Tuia Piantharna chu

"Mi tupawh tuiah leh Thlarauva an pian loh chuan Pathian ramah an lut thei lo vang." Johana 3:5

         A pawimawh zia chu kan hre \heuh mai awm e. Amah Lal Isua ngeiin a sawi a ni si a. Engpawh nise, engtinnge pianthar dan chu tih hi thil pawimawh tak mai a ni a, Chaw ka ei dawn chuan a eidan tur/a kalhmang kan hriat ngei ngei a ngai angin, Tuiah leh Thlarauva Piang tur chuan a piandan kan hriat ngei ngei a \ul

a) Engnge a pawimawhna ? : A hmasa in tuia pian angai a ni tih kan hria a, engtinnge kan tih tak ang le ? Mathaia 3:6 kan en chuan "an sualte thupha chawiin Jordan luiah chuan, ama hnenah baptisma an chang ta hlawm a." tih kan hmu a, chuti anih chuan Baptisma chu kan sualte thupha chawina atan a ni tih kan lo hre ta. T.T.2:38- "Sim ula, in sual ngaihdam nan Isua Krista hmingin baptisma chang \heuh rawh u;" tih kan hmu leh a, Kan sualte kan sim anga, tichuan Lalpa Isua hmingin Baptisma kan chang \heuh tur a ni tiin zirtir te chuan an lo sawi bawk a, Marka 16:16-ah "A ringa baptisma chang chu chhandamin an awm ang a; a ring lo erawh chu thiamloh changin an awm ang." Lal Isua rinna avanga, kan sualna te kan kalsan hnua Baptisma chan chu chhandamna a ni tih kan hre thei ta a.  Heng zawng zawng hi tungchhova kal te tan a ni an sawi ni. Chuti a nih chuan tuia Pianna chu kan chan ngei ngei a lo ngai ta tih chiang takin alo lang chhuak ta a ni. Chatuan nunna kan neih theihna tur a anih avangin ava pawimawh teh lul em!

b) Engtia chan tur nge? : Bible thu kan lak chhuah sa a\ang khian han en ta vang vang ila, kan sualna te kan sim hnuin Lal Isua hnenah kalin chatuan nunna kan neih theihna turin Baptisma kan chan a ngai a ni tih kan hre tawh a, amaherawh chu he khawvelah ngaihdan leh zirtirna chi hrang hrang a lo tam tak avangin a chandan tura buai hi thil awmlo pawh a ni lem lo ve. Entir nan Mihringa lo piang chhuak tur chuan nu pumchhungah kan awm a ngai a, Nu pumchhung a\ang chuan naute/mihring ni turin leh rilru thianghlim sual leh \halo engmah pu lovin saruakin kan lo piang ta \hin ang hian, Tuia Piang tur kan nih avangin tuia kan luh/tui chhunga kan awm a ngai a, tuichhung a\anga rilru thianghlim leh sualna nei tawhlo tur chuan kan luh hmain kan sualna zawng zawng kan dah thla vek anga, Lal Isua hmaah saruaka awmin a hnenah kan in hlan hmasa ang a, chumi hnuah tui a\anga kan lo chhuah chiah chuan mi thar, tuia piang kan lo ni tawh dawn a ni. Tuichhunga kan luha Lal Isua hminga kan in hnimna tak chu Baptisma tih a ni. Baptisma chu engnge tih pawh hi khel tham tak atling a, nimahsela a tawi zawngin i han sawi mai dawn teh ang. Baptisma chu Grik \awng a\anga an lak chhuah niin Baptizo (chiahpil/hnimpil) tihna a ni a, chu ti anih chuan a chiang ta. Baptisma chu chiahpil/hnimpil kherin kan chang tur a ni. In thlawr tih lam alang lova, puanzar kal tlang lam lah a lang heklo. Kan taksa zawng zawng a huh kim ngei tur tihna anih ber chu.

c) Engtinnge kan piangthar tih kan hriat theih ang : A pawimawhna leh a chandan chu kan lo hre leh ta, chumi piaha pawimawh em em, mi tam takin kan hriat thiamloh leh kan in zawhna ni fo \hin chu, 'engtinnge ka piangthar a ni tih ka hriat ang?' tih hi a ni. Ni e, a pawimawh kawp mai, tam tak chuan Baptisma an chan avangin piangthar ta hluaiah te an in ngai mai \hin a, hemi kawngah hian ngaihdan phir Kohhran huang chhungah ngei pawh hian a awm fo \hin. Pathian lehkha thu kan chhut ngun fo a pawimawh. Pathian lehkha thu kan en chuan, An sualte thuphachawi nan Lalpa Isua hmingin Baptisma an chang tih kan hmu a, Petera ngei pawhin, 'in sualte ngaihdam anih theih nan Isua Krista hmingin Baptisma chang \heuh rawh u' a tih kha, chatuan nunna in neihna turin tih a ni lova, kan sualte ngaihdam anih theihna turin tih chauh a ni zawk tih hi kan hriat chian em em angai a ni. A pawimawh ber chu kan sualna zawng zawngte kan sim a, Lal Isua hnena kan kir leh a, kan sualte ngaihdama a awm theihna tur atan a Lal Isua hminga kan sualte tlenfai nan Baptisma kan chan khan, mi thar kan lo ni chauh zawk a ni. Kan thil tih \hin, thil\halo zawng zawngte kan kalsan chuang lova, kan la tih rêng chuan, Isua hmingin Baptisma vawi sang tam chang nawn mah ila, mi thar/piang thar kan ni chuang lo tih hi kan thinlungah i vawng reng ang u. Baptisma chan ringawt hi chhandamna ni lovin Bible chang kan lakchhuah tak ang khan a ruala pawimawh êm êm chu Thlarauva pianna hi a ni. Tuiah leh Thlarauvah tih a nih kha.

         Awle, sawitur tam tak awm mahsela, tun atan chuan duhtawk phawt mai ang. Chhiartu zawng zawngte tan Lalpa’n malsawm rawh se, Amen.

B.      THLARAUVA PIANNA : a) Enge a pawimawhna : Johana 3:5 thu kan en chuan Lal Isua ngeiin, "Mi tupawh Tuiah leh Thlarauva an pian loh chuan Pathian ramah an lut thei lo vang" tiin min hrilh a, tuia pianna leh a pawimawhna kan sawi tawh a, chumi ruala pawimawh êm êm chu Thlarauva Pianna hi a lo ni ta a ni. Pathian ram thleng tur chuan Tui-a kan pian mai kha a la tawk lo cheu mai. Thlarauva kan pian leh a lo ngai ta a nih chu. Johana 6:63 'Tinungtu chu Thlarau a ni, tisa chu engmahah a tlaktlai lo; in hnena thu ka sawite hi Thlarau a ni, nunna pawh a ni.' He thu hian a tichiang hle awm e, mihringte, Pathian Thlarauva thuama kan awm loh chuan he kan lei tisa/taksa ringawt hi chu engahmah a tlaktlai/hmatlak love a tihna ang a ni. Pathian ram chu tisa a thleng tur kan ni lova, Thlarauva luah tur kan nih zawk avangin Thlarau chu a pawimawh êm êm a ni. Pathian Thlarau thuama kan awm siloh chuan he kan mihring hlui hi chu bawhchhiatna/khawlohnaa khat a nih tlat avangin Pathian ram lut tlak a ni lova, chuvangin Pathian ram lut tur chuan Lal Isua ngeiin Thlarauva kan pian a ngai tih min hrilh avang leh piangve lote chuan Pathian ram an luh loh tur thu min hrilh avangin chu chu ringin kan zawm mai tur a ni. He kan lei taksa ringawt hi chuan Pathian ram a lut thei dawn lova, he kan taksa tawih thei hi tawih thei lovin thlak ala ni dawn a, Pathian Thlarau thuama kan awm chuan, tawih thei lova kaithawha kan awm hunah ropuiin a hnenah kan lang ve thei dawn a ni. Mihringte hi Adama atang khan Pathianah chuan mithi kan ni tawh a, Nu pum chhung a\ang renga suala paia awma, suala hrin kan nih tlat avangin tih thianghlim/tih nun kan lo ngai ta a ni. Keimahniin nunna kan neih tlat loh avangin Pathian Thlarauva tih nun kan ngai a, tichuan kan sual taksa thi tawh chu Pathian Thlarau chuan felna avangin min ti nung leh ang a, Ama ruala Baptisma a kaihthawha kan awm tawh hnuin Pathian Thlarauva tih nunin kan lo awm leh dawn a lo ni. Rom 8:10-11 kha en ta ila chiang takin alo lang ta a ni.

 b) Enginnge Thlarau kan chan ve ang :- Luka 11:13 'in Pa vana mi chuan a diltute chu Thlarau Thianghlim a va pe dawn em!" a ti a, Pathian Thlarau duh tak zet kan nih chuan Lal Isua hian engtiklai mai pawh hian Thlarauva min thuam a in peih rêng a ni tih i hre reng ang u. A pawimawh ber chu duh tak takna nena kan beih a, pathian thlarau chang tura, kan neih zawng zawng pawh chan huama Lalpa kan auh chuan a ni chuan a hmangaihte chu a beng a h<p san tawp lovang. Thlarau dawng kan tih pawh hi sawi tur tam tak ala awm thei a, nimahsela, ziah sei theihna hmun a ni si lo. Engpawhnise, Lal Isua'n ahnen kan thlen theihna tur  atana min buatsaih sak kawng awmchhun chu hei chauh hi a ni si a, "Mi tupawh Tuiah leh Thlarauva an pian loh chuan Pathian ramah an lut thei lo vang" Lalpa fakin awm rawh se.


13 MAY 2012                                                                                                Henry S.Chhuanhmingliana

If you enjoyed this post and wish to be informed whenever a new post is published, then make sure you subscribe to my regular Email Updates. Subscribe Now!

Kindly Bookmark and Share it: