A chhelai siamtha tu

‘Chutichuan unaute u in zingah Thlarau leh finna a khat, mi hming \ha hlir pasarih thlang rawh u. Anni chu heng thil reltu atan kan siam ang’ (Tirhkohte 3:6).

      Insit tak chungin thupui kan thlang chhuak ve ringawt mai a, sawi goal thiam ve tak ang maw.. Awle Kohhran chanchin han sawi dawn hi chuan Penticost Ni ngaihtuahna mitthlaah alo lut nghal uai uai  mai \hin a nih hi. APOSTOL-te hun lai Kohhran kan han tih hi A.D.30 Penticost ni a\anga in\anin A.D.100 Johana thih thleng chu a huam a, hemi hun chhung hi Apostol ten \ha tak, diktak leh taima taka Isua Krista thupek ang zel a, rawng an bawl hun chhung a ni. Isua’n Van alawn dawn khan zirtir te hnenah thupek hnuhnung ber chhhandamna thu apek hnu khan zirtirte chuan Jerusalem khua kalsan lovin pindan chungnungah chuan zirtir-hote mi 120 lai mai chuan Thlarau Thianghlim lo thleng tur chu an nghak a, (T.T 1:4, 2:1-4), an zain hmunkhatah an awmkhawm vek a, chumai nilovin rilru hmun khatin an awm a, \hahnemngai takin an \awng\aia, Tin, thawklehkhatah ri, thlipui angin alo thleng ta phut a, chu chuan an awmna In chu a tikhat ta vek a, Lêi-te amah a insem darhin Mei angin an hnenah alo inlar a, Thlarau Thianghlim a khatin Thlarauvin a \awngtir ang zelin \awng dangin an lo \awng ta a, an ri ta mup mup mai ni ngei tur a ni, mitam tak an zingah chuan an lo kal khawmin Uain rui ah te an ngai ta hial a nih kha. Uain (Zu) an ruih lohzia leh Lalpa Thlarau Thianghlim lo thlen avanga chutia awm an ni tihte sawiin, Peterea chuan Isua Krista thu (Chhandamna thu tluan tling chu a sawi \an ta a ni).

         Isua Krista an khenbeh ngei a kha Pathian nung awm chhun leh Amah lo chu Pathian dang an awm lohzia te   sawiin, chu Isua ringte chuan chhandam nan Sima amah (Isua) hminga Baptisma changa Thlarau Thianghlim dawngte chu chhandam tur an nih thu Pathian thupek a dawn chu huaisen takin a puang ta. Chu a thusawi chu Pathian thudik tak anih avangin Lalpa’n mal a sawm a, mi sangthum lai belhchhahin an awm ta anih kha. Thlarau Thianghlim pek alo tiam tawh zawlnei Joel-a tesawi chu a takin alo thleng ta Lalpa chu fakin awm rawh se.

         Penticost ni a\ang chuan Khawvel Kohhran hmasa ber chu alo ding chho \an ta a, hetih hunlai hian Biak-in an la neih loh avangin Solomona hulhliap-ah leh Jerusalem pindan chungnungah an in pawlkhawm \hin a ni. Chumai bakah a remchanna hmun apiangah Krista thu an hril bawk \hin. Nimahse, Kohhran-te chuan reilo teah harsatna an tawk nghal a, Petera leh Johana chu rorelna hmaah te kovin Isua hminga thusawi tawh lo tur in an vau a, nimahsela Pathian Thlarau in a thuam tlat avangin Kohhranah buaina aiin inpumkhatna \ha zawk lo thlengin inhmangaihna nasa tak alo thleng a, an thil neihte pawh an in\awm ta hial a ni. Chutichuan, keini Penticost Thlarau mite hi pawn lam mite a\anga sawichhiatna leh Thuthlung sawihnawmna hrang hrang tawk \hin mah ila, chungte chuan harsatna aiin \an hona \hazawk leh thawhhona \hazawk min siam  fo zawk a ni.

         Nimahse, Thlarau mite zingah pawh harsatna alo thleng ve tlat mai, thil sem chungchangah inhnialna lo chhuakin rilru inpumkhat lohna alo thlen ta tlat mai, engtin nge zai khat a kan luanza leh theih ang tih ngaihtuah hoin mi hming\ha \hiau Upa pasarih an thlang chhuak ta hial a ni. An thlanchhuah te hi englai pawha an zinga tel \hin, hlim taka |awnghriatlohte nen Lalpa an fak pui \hin, hreawmna leh harsatna alo thlen pawh a an tawrhpui \hinte an nih avangin Kohhran chhelai, harsatna lai, bauina lai leh an ngaihdan in an loh laite hrechiang em em tute an ni a, chuvang chuan rual khat takin ei lehin chungchang an buaipui ta a, chumi hnu chuan inpumkhatna \hazawk lo thleng lehin tam takin Kohhran pawh an lo pung chho leh ta a ni.

         Hetiang hian keini pawh Thuthlung fate inti \hin mah ila,  Kohhran chhung a\ang ngei hian harsatna hrang hrang phunnawina te leh inrem lohna te alo thleng thei tih hria in engtin nge kan siam \hat ang tiin ngaihtuah tlang ila, abik takin Kohhran hruaitu Upa-te kan va pawimawh teh lul em... Kan tarlan tak ang hian Kohhran harsatna leh Achhelai siam\ha tur chuan, Kohhran chhiatna leh harsatna hrechiang em em tu nih a ngai a ni. Pawnlam leh mi \awngkam mai a\anga hriat aichuan Kohhran chhung (An zing) ngei a\anga hriat hi a chiang \hin a, chutiang tur chuan Kohhran thiltihnaah kan tel tam a \ul a ni.

                        Kohhran hote kan thlen chin a\anga hma kan sawn zel theih nan pindan pakhat (Kohhran) a kan awm khawm mai bakah rilru pakhat a kan awmkhawm \heuh theih nan leh a chhelai siam\ha tu kan nih \heuh theih nan taimak i chhuah leh zual ang u. Lalpa’n malsawm rawh se.


27 MAY 2012                                                                                                                              T.Upa K.Lalfala

If you enjoyed this post and wish to be informed whenever a new post is published, then make sure you subscribe to my regular Email Updates. Subscribe Now!

Kindly Bookmark and Share it: