawng thar a.

    1)   Churachandpur Pastor Bial

    2)   Imphal Pastor Bial

    3)   Subroom Pastor Bial (Tripura)

    4)   Khumlung Pastor Bial (Tripura)

    5)   Monu Pastor Bial (Tripura)

    6)   Shillong Pastor Bial

    7)   Diphu Pastor Bial

    8)   Khotkhoti Pastor Bial

    9)   Nagaland  Pastor Bial

  10)   Dilkawn Pastor Bial

  11)   Rorel No.20-na ah Vathuampui Pastor Bial hawn a ni bawk.

            Kum 2005 Mizoram UPC General Assembly hi Pastor Bial thar hawn tam ber kum a la ni awm e. Kum 2005 a\ang chuan Mizoram UPC chu Pastor Bial 61 leh District 11 lai a lo tling ta a. Tin, ni 25-26 June, 2005 Executive Board Rorel No.12-na chuan Pastor atan Evan. Kamal Pegu-a chu a la nghet a. 7-8 December, 2005 Executive Committee Rorel No.14-na chuan heng mite hi Pastor atan a la leh ta a – Evan.  C.Ramsangvawra, Evan. C.Lalawmpuia,  Evan. Chawngkhuma. Rorel No.19-na chuan Evan. B.Lalchhanhima chu Pastor-ah a la bawk a.

            Kum 2005 Executive Committee bawk chuan Rorel No.19-naah Tirhkoh Pastor Bial enkawl turin heng mite hi a la bawk a -

1)  Evan Laltlankhuma, Khawlek Pastor Bial enkawl turin.

2)  Evan Lalhmunngheta, Kawrthah Pastor Bial enkawl turin.

3)   Evan H.C.Lalthlamuana, Aibawk Pastor Bial enkawl turin.

            Rorel No.25-na chuan Khanpui Bial chu ‘Khawlek Bial’ tiin a thlak danglam bawk a. Pastor H.Lalrinpuia chu kum 65 a lo tlin tawh avangin bial enkawltu a nihna chu a chawl ta bawk a. Rorel No.4-na chuan Office a Computer Operator tur lak a remti bawk a. Rorel No.5-na angin Dak runner atan Lalnunsanga of Durtlang chu lak a ni  bawk a.

            Kum 2005-ah hian General Headquarters a\angin District hrang hranga tualchhung kohhran sawmnga (50) hnenah biak in sak nan `. 35,15,300.00 (Nuai sawmthum panga singkhat sangnga zathum) an sem chhuak a. Pastor Quarters sak nan `. 7,10,000.00 (Nuai sarih singkhat) an sem chhuak  bawk a. Biak in sak nan leh Pastor Quarters sak nan a sem chhuah zat chu `. 42,25,300.00 (Nuai sawmli pahnih singhnih sangnga zathum) chiah a ni. Hetiang zat sem chhuak chung hian sawi buai tur awm hauh lovin Opening  Balance-ah `. 18,60,255.55p (Nuai sawmpariat singruk zahnih sawmnga panga leh pawisa sawmnga panga) a la ban bakah, Kum 2006 a C.C Loan sem tur tih fel sa thlap nuai sawmhnih (`. 20,00,000) an la hnuchhiah bawk a ni. C.C Loan hi Kohhranpui Account-ah chhiar tel a ni lo.

            Ni  9 December, 2005 ah Mizoram UPC leh Assembly of the Lord Jesus Christ (ALJC), USA te chu thawkho turin an inbe thlu fel a. ALJC (USA) aiawhin Foreign Missions Director Rev. M.L Walls-a’n a hming a ziak a. Mizoram UPC aiawhin General Superintendent Rev. H.Vanlaltlanan a hming a ziak a, Mizoram UPC leh ALJC te chu an thawkho ta a ni.

            Kum 2005 Assembly hi India ram chhung leh ram pawn a\angin heng mite hian an rawn hmanpui-

1.   Pastor Carnegi te  nupa, London, UK atangin.

2.   Rev M.L.Walls,  ALJC, USA

3.   Rev Vernon Kelly, ALJC,  USA

4.   Pastor Jeremy Lang,  ALJC,  USA

5.   Sis. Amber Lang, ALJC,  USA

6.   Pastor T.C.John &   Pastor James Samuel

      Immanuel Pentecostal Church in India

7.   Pastor K.J.Joy,  Church of God in India in the name of Lord     Jesus Christ.

8.   Pastor Albert Williams & Pastor Nelson P.S,

      Jesus Christ Ministry.

9.   Pastor C.D.Baby, Pastor Y.Joseph, Pastor Sibu K.Paul Jacob  & Pastor Jacob John P, Jesus Name Pentecostal Church .

10.       Jimmie Rajan  &  Pastor Lukose Jayaraj

     Assembly of the Lord Jesus Christ, Kerala.

11.       Pastor Johny Davis, Immanuel Prayer House Trust.

12.       Pastor P.Dominic Savio, Jesus Name Ministries, Chennai.

13.       Bishop S.S.John, Apostolic Church, Michilipatnam, Andhra Pradesh.

14.       Dr.K.P.Joseph, President, Heavenly Church of God In          India, Trichur-5, Kerala.

15.       Pastor T.J. Joseph, Apostolic Church of Pentecost of India, Chennai,   Tamilnadu.

            Heng kan han tarlan bakah hian India ram chhunga Missionary thawk lai te leh an enkawl kohhran member tam tak an lo kal bawk a. Myanmar lam a\angin kohhran hrang hrang, Mizoram UPC thurin pawmpuitute an lo kal nual bawk a ni; kan sawi vek seng lo vang. Mizoram UPC in rawngbawlna kawngah nasa takin hma a sawn a ni.

            Ni 12 December, 2005 hian All India Oneness Group din tura inhmuhkhawmna hmasa ber Mizoram UPC Committee Room-ah neih a ni a. Mizoram UPC Executive Chairman Upa K.Zoramthanga’n a kaihruai a. Mizoram UPC General Superintendent Rev. H.Vanlaltlana’n hunserh a hmang a, hotu atan heng mite hi thlan an ni. Chairman-ah Upa Lalthlamuana Hnamte, Secretary-ah Rev. Ngurthanpara Sailo a ni. Kum 2005 Mizoram UPC General Assembly rawn hmangtu, India rama mite leh UK leh USA lam te an tel \ha a. India rama rawngbawl zel dan turte sawiho a ni a, an phur tlang hle. Kum 2006 sawmapakhat budget atan `. 1,57,81,000/- leh Buhfaitham ah `. 20,00,000/- ruahman chu Assembly-in a pawm pui bawk.

            Kum 1995-2005 inkara Mizoram UPC Sawmapakhat Budget \han chhoh dan

1995-1996           -              7,25,000.00

1996-1997           -            32,11,000.00

1997-1998           -                                

1998-1999           -            44,13,000.00        

1999-2000           -            57,00,000.00

2000-2001           -            72,00,000.00

2001-2002           -            77,04,800.00

2002-2003           -            8,849,000.00

2003-2004           -            91,95,000.00

2004-2005           -         1,32,80,000.00

KUM 1995-2005 A MIZORAM UPC

PUIPATE

1995-2005 inkara Mizoram UPC

Chairman lo ni tawh te

1.  Upa K.Zoramthanga                      -      1995-1996

2.  Upa Lalnunmawia                          -      1997-1998

3.  Upa A Sawihlira                            -      1999-2000

4.  Upa Dr. Saingura                           -      2001-2002

5.  Upa Lalthlamuana Hnamte             -      2003-2004

6.  Upa K.Zoramthanga                      -      2004-2006

1995-2005 inkara General Superintendent

lo ni tawh te

1. Rev R.T.Saihnuna        -      April 1995 -  May1995

2. Rev Vanlalsipaia          -      May 1995-  Dec.1995

3. Rev Saihnuna               -      1996-1997

4. Rev Chhunglawma       -      1998-1999

5. Rev Vanlalfela              -      2000-2001

6. Rev Chhunglawma       -      2002-2003

7. Rev H.Vanlaltlana        -      2004-2005

1995-2005 inkara General Secretary

lo ni tawh te

1.  Rev Vanlalsipaia                -     1995-1996

2.  Rev R.Laldawngliana         -     1997-1998

3.  Rev Vanlalfela Sailo          -     1999

4.  Rev C.Challianngenga       -     2000 -2001

5.  Rev Lalthantluanga            -     2002-2003

6.  Rev Ngurthanpara Sailo     -     2004-2005

1995-2005 inkara General Treasurer

lo ni tawh te

1.   Upa Lalthlamuana Hnamte      -     1995-1996

2.  Rev K.Vanlalvuana           -     1997-1998

3.  Rev R.Laldawngliana        -     1999-2000

4.  Rev H.Halai                      -     2001-2002

5.  Rev Vanlalsipaia               -     2003-2004

6.  Rev R.Laldawngliana        -     2005-2006

1995-2005 inkara Mizoram UPC General

Assembly neih tawhna khua te:

1.   Ni 10-12 March, 1995       -           Serchhip Hebron biak inah

2.   Ni 11-12 March, 1996       -           Khawzawl Vengpuiah

3.   Ni 29 Nov-3 Dec, 1996    -            Aizawl Dinthar biak inah

4.   Ni 12-13 Dec, 1997          -           Kolasib Taitesena Hall-ah

5.   Ni 11-12 Dec, 1998          -           Aizawl Chaltlang Field-ah

6.   Ni 10-12 Dec, 1999          -           Tuikual Indoor Stadium-ah

7.   Ni 9-11 Dec, 2000            -           Ramhlun Sport Complex-ah

8.   Ni 7-9 Dec, 2001              -           Kawnpui Hall-ah

9.   Ni 6-7 Dec, 2002              -           Aizawl Bawngkawn Hall-ah

10. Ni 12-13 Dec, 2003          -           Durtlang M.C Hall-ah

11. Ni 11-13 Dec, 2004          -           Tuikhuahtlang YMA Hall-ah

12. Ni 8-11 Dec, 2005            -           Aizawl  College Veng Field

1995-2005 inkara kohhran member pun dan

            1995 Mizoram UPC Pian kum hian member zat inchhiarna chiah a awm loh avangin 7000 a\anga 8000 inkar chu ni ngeiah ngaih a ni. 1995-1997 inkara pun dan hi chhinchhiahna mumal a awm lo bawk.

Kum      Punna zat               Kum        Punna zat        

1998      1890                      1999        1727   

2000      1842                      2001        2391   

2002      2462                      2003        2756   

2004      3607                      2005        2699

              Kum 2005 General Assembly Record Bu  p.136 in a tarlan dan chuan, kum 2005 a Mizoram UPC member zat chu 40,193 (Singli za sawmkua pathum) chiah an ni.

Mizoram UPC District dinhmun leh

a lo pian chhuah dan

Mizoram UPC District-a kal \hin chu ni 10 August,1995  ah ‘General’ ti a thlak a lo nih takah khan, General leh bial han indawr tawp mai chu remchan loh deuhna awma hriain, kum 1996 Mizoram UPC Assembly vawi hnihna ni 2-4 March, 1996 rorel No.2-na chuan bial a\anga General Assembly-a agenda lo lut tur lo thlifim turin District din ni se tih chu a rel thlu ta a. Mizoram UPC General Assembly hnuaia awm turin  District hrang hrang din chu a tul ang zela k alpui ni rawh se, tih a ni ta bawk a.

            Mizoram UPC General Assembly hnuaia District hrang hrang lo pian kum leh hruaitu hmasa te chu hengte hi an ni:

North Mizoram District :

Din kum – 1996

Hruaitu hmasa te:

      1)   District Superintendent     -    Rev Chhunglawma

      2)   District  Chairman            -   Upa Lalnunmawia

      3)   District Secretary             -   Upa Rothuama

      4)   District Treasurer          -   Rev Zaikunga

Lunglei District :

Din \an kum – Ni 6 January, 1996

Hruaitu hmasa te:

      1)   District Chairman             - Evan B Kapmawia

      2)   Vice Chairman                 - Evan Lalfamkima

      3)   District Secretary             - Upa Hmingthanmawia

      4)   Assistant Secretary          - Evan P.C.Lalhmingliana

      5)   District Treasurer             - Evan P.C.Laldawla

      Ni  20 January, 1996 a lo lut Rev Saithanga Sailo chu District Superintendent a ruat a ni bawk.

Lawngtlai District:

Din tan kum - Ni 12 January, 1997

Hruaitu hmasate:

      1) District Superintendent      - Pastor H.Vanlaltlana

      2) Distict Chairman                - Upa Z.Hengmang

      3) District Secretary               - Upa C.Tialvunga (Valtea)

      4) District Treasurer               - Evan.S.Lalbiakthuama

Saiha District:

Din tan kum - Ni 17 January,1998

Hruaitu hmasate:

      1) District Superintendent      - Rev. H.Halai

      2) District Chairman              - Upa R.Zasanga

      3) District Secretary              - Upa Lalthianghlima

      4) District Treasurer             - Upa  Pakunga

Hmarthlang District:

Din \an kum – 1996

 Hruaitu hmasate:

      1)   District Superintendent     - Rev Chalhuaia

      2)   District Chairman             - Upa Sailianpuia Sailo

      3)   District Secretary             - Upa Laibuanga

      4)   District Treasurer            - Rev. Kaizaliana

Khawthlang District :

Din \an kum –Ni 23 January,  1998   

Hruaitu hmasate:

      1)  District Superintendent     - Rev Vanlalfela Sailo

      2)  District Chairman             - Rev H.C.Thangluaia

      3)   District Secretary           - Evan Saihranga Sailo

      (August 1998 a\angin Upa Lalnuntluanga chhangte)

      4)   District Treasurer           - Rev C.Zathanga

Myanmar District :

Din \an kum – 2002 

Hruaitu hmasate:

      1)   District Superintendent     - Rev Khuailinga

      2)   District Chairman             - Thangzuala

      3)   District Secretary            -  Evan Rokhuma

      4)   District Treasurer           -  Pastor Rosiamliana

Hmarchhak District :

Din \an kum – 2003

Hruaitu hmasate:

      1)   District Superintendent     - Rev Sairuma

      2)   District Chairman             - Upa J.Lalramliana

      3)   District Secretary             - Evan K.Vanlalhluna

      4)   District Treasurer             - Pastor R.Laldawngliana

Serchhip District :

Din \an kum - Ni 12 February 2003 (Nilaini)

Hruaitu hmasate:

      1)   District  Superintendent    - Pastor B.Kapmawia

      2)   District Chairman            - Evan Vanlalrema

      3)  District Secretary              - Upa Lalhuapzauva

      4)  District Treasurer             - Pastor F.Lalhmachhuana

Tuichangral District :

Din \an kum - 1996

Hruaitu hmasate:

      1)   District  Superintendent    - Rev H.Lalhmangaiha

      2)   District Chairman             - Upa R.Vanlawma

      3)   District Secretary              - Upa Vanlalruata

      4)   District Treasurer             - Rev F.Rothianga

Manipur District :

Din \an kum 2006 Hruaitu hmasate

      1)   District Superintendent     -  Pastor P.C.Lalhmingliana

      2)   District Chairman             - Rev Joseph Dengchhuana

      3)   District Secretary              - Upa Lalvullian            

      4)   District Treasurer             - Pastor Chawngkhuma

            Kum 1998 Mizoram UPC General Assembly Rorel No.4-na chuan District tin inkhawmpui a ruala hman \hin turin a rel. Kum 2003 Mizoram UPC General Assembly, Durtlang M.C Hall-a neih Rorel No.6-na chuan Aizawl District tih chu ‘Hmarchhak District’ tiin a hming a thlak a, Champhai District tih pawh chu ‘Tuichangral District’ tiin a hming a thlak bawk. Mizoram UPC te hian kum 10 (sawm) chhungin District 11 (sawmpakhat) an hawng hman a ni.

If you enjoyed this post and wish to be informed whenever a new post is published, then make sure you subscribe to my regular Email Updates. Subscribe Now!

Kindly Bookmark and Share it: