Bible tih awmzia

           Ringtu Kristian inti leh Kristian lote chen hian Pathian Lehkhabu Thianghlim (Bible) kan tih hi kan nei fer fur hlawm chu a nih hi. Kristian rama chengte ah phei hichuan chhungtinte hian mahni puala hman tur kan nei deuh vek tih theih khawpin Bible chu kan uarin kan ngai hlu a, kan Lehkha ropui berah kan ngai a nih hi. Kan neih tam ang hu leh kan hlut ang hu chuan kan chhiar tamin kan kawm tam kher lo mai thei a, chu bakah Bible tih awm zia tak hria Bible nei phei hi chu kan tam lutuk hran in a rinawm loh bawk. Chuvangin tun \umah hian Bible tih awm zia hi kan zir ho dawn a ni.

B (Buy it) : Bible tiha hawrawp hmasa ber B hian a sawi tak chu Buy it tihna a ni a, Mizo \awnga a awmzia chu ‘Lei rawh’ tihna a ni ber mai,
Pathian tana mi thawhhlawk \henkhat phei chuan mahni chhungte pual mai pawh nilo Ram leh pawl \henkhat tante an lei

sak hial \hin a ni, hei mai hi a ni lova a thlawna sem hial an awm ta, an inpekna hi a ropui mang e. Bible kan tih hian Thuthlung thar Bu 27 chauh infin khawm hi Bible a tling lova, Lehkhabu hrang hrang 66 infinkhawm hi Bible tih in a huam tak chu a ni. Kohhran hruaitu chin Bible nei lo kan nih chuan a zia lo ngawt ang, Upa pakhat chuan Thuthlung thar chauh hi a keng \hin a, inah pawh Bible tak tak a nei lo bawk, a thusawi pawh a nung lo in a hrechiang tute phei chuan an ngaihnep phah hial a ni, hetiang mite tan chuan ‘Lei rawh’ tih hi a hlu ngawt ang.

I (Investigate it) : Awmzia chu ‘chhui chiang rawh’ tihna a ni a, Bible hian chhuichian a zir chian hi a dawl ngawt reng a ni, a zirchiang leh chhuichiang apiangin a hlutna leh a ropuina an hmuchhuak tam a ni mai a, Sermon \hinte a\ang pawh hian an thusawi uluk taka han ngaih thlak chuan Bible chhuichiang thusawi leh chhui ngai lo thusawi chu hriat theih tak a ni. Kristian 100% intihna Zoramah hian engati nge Bible Pakhat hmang \heuh si Kohhran pawl hrang hrang leh rindan hrang hrang kan awm kan tih chuan Bible thu kan chhuichian loh vang a ni tih hi a chiang hle, Bible chhuichian lohna chuan nghawng pawi tak a nei ta renga, chu chu Thlarau hial thihna (Thih hnihna) hial a hruai thleng dawn ta a nih hi. Keini Pentecost Kohhrante zingah pawh hian Pathian chhamdamna chang pha silo hian UPC ruh hian kan lo ruh ve ang tih a hlauhawm hle mai.

B (Believe it) : |henkhat chuan Pathian thu (Bible) rin aiin mi nei nung deuh te, kan zah zawngte kan ring mai hin Believe it tih a ni a a awmzia chu ‘Ring rawh’ tihna a ni. A tum ber chu Bible thu hian Nunna leh Thihna a thlen theih avangin ring ngam a \ulzia min hrilh a ni, kan ring ngam tak tak nge kan ring mai mai zawk le?

L (Love it) : ‘Hmangaih rawh’ tihna a ni leh a, Bible Lehkhabu hrang hrang infinkhawm hi ka hmangaih che tih a pawm a kuah tur lam nilovin a chhunga thu zawk hi hmangaih tur zawkin min hrilh a ni, miin a nupui, a in leh lo, a neih ro sum zawng zawng a nun hial chan dawn mahse hmangaih tur a min phutna a ni. Bible hawtu tak tak chuan dawt a haw \hin, a chhan chu Bible chu Thudik (Thutak) hlawm a nih vang a ni, Dawt kan la ngaih theih chhung chu in ti ringtu \ha viau mah ila Bible (Pathian thu nung) kan la hmangaih tak tak lo tihna a ni.

E (Elucidate it) : ‘Chhan nei takin hrilhfiah rawh’ tihna a ni, kan ram Bible thu hrilhfiahna siam hrang hrang hi han en ila, Bible thu tum tak aichuan mahni ngaihdan leh pawl mila hrilhfiahna hi ava tam em! chu chuan mi tam tak a kaihruai a, sualah, Rinna dik lovah a hruai peng ta reng a nih hi. Upa Pakhat chuan Petera Lehkha thawn pahnihna ami ‘hnam sawm leh hnam hnih darhte hnenah chuan’ tih kha hnam sawmte chu keimahni kan ni mai tiin a sawi ve piap piap nia mawle, a tum a \helh chiang hle, chuvangin Bible chu Pathian thu infinkhawm a nih avangin (Sam 119:160) Pathian thu tum angin kan hrilhfiah ngei tur a ni. Awle kan sawi tak a\ang khian hma sawnna tur kan nei anih chuan hmasawn tura kan inbuatsaih \heuh a hun ta. Bible chu Leila, chhuichiang la, ringngam la, hmangaih tak chungin, chhan neitak in hrilhfiah rawh Bible hi.

by

Tk Vanlalchhuana Hrahsel

Lunglawn, Lunglei

If you enjoyed this post and wish to be informed whenever a new post is published, then make sure you subscribe to my regular Email Updates. Subscribe Now!

Kindly Bookmark and Share it: