Pentecost takin aw

          Ekhai! Lalpa hmangaih fa, Zion hlamawi saa, nunna thing pár tlan a, lal thuthlung kûrpuitu hmangaihna luangliama lalram tan tia ram kal siam \hinte... Zopa Bit dik tak nena Lamtual chhai \hin te hian thlang sappui kan iang dawn ta em ni? Kalvari thing chu Aluminnium in kan siam dawn ta em ni ? Hnai love, keini lal thuthlung fate hian eng nge kan ei ang a, eng nge kan in ang tih aiin kan thupui ber ‘Lalram ti zau turin’ tiin sir kan sawn zel zawng a nih hi.

          Khawvel mite ngaih leh hmuhah chuan rethei leh kan neih pawh nung zolo te te kan ni hlawm si. Nimahsela, ‘hlimin ka zai, ka zai zel ang, ka damchhung ni reilo teah hian, Lungawina kim Lal Isua ka nei si’, kan la ti \alh tho si a nih hi.

          Khawvel alo in her danglam zèl a, kan khawsak a changkangin khawvel thil ropui leh \ha tak takte chuan nitin min chim zel a, \halaite Lalpa sipai huaisen kan nihna ata kan nun min pawh pên tumin kan awh zâwng tak leh kan mamawh ni ngeia kan hriat hmang ngei chuan sual chuan min rawn hnaih a, chutah tak chuan Lal Isua ringtu diktak kan nihna kan lanchhuah tir a ngai \hin a ni. Khawvel changkanna ûm a, a ropuina mila kal tur kan ni lova, Lal Isua’n ti tura min tih leh thawk tura min tih ang angin kan awm mai zawk tur  a ni. Khuangpui leh khuangte nena hlim taka kan làm a, Lalpa kan fak theih chuan lawmthu sawi mawlh mawlh zawk tur kan ni.

          Ka thinlungah chuan mi tutee maw thusawi chu a lo rin nawn awl lova, ka ngaihtuah a, laikhum belin mutmu tuah kan rem sauh sauh a, zailai arkhuan hre hauh lova, mut ka tum ngial pawhin, chu thuchuan ka ngaihtuahna a hruai peng a, chhingmit khartung a sawn zau tial tial a, chutiang chung chuan muthilh zai rel a har hle a ni. Chu thu kan \halai \henkhatin khawvel changkànna mila kalve hi a hun tawh tih an sawi thawm ngei mai chuan ka tinlung beng a thleng a, a lo ri nawn leh awn awn reng a ni. Hetiang rilru hi engvanga pu ta mai nge kan nih? Kei akara Lugnmawl chuan nguntawk takin ka han ngaihtuah ve neuh neuh a, ‘Khawvel a changkang a, kan \halai tam takte thiamna lamah an sang tawh em em a, nitin thil thar hmuhchhuah a ni a, hengte hmanga Pathian fak chu a va nuam dawn em, Key Board nen hian Hlapui te hi han rem ta dup dup mai ila, ava nuam dawn em.

Chutihlai chuan hei chu keima ngaihtuahna mai a ni si a, kan \halaite thusawi kha hetiang lam hi a ni an gem? Engtiang zawngin nge an sawi ang tih ka han ngaihtuah leh ta a, ka rilru a buai leh zo ta.

Kan mi hmasa leh Kohhran chhiat/\hat a, hma lo hruai ham hram tute khan engvangin nge hetiang lam sawirik a pianga an mitsulh zel ni ang aw.. tih ka han ngaihtuah leh a, rilru a buai zo ta. Solfa kan duhlo tih thupuia nei a, solfa hnualsuat tam tak kan la awm bawk a, solfa tello chuan hla a ni nei silo tih te ka ngaihtuah tel zel a. Khawvel a changkang a, kan \halaite pawh an thiamna a sang em em tawh a, hetiang kawngah hian Kohhran pawhin hriatthiamna chin nei a, \halaite rilrem zawng leh Lalpa tana \halaite thawh nasat theihna tur zawngah chuan kan tihdan hluite pawh kan paih ngam ve a ngai tawh a ni tih kan ngaihtuah chhuak ta hlawl mai. Ama’rawhchu, chutianga \halaite mil leh rilrem zawnga kan kal dawn anih pawhin Pentikos mi kan nihna hi theihnghilh lo ila, engtiklai pawhin keini chuan huapzo nun i pu ve ngai lovang u. Kan unau \henkhatte chuan lo tiin lo hlimpui ve viau pawh nise, chatuan hlimna a nih loh avangin rei a daih hauh lo. Chuvangin keini erawh chu Lalpa thu ang zelin i awm zawk ang u.

          Thudang alai chuan ka rilru leh thinlunga ka lo vei ve êm êm hi ka sawi leh \hin... Thlarau bo veitu nih i han tum thar leh teh ang u. Kan ram dûng leh vâng ka thlir \hin a, Serhtan thuthlung vah vaih puitu tam tak kan awm a, \henkhatte chuan Isua Pathianna dik tak leh thu min thlunsak dan dik tak pawh an hre fuh lova, chutichung chuan lu chhum ban chhum huamin ramthim ram rovah ke an pen suau suau a, hetah tak hian ka rualawt \hin, kan \halai lehkha thiam leh rilru chak tak tak te u, i \hangharh mawlh ang u. Mahni awm hmuna kan thu hriat leh dawnte kan u\awk tûr vawn tlat chuan nakin lawkah kan la thi puam\ulh ang tih a hlauhawm.

          Hmangaihnaa rawngbawl \hin, rinna avanga mite hmuhsit tuarte, khawvel ngaiha mi mawl leh â takte hian Lalpa thuthlung kan nei a, kan hria a, chu chu hrelo te hnena hriattir leh hmangaihna kuta tuam dam hi kan bat a ni. Engpawhnise, kan hmachhuan Lal Isua a ni tih hriain kan thiltih a piang  Pentikos takin ti zel ang aw...

by

Henry S.Chhuanhmingliana

Administrator

If you enjoyed this post and wish to be informed whenever a new post is published, then make sure you subscribe to my regular Email Updates. Subscribe Now!

Kindly Bookmark and Share it: